LUK 11:2 - Bawm Common Language Bible Version

² Chun, anih nih chun an sinah, “Thla nan cham chun hi hâwi hen ti u: ‘Ka pa, Na min zahkâi seh, Na ram hawng tlung seh.

LUK 11:2 ပူးပေါင်းရင်းမြစ်များ

1 Lal 8:43

an thlachamnâk chu ngâi piak na. Na mi Israel tla nih an ti mi hâwi hen zei se ti piak ding hen a nan deih, na umnâk vân thawk hen ngâi piak na, laikulh mi zawzawng nih na thu an ngâi khonâk ding hen; chu tikah hi Biakin ka sak mi hi nangmah sawnhnâk in asi ti an theih lai.

2 Lal 19:19

LALPA, kan Pathian, tuah Asiria tla lakah mi chu hawng kan hum rawh, laikulh phun zawzawng nih nangmah cho LALPA Pathian na si ti an theih khonâk ding hen,” a ti.

2 CHRONICLES 20:6

Lalchem Jehosaphat chu an mâika ah a dîr le, hâu fâk tak hen thla a cham. “LALPA hawng kan thlâktu Pathian, nangnih vân thawk hen laikulh ah mi phun zawzawng tlûnah lâi na rêl. Nang chu thil na tikho hen na chak, âukhawm nih do kho ding mi na si lo.

SAM 103:20

Nannih vânmifial chak tak leh thiltikho tak tla, a dân thu zûltu leh a thusim ngâitu tla, LALPA chu sawr u.

SAM 108:5

Pathian, na rokualnâk chu vân ah khin langhtir, na rokualnâk zawzawng tual tlûnah langhtir.

SAM 11:4

LALPA chu a Biakin thenhlimh ah a um le, a laltophah chu vânah a um. Munkip ah mi a vêng na le, an thilti tla a theih hep.

SAM 57:11

Pathian, na rokual zia vân ah khin langhtir le, tual tlûn zawzawng khawm ah langhtir.

THUSIMTU 5:2

Thu na sim lânah a ruat tâ rih le, Pathian sinah thutiam ding hen a nam lah. Anih chu vân ah a um le, nang chu tual tlûnah um mi na si, churuang chun na sim ding mi nunlêm ah a leiluat sim lah.

ISAI 63:16

Nang chu kan pa na si. Hawng kan thlâktu Abraham leh Jakob nih hawng kan theihpi lo le, sikhawmsele LALPA nang chu kan pa, ruang hawng kan suah kumzatu na si.

EZEKIEL 36:23

An lakah nan mualphoh mi ka min thenhlimh rokual, phun tla sinah ka langhtir tikah chun Kei, LALPA kasi ti an theih lai rawh. Kei, LALPA Zahkâi nih ka sim asi. Ka min thenhlimh zia phun tla rangah muhtirtu ah ka nan mang na awt.

DANIAL 2:28

Sikhawmsele lal rangah muhtirtu vân Pathian a um, hi nûn mâilei thil a hawng um ding mi lal nangmah rangah a nan theihtir mi asi, tuah langhnâk na muh mi leh mang na it liauah na manh mi chu kan simh lai.

DANIAL 2:44

Chu liau lâirêltu san ah vân Pathian nih ram a hawng dirh lai. Dawngh ti a um lai lo rawh, neh hen a um lai lo rawh le, lalram zawzawng râwk hep hen a um lai le, zungzâl hen a um kumza lai rawh.

DANIAL 7:18

Chungnungchem Pathian mi tla nih lal thiltikhonâk anna ting kumza lai rawh,” a ti.

DANIAL 7:27

Tual tlûnah lalram zawzawng rokualnâk leh thiltikhonâk chu Pathian mi rokual tla sinah pêk asi lai rawh. Lal thiltikhonâk anna ting mi chu a dawng lai lo rawh le, tual tlûnah lâirêltu zawzawng nih an rian an ṭuan piak na hen an thu an ngâi lai rawh,” a ti.

HOSEA 14:2

LALPA sinah kîr ule, nan thlachamnâk chu hi hi si seh, “Kan sual zawzawng hawng kan ngaihdam le, kan thlachamnâk hawng kan ngâi piak, kan tiamh mi hâwi hen kan sawr lai.

LEVITICUS 10:3

Churawhchun, Mosi nih Aron sinah, “Hi hi asi LALPA nih âuzawng ka rianṭuantu nih chun ka thenhlimhnâk hi an zah ding asi, ka mi le sinah ka rokualnâk ka langh lai a ti liauah a sim mi chu,” a ti. Sikhawmsele Aron chu a dâisip.

LEVITICUS 22:23

Mah duh thu ah ap mi lakah a râwm fêk mi a tling lo mi khawm ap kho asi lai; thutiam rangtlingnâk rangah lam chun pawm asi lai lo.

