LUK 10:4 - Bawm Common Language Bible Version

⁴ Tangka sâwngkhâwi, zâl, pheikawk tla put lah u; chun, lampi ah âukhawm chibai bûk lah u.

LUK 10:4 ပူးပေါင်းရင်းမြစ်များ

GENESIS 24:33

Buh an hawng pêk na rawh chun to-awpa nih chun, “Ka thusim ding mi ka sim lânlo chu buh ka ei awtlo” a ti. Laban nih, “Sim ko me,” a ti.

GENESIS 24:56

To-awpa nih, “Hawng kan thloh lah râu u, LALPA nih ka khualtlâwng dingchang tak hen a siam le; ka pu sinah hawng ka kîrtir ko u,” a ti.

2 Lal 4:24

Anih nih, “A pawi loh,” a ti. Churawhchun, sanatung tlûnah â chuan le, a to-aw sinah, “Sanatung kha a chak kho rirî hen kaltir, fûmtir lah, keimah nih ka nan simh lo chun,” ti hen thu a pêk.

2 Lal 4:29

Elisa chu Gehazi leiah â hawi le, “Khulrang hen ka ṭhianṭhunh kha put le va kal, lampi ah minung na tawng khawm ah chibai bûk ding hen a dîn lah le, mi âutal nih chibai an bûk khawmsele leh na sâng ding hen a dîn lah, in leiah kal phêt le, ṭhianṭhunh hi ngâksia tlûnah thâng,” a ti.

THUFING LASUIBU 4:25

Lungumnâk zumhkâi tak hen mâilei zauh le, nangmah ningzak a saih lah.

MARK 6:7

Chun, leinih tla chu a kawh na le, panih vima hen a fial na rawh. Khuri nâwmtâm tla tlûnah thuneihnâk a pêk na.

LUK 22:35

Chun, an sinah, “Tangka sâwngkhâwi, zâl leh pheikawk lo hen ka nan fial na liau khan thil nan samphâng rerêng ma?” a ti. Chun, annih nih chun, “Samphâng lo,” an ti.

1 SAMUEL 21:8

David nih Ahimelek sinah, “Fei leh nâmsâu hawng ka pêk ding na nei ma? Lalchem nih thu hawng ka pêk mi a mawhsareh tuk le, ka nâmsâu leh fei khawm ka lâk manh loh,” a ti.