LUK 16:2 - Bawm Common Language Bible Version

² Chun, anih nih chun amah chu a kawh le, a sinah, ‘Na thu ka theih mi hi zei zia mesi? Na sum zauhkhenh thâwngthâng hawng ka rîn piak ver rawh; tu ri hen sum kiltu ah na um kho lai lo rawh,’ a ti.

LUK 16:2 ပူးပေါင်းရင်းမြစ်များ

THUSIMTU 12:14

Pathian nih thil kan ti mi zawng ah lâi a rêl awt le, a sia mi khawm a ṭha mi khawm, a thup hen thil ti mi tla khawm.

MATHAI 12:36

“Chun, ka nan simh na, mi nih thu-do-tla-lo an sim kip ah chu thu thâwngthâng chu lâirêl ni ah chun an sim lai.

MATHAI 20:8

“Chun, zânleibâi rawh chun grep dûm dâwngpu nih chun a sum kilkâwitu sinah, ‘Rianṭuantu tla kha kawh na le, a madung chem ah dawmh hen a masa chem tiang hen an lawh pêk na rawh,’ a ti.

LUK 12:20

Sikhawmsele, Pathian nih a sinah, Mi â, tuzân hin na thlarau an lâk piak awt asi; na thil timhtuah tla kha âu tâ me si lai rawh ne?’ a ti.

LUK 12:42

Chun, Lalpa nih, “Sum kiltu zumhkâi fing tak a pu nih a tik zawng ah an tingvo buh ṭhen piak ding hen a dawngsung tla lakah hotu ah a siam ding mi chu âu chem me si lai?

LUK 16:1

Chun, Jisu nih a ṭhiruai tla sinah, “Minei âunih mawh sum kiltu a nei le, chu nih chun sum a veih salam piak leikâng ah a sinah an phiar.

LUK 16:3

Chun, sum kiltu nih chun a thinlung hen, ‘Ka pu nih ka sum kil a ka phelh awt mi hi zeitin ka ti lai aw? Tual chawh tâ nih ka huam lo, kutdawnh tâ nih ka ningzàk fâwn.

ROM 14:12

Chun, kan ektê hen Pathian sinah mah thâwngthâng kan sim chiau ding asi.

1 KORIN 1:11

Ka unau le tla, nan thu chu nan lakah êlnâk tla a um ti hen Kloi dâwngsung tla nih an ka simh asi.

1 KORIN 4:2

Hi lakah hin zauhkhenhtu chu zumhkâi a herh asi.

1 KORIN 4:5

Chun, a hun lânah hin zeikhawm nik lah u, Lalpa a hawng kal lânlo chu. Anih nih chun mûi thil thup tla chu chêu ah a hawng suah lai le, thinlung ah tum mi khawm chu a hawng langh lai; chu tikah chun mikip nih Pathian lakah chun mah ting tâwk ah sawr an lawh chiau lai rawh.

2 KORIN 5:10

Mi kip nih taksa thil tla chu a siat a ṭhat hen kan ti hâwi vima hen kan tawng chiau khonâk ding hen Krist lâirêlnâk tophah mâika ah chun langhtir hen kan um ver ding asi.

1 TIMOTHE 4:14

Khuavâng tla simhkannâk thu na sinah pêk asi hâwi hen leh na tlûnah Upa tla kut thângnâk leh nangmah lakah Thlarau lei thilpêk na ting mi kha thlahthlamh lah.

1 TIMOTHE 5:24

Mi zeimaw mi sual tla chu a lang ko le, lâirêlnâk ah a tleng masa tâwn; mi zeimaw mi lam chu an dunglei ah a zûl tâwn.

1 PETER 4:10

Mi kip nih thilpêk nan tawng mi chu Pathian zângfahnâk zauhkhenhtu tla hâwi hen, midang tla ṭhatnâk ding hen ti u.

1 PETER 4:5

Minung leh mithi lâirêltu ding Pathian sinah chun an thâwngthâng an sim teh lai.

THUPHUANG 20:12

Chun, mithi tla, a lian a mê hen, laltophah mâika ah an dîr mi ka muh le, chun lasuibu tla chu a kêu le, chun, lasuibu dang, nungnâk lasuibu khawm a kêu le, chun, mithi tla chu an thilti lasuibu tla ah â rîn hâwitê hen lâirêl piak hen an um rawh.