HABAKUK 2:14

Sikhawmsele tipi chu ti hen a khat hâwi hen, tual chu LALPA rokualnâk hen a khat lai.

MATHAI 10:32

“Chuvachun, mi le tla mâika ah hawng ka ṭanhtu zawng ka Pa vân ah mi mâika ah ka ṭanh bâk lai.

MATHAI 3:2

“Rim u, Vân Ram chu a nâi rawh,” ti hen, Judai ramkaro ah thusim hen a hawng kal.

MATHAI 5:16

Chu hâwi ber hen nan chêu chu mi mitmuh ah chêu seh, chuvachun nan thil ṭha ti tla an muh lai le, nan Pa vân ah mi an chawnglawmh kho lai.”

LUK 11:1

Chun, veikhat chu Jisu chu zei mun ah mawh thla a cham. Thla a cham thluh rawh chun a ṭhiruai pakhat nih a sinah, “Lalpa, thlacham dân Johan nih a sîntir na hâwi khan hawng kan simh bâk me,” a ti.

ROM 1:7

Churuangah nannih Rom khua ah um mi tla, Pathian nih a dâwt mi tla leh amah mi tla siding hen kawh mi tla zawzawng sinah ka rîn asi: Pathian kan Pa leh, Lalpa Jisu Krist sinah thawk hen zângfahnâk leh remnâk nan sinah um seh.

ROM 8:15

Lâu ah um nawlh ding hen to-aw sinâk thlarau nan tawng asi lo le, fa sinâk thlarau nan tawng asi dauh, chu thlarau ruangah chun ‘Abba, ka Pa’ ti hen kan âu tâwn hi.

1 KORIN 1:3

Pathian kan Pa leh Lalpa Jisu Krist sinah mi zângfahnâk leh remnâk nan sinah um seh.

2 KORIN 1:2

Pathian kan Pa leh Lalpa Jisu Krist sinah mi zângfahnâk leh remnâk nan sinah um seh.

GALATIA 1:4

Anih nih chun kan Pathian leh Pa rem ti kâng hen tuliau laikulh sual tak lakah hin hawng kan suah khonâk ding hen kan sual tla ruangrûl ah amah a pêk rawh.

EPHESI 1:2

Pathian, kan Pa leh Jisu Krist sinah thawk hen zângfahnâk leh remnâk nan sinah um seh.

PHILIPI 1:2

Pathian kan Pa leh Lalpa Jisu sinah thawk hen zângfahnâk leh remnâk nan sinah um seh.

PHILIPI 4:20

Chun, Pathian kan Pa sinah chun zungzâl hen rokualnâk um seh. Amen.

KOLOSA 1:2

Kolosa khua ah Krist ah mi thenhlimh tla leh unau zumhkâi tla sinah chun: Pathian kan Pa thawk hen zângfahnâk leh remnâk nan sinah um seh.

1 THESALONIKA 1:1

Pawl, Silas leh Timothe nih chun: Pa Pathian leh Lalpa Jisu Krist ah Thesalonika khua mi kawhmi tla sinah: Zângfahnâk leh remnâk nan sinah um seh.

2 THESALONIKA 2:16

Chun, kan Lalpa Jisu Krist ngelchel leh Pathian kan Pa, hawng kan zângfahtu leh a siherhnâk hawng kan pêk mi thinlung dik lungumnâk ṭha pêktu nih chun nan thinlung tla chu an lungngamh na hen,

THUPHUANG 11:15

Chun, vânmifial pasarihnâk nih chun a tâwtawrâwt chu a tum le, “Laikulh ram chu kan Lalpa leh Mesia ram a hawng si rawh, anih nih chun zungzâl hen lâi a rêl lai,” ti hen vân thawk hen aw-hâu a hawng suak.

THUPHUANG 15:4

Lalpa, âunih nang a nan ṭih lo lai! Na rokualnâk phuang lotu âu a um lai? Nangmah lâwng na thenhlimh asi! Na thilti rep tla chu mi kip nih an muh rawh, phun kip an hawng lai le a nan sawnh lai,” an ti.

THUPHUANG 19:6

Chun, mi zapi cherkhet aw-hâu hâwi leh, tî tam tak â khâwk mi rihâu hâwi leh khuarît fâk tak hâwi hen, “Halleluia’’ (Pathian chu sawr u), kan Lalpa, Pathian Zeizawng tikho chu lalchem asi,

THUPHUANG 20:4

Chun, laltophah tla ka muh le, a tlûnah mi an to le, an sinah lâirêlnâk an pêk na le, chun, Jisu theihtirnâk thu ruangah leh Pathian thu ruangah lû tan hen an thi mi thlarau tla leh sarâng leh a lem mâimûk lo hen, an chal ah mawh, an kut ah mawh singsiahnâk neilotu tla thlarau khawm ka muh le, chubang tla chu an nung le, Jisu Krist hen kum sâng khat lâi an rêl.