LUK 1:6 - Bawm Common Language Bible Version

⁶ An panih hen Pathian mitmuh ah rep tak hen an um le, simsâwi kawplo hen Lalpa thupêk leh dân zâwzawng zâwt hen an um tâwn.

LUK 1:6 ပူးပေါင်းရင်းမြစ်များ

GENESIS 17:1

Abram chu kum sâwmkua leh kum kua asi liauah LALPA chu a sinah â langh le, “Kei Pathian zeizawng tikho kasi. Ka thu ngâi le, thil dik ti kumza rawh.

GENESIS 6:9

Hi hi Noa thâwngthâng chu asi. Fapa pathum- Sem, Ham leh Japhet a nei. Noa chu sualnâk a nei lo, a dam liauah amah cho mi ṭha asi. Pathian kawmh hen a um.

GENESIS 7:1

LALPA nih Noa sinah, “Na dâwngsung tla hen lawng ah lût ule, nangmah pakhat cho hi laikulh pumpi ah thil dik titu na si ti ka nan theih.

1 Lal 15:5

David nih Hit mi Uriah lakah a thilti cho lo chu LALPA rangah a lawmhtir hen a thupêk a ngâi ruangah chu chu LALPA nih a ti mi asi.

1 Lal 9:4

Na pa David nih a ti mi hâwi hen ka nâwl na zulh chun thu ka nan pêk mi zawzawng leh ka dân thu tla khawm na zûl chun,

2 Lal 20:3

“LALPA, zumhkâi tak hen leh ṭih tak hen na rian ka ṭuan le, ti ding hen na ka duh mi lakah chun ti ngelchel ding hen ka tum kumza mi kha theihkumza rawh,” a ti. Chun ngaihsia tak hen a ṭap rawh.

2 CHRONICLES 17:4

A pa Pathian rianṭuan hen a thupêk tla a zûl le, Israel lal tla umdân châwng hen thil a ti lo.

JOB LASUIBU 1:1

Uz ram ah minung pakhat a um le, a min chu Job asi, amah chu Pathian sawnhtu leh mi zumhkâi tak asi. Mi ṭha tak asi le, thilsual lakah â thiamthih.

JOB LASUIBU 1:8

LALPA nih Setan sinah, “Ka to-aw Job na muh ma? Hi tual tlûnah amah hâwi hen âukhawm zumhkâi an um lo. Keimah hawng ka sawnh le, thilsual ti lakah thungâi â thiamthih,” a ti.

SAM 119:6

Na thupêk zawzawng ka ngâi chun, ka mualpho lai lo.

LUK 1:7

Sikhawmsele, Elizabet a ching ruangah fa an nei lo le, an panih hen an upa thlo rawh.

LUK 16:15

Chun, anih nih chun an sinah, “Minung mitmuh ah a reptir mi cho nan si, sikhawmsele, Pathian nih nan thinlung a theih; minung lakah chawnglawmhnâk chu Pathian mitmuh hen nâwm tak asi.

LUK 2:25

Chun, Jerusalem ah chun minung pakhat a min Simeon a um. Chu minung chu mirep tak leh Pathian sunhsak mi tak asi le; Israel tla thlangamhtu ding mi chu a ngâk kumza le, a tlûnah Thlarau Thenhlimh a um.

THILTI 2:25

Chun, David nih a thu a sim le: ‘Ka mâika ah zungzâl hen Lalpa chu ka muh tâwn, ka lawksawng lonâk ding hen ka vawrhlei ah a um asi.

THILTI 23:1

Chun, Pawl nih lâirêltu tla chu a zauh ko na le, “Unau le tla, tusûn tiang hen Pathian mitmuh hen ṭhatnâk lei ka theih mi ti hen ka um tâwn,” a ti.

THILTI 24:16

Churuangah chun Pathian leikângah leh minung leikâng khawm ah thinlung sual lo ding ko hi kil kumza ka tum tâwn asi.

THILTI 8:21

Hi bang thu lakah hin na tel bâk lo, tingvo khawm na nei lo; na thinlung Pathian ngaih hen â rep lo.

ROM 8:4

Taksa Dân zâwt lo hen thlarau Dân zâwt dauhtu kanmah lakah hin Dân thuruat chu lîm hen a um khonâk ding hen.

1 KORIN 11:2

Chun, zeizawng ah nan hawng ka theihkumza ruangah leh thurovuih ka nan simh na hâwitê hen nan kil thlir ruangah ka nan sawr na.

2 KORIN 1:12

Kan putso mi chu hi hi asi: Kan sia leh ṭha theihnâk thu theihtir chu thenhlimhnâk leh Pathian diknâk nei hen, taksa finghnâk ah silo hen, Pathian zângfahnâk dauh hen laikulh ah hin kan changhdân kha nanmah leikângah kan changh dân a ṭha khun.

DEUTERONOMY 5:33

A ektê hen zûl ule, churawhchun thil zeizawng ah nan sul-le-lam a tluang lai le, nan va luah ding mi ram ah chun nan um kumza lai.

1 THESALONIKA 3:13

Chun, kan Lalpa Jisu a mi thenhlimh zawzawng tla hen a hawng kal tikah, kan Pathian leh kan Pa mâika ah nan thinlung tla thenhlimhnâk leikângah simsâwi kawplo hen a nan birhtir kho na lai.

2 PETER 3:14

Churuangah, duhtak le tla, chu Ni nan ngâk ruangah Pathian mitmuh ah thenhlimh leh sual lo hen a sinah lungngam tak hen nan um khonâk ding hen a ṭang u.

1 JOHAN 2:29

Amah chu mirep asi ti nan theih chun, mi âuzawng repnâk titu chu Pathian fa asi ti nan theih lai.

1 JOHAN 2:3

Chun, a thupêk tla kan zâwt chun, chu lakah chun amah kan theih ti kanna theih asi.

1 JOHAN 3:7

Fa le tla, âu perpet hen khawm um lah u, Jisu Krist â rep hâwi hen thil dik titu chu â rep asi.