LUK 15:4 - Bawm Common Language Bible Version

⁴ “Nan lakah âuzawng nih dawrâ zâ nei sele, chu lakah pakhat tlâu sele, ramkaro ah sâwmkua leh pakua chu mâk hen, a tlâu mi chu a tawng lânlo chu âunih a hâwl lo lai?

LUK 15:4 ပူးပေါင်းရင်းမြစ်များ

SAM 119:176

Dawrâ tlâu hâwi hen ka vâi le, churuangah hawng le, hawng ka zauh, Na to-aw hi, na dân thu chu ka thlawrhthlâu lo ruangah.

ISAI 53:6

Kan ektê hen dawrâ a tlâu mi hâwi kan si le, mah duhnâk lei chiauah kan kal. Sikhawmsele LALPA nih rêpnâk chu a tlûnah a tlungtir. Kan ektê rêp kan tuar ding mi rûlah a tuar.

JEREMIA 33:13

Tlângram a mi khuapi tla ah, tlângbul ah leh Juda ram simlei tla, Benjamin ram tla ah, Jerusalem kiangkam mi khua tla ah, Juda khuapi tla ah dawrâpu nih an dawrâ an rêl nawlh lai. Kei, LALPA nih ka sim asi,” a ti.

JEREMIA 50:6

“Ka mi tla chu dawrâ a dâwngpu nih tlâng sâng takah a thlâu na mi hâwi an si. Dawrâ rual hâwi hen tlâng khat thawk hen tlâng dang tla khawm ah an vâi le, an umnâk in khawm an theih lo rawh.

EZEKIEL 34:16

“A tlâu mi tla chu ka hâwl na lai le, a vâi mi tla chu ka va khawk na lai, a liam mi tla chu ka tuam piak na lai, a damlo mi chu ka damh lai le; sikhawmsele kei chu dawrâpu thil dik titu kasi ruangah a bit mi leh a chak mi tla ka veih na awt.

EZEKIEL 34:31

“Nannih chu ka dawrâ tla, ka châwm mi dawrâ rual, ka minung tla nan si le, kei lam chu nan Pathian kasi,” LALPA Zahkâi nih a ti.

EZEKIEL 34:4

A chak lo mi khawm nan bulsân lo, a damlo mi khawm nan damh na lo, â liam mi tla khawm nan tuam piak lo, a vâi mi khawm nan va dawng na lo, a tlâu mi khawm nan hâwl na lo. Chu ngâk hen nan nehsawh na.

EZEKIEL 34:8

Kei, Pathian nung kasi sung zawng chun ṭhadektê hen ka thu nan ngâi ding asi. Dawrâ vêngtu âukhawm a um lo ruangah ka dawrâ chu ramsa nih an thah na le, an ei na. Ka dawrâpu tla nih dawrâ tla chu hâwl ding an awtlo. Anmah kawngkâ cho anna ruat le, dawrâ rerêng an âwva lo.

MATHAI 12:11

Chun, Jisu nih chun an sinah, “Nan lakah âutal nih dawrâ pakhat nei ule, chu chu Dinhni ah khursaduap ah tlâ sele, âunih me tleih hen nûk lo lai?

LUK 13:15

Lalpa lam nih chun a sinah, “Nannih mi perpê tla, Dinhni ah mah chawpê mawh sanatung mawh a râwl einâk ah mi sût hen tî din ding hen nan kalpi chiau tâwn lo ma?

LUK 15:3

Sikhawmsele, anih nih chun an sinah hi tahṭhimh thu hi a sim:

LUK 19:10

Tlâu leh vei hâwl leh ruangsuah ding hen Minung Fapa hi a hawng kal ngen asi,’ a ti.

ROM 2:1

Churuangah, ka hâwi tla, midang tla tlûnah lâi nan rêl mu? Mi âutal si khawm ule, ngaihdamnâk rerêng nan nei lo. Midang lâi nan rêl liauah chu hâwi thil an ti mi tla hâwi nan ti bâk tâwn ruangah nanmah leh nanmah nanna mawhtir asi.

1 PETER 2:25

Dawrâ tla lampi an vâi mi hâwi nan si. Sikhawmsele, tuah lam chun nan thlarau tla Kiltu leh Dawrâpu chu zûl ding hen kîrtir nan si rawh.