LUK 10:7 - Bawm Common Language Bible Version

⁷ Chu in ah chun um ko ule, an pêk na mi zawng din hen ei u; rianṭuantu chu lawh tawng tlâk asi. In kip lâwr lah u.

LUK 10:7 ပူးပေါင်းရင်းမြစ်များ

NUMBER 18:31

A dang vial chu nang leh na dâwngsung tla nih zei mun zawng ah an ei kho, Puanin ah nan rianṭuan man asi ruangah.

MARK 6:10

Chun, amah nih an sinah, “Kha zei khawm ah nan tlungnâk in ah chun, chunah mi nan suak lânlo chu tlung kumza u.

LUK 10:6

Chun, chunah lungngamnâk fa a um chun nan lungngamnâk thu chu a tlûnah a um kumza lai; a um lo lam chun nan tlûnah a hawng kîr nawlh lai.

LUK 9:4

Chun, nan tlungnâk in zawng ah tlung kumza u, chu in thawk hen chun suak u.

THILTI 16:15

Chun, amah leh a dâwngsung tla hen baptis an si rawh chun, Lalpa lungtu tak hen nan hawng ka ruat chun ka in ah hawng tlung u,” ti hen hawng kan ngiar chiam le, hawng kan thloh rawh.

THILTI 16:34

Chun, a in ah a kalpi na le, ei ding a pêk na le, chun Pathian an lung ruangah anih chu a dâwngsung tla zawzawng hen anna lâwm rawh.

THILTI 16:40

Chun, rêngin thawk hen an suak le, Lidia in ah chun an lût. Chun, unau tla chu an muh na le, lung an ngamh na le, an suak rawh.

GALATIA 6:6

Chun, sîntirnâk tawngtu nih chun thu ṭha zawzawng sîntirtu sinah pêk bâk seh.

DEUTERONOMY 12:12

Chunah LALPA umnâk ah chun nan fa tla, nan to-aw tla, nan khua lakah Levi um mi tla hen munkhat lâwm tak hen um ule; Levi tla nih anmah rang ê hen mun an nei lo ti theihkumza u.

DEUTERONOMY 18:8

Bâwlpu dang tla tawng mi zat hâwitê â ting lai le, a dâwngsung nih zeital an hawng kuat mi chu a kil kho lai.

1 TIMOTHE 5:13

Chun, chu lo khawm chu an tawihnâk in thawk hen in dangah anna kah vima le, zângzêt khawm an mang; zângzêt lâwng khawm silo hen thu sim lo ding mi sim hen kâ tam leh mi thilti sim le rêl piak an mang asi.

2 TIMOTHE 2:6

Lo neitu rianṭuan hamh chu a rah ting masatu asi ding asi.