Vânmifial, ṭihnungkâi zawzawngah hawng ka humtu nih malsâwm na seh! Hi ngâksia tla lakah hin ka pu Abraham leh Isak min chu um kumza seh! fa tam tak leh thlâk tam tak nei na seh,” a ti.
Lalchem leh Israel mi tla sualnâk tla chu ngaihdam na, thil dik ti ding hen sîntir na. Churawhchun, LALPA, hi ram, na mi tla tâ si kumza ding hen na pêk mi ah hin ruah sûrtir rawh.
LALPA, hawng kan ngâi rawh, LALPA, hawng kan ngaihdam rawh, LALPA, hawng kan ngâi le, thil ti rawh! Pathian na si zia mikip nih theih ding hen, tlâi lo hen ti rawh! Hi khuapi leh minung tla hi na tâ an si,” ka ti.
LALPA sinah kîr ule, nan thlachamnâk chu hi hi si seh, “Kan sual zawzawng hawng kan ngaihdam le, kan thlachamnâk hawng kan ngâi piak, kan tiamh mi hâwi hen kan sawr lai.
Chun, lungpher tlûnah chî a tlâ mi chu an theih kâ hen thu chu lâwm tak hen tleih mi tla an si; sikhawmsele, ram an nei lo; sâwtlotê chu an lung le, lêmnâk tawng tikah an bângtâk nawlh tâwn.
Minung tuar kho ri nûnlêm chun lêmnâk rerêng nan lakah a tlung lai loh. Pathian lam chu zumh a kâi asi, anih nih chun nan tuar kho tâwk nûnlêm chun lêmnâk nan tawng a siang lai loh; nan tuar khonâk ding hen lêmnâk rual hen teknâk lampi a siam sawm lai.
dawnhkhonâk tla hen a thuam u, âuzawng nih âu lak zawng ah thupawi nei ule, a dawnhtawnh hen a ngaihdam tawnh ule, Lalpa nih a nan ngaihdam na hâwi hen khan a ngâihdam u.
Nâ tuar ding tla hi ṭih lah, ngâinik, Diabol nih niknâk ah a nan siah lai le, nan lakah mi zeimaw mi rêngin ah a nan khumh na awt asi, chun, ni râ hamh nan tuar lai. Thih tiang hen zumhkâi hen um rawh, chuvachun nungnâk lallukhuh ka nan pêk lai.
Felfê tak hen ka thupêk tla na pawm ruang khan, tual ah mi zapi an um mi tla nik ding hen, laikulh zawzawng tlûnah tik hawng tlung ding mi lakah chun kei khawm nih ka nan hum lai.