LUK 10:16 - Bawm Common Language Bible Version

¹⁶ Jisu nih a ṭhiruai tla sinah, “Âuzawng nannih thu ngâitu chu keimah thu ngâi an si; âuzawng an duh lo natu chu keimah an ka duh lo mi asi; âuzawng kei hawng ka duh lo mi chu hawng ka fialtu duh lo asi,” a ti.

LUK 10:16 ပူးပေါင်းရင်းမြစ်များ

EXODUS 16:7

Thâizîng ah chun LALPA chêu mitser rê mi nan muh lai. A tlûnah nan chipchiarnâk kha a theih asi, Asi, amah tlûn tak ah asi, kannih lam chu a sîntirnâk puttu cho kan si,” an ti.

EXODUS 16:8

Churawhchun, Mosi nih, “Zânlei ah meh, zînglei ah sang nan duh tâwk an pêk natu ding chu LALPA asi, a tlûnah nan chipchiarnâk a theih tam tuktarâi rawh ruangah, kan tlûnah nan chipchiar mi chu LALPA tlûnah chipchiar nan si,” an ti.

MALAKI 1:6

LALPA Zeizawng tikho nih bâwlpu tla sinah, “Fapa nih chun a pa a zah le, to-aw nih a hotu a zah. Kei nan pa kasi mi zei rangah nan ka zah lo zia? Nan hotu kasi mi, zei rangah nan hawng ka zah lo? Nan hawng ka zauhnawmh le, ‘Zei hâwi hen kan zauhnawmh lai,’ ti hen nanna deih.

NUMBER 14:11

LALPA nih Mosi sinah, “Zeitiang rêmruam me, hi zapi tla nih an hawng ka nawng awt? Zeitiang rêmruam me, an lakah thilchê tam tak ka ti khawm ah an ka zumh lo awt?

NUMBER 14:2

Aron leh Mosi tlûnah an lungsilo le, “Hinah ramkaro ah mawh, Aigupta ram ah khan mawh thi ving sele a ṭha dauh ding mi!

NUMBER 16:11

Aron lakah nan chipchiar mi chu nang leh na murui tla nih hel hen LALPA nan do mi asi,” a ti.

MATHAI 10:40

“Âuzawng an lawmhnatu chu keimah lawmhtu an si le, âuzawng hawng ka lawmhtu chu hawng ka fialtu lawmhtu asi.

MATHAI 18:5

Chun, âuzawng ka min ruangah hi hâwi ngâksiatê pakhat lawmhtu zawng chu keimah an ka lawmh mi asi lai.

MARK 9:37

“Âuzawng ka min ruangah hi hâwi ngâksiatê pakhat khawm lawmhtu vial chu keimah lawmhtu an si lai; âuzawng kei hawng ka lawmhtu zawng chu keimah cho lawmhtu an si lo le, hawng ka fialtu lawmh khawm an si lai,” a ti.

LUK 9:48

Anih nih chun an sinah, “Âuzawng ka min ruangah hi ngâksiatê hi lawmhtu zawng chu keimah an ka lawmh asi; âuzawng kei an ka lawmhtu vial chu hawng ka fialtu lawmh an si; nan ektê lakah a mê chem mi hi asi rokual chem mi chu,” a ti.

JOHAN 12:44

Chun, Jisu a âu le, “Âuzawng hawng ka zumhtu chu kei hawng ka zumh asi lo, hawng ka fialtu zumh asi dauh.

JOHAN 12:48

Âuzawng hawng ka duh lo hen, ka thusim tla lawmhlo nih chun, lâirêltu pakhat a nei asi. Ka thusim kha, kha nih khan, ni dawngh ni ah chun amah chu lâi a rêl lai.

JOHAN 13:20

Thungâi tak hen ka nan simh na, âuzawng ka fial mi vial lawmhtu chu, keimah a ka lawmh asi; âuzawng kei lawmhtu chu, hawng ka fialtu lawmh asi,” a ti.

THILTI 5:4

A um sung zawng kha na tâ asi lo masi? Na zuar nûn khawm khan na thu thu hen a um lo masi? Zei rangah me hi bang thu hi na thinlung hen na dawnruat? Minung sinah âwkrâwl thu na sim lo le, Pathian sinah âwkrâwl thu na sim dauh asi,” a ti.

GALATIA 4:14

Chun, ka taksa nan rangah lêmnâk um mi chu nan zauhnawmh lo le, nan fih ber lo; Pathian vânmifial hâwi hen Krist Jisu hâwitê hen nan ka kawmh dauh kha.

1 THESALONIKA 4:8

Churuangah, a siarlotu nih chun minung a siarlo asi lo le, Pathian, a Thlarau Thenhlimh a nan pêk tâwn natu siarlo mi asi dauh.