LUK 1:32 - Bawm Common Language Bible Version

³² Anih chu milian asi lai le, Chungnung chem Fapa an ti lai. Lalpa Pathian nih a sinah a thlâktu David laltophah chu a pêk lai.

LUK 1:32 ပူးပေါင်းရင်းမြစ်များ

2 SAMUEL 7:16

Thlâk tla na nei kumza lai le, na lalram chu ka siah kumza lai, na lalnâk chu a dawng lai loh, a ti,’ ” ti hen va simh.

SAM 132:11

David sinah thu tak lêt lo ding mi thutak na tiamh: “Na fapa tla lakah pakhat lal ah ka toh lai le, anih nih chun na nehnûnah lâi a rêl lai.

SAM 132:12

Na fa le tla ka thudîntuk leh ka thupêk lakah dik tak hen an um chun, an fa tla khawm nangmah hâwi hen lal an si vima lai.”

ISAI 16:5

Churawhchun, David thlâk lakah mi lal ah a um lai le, mi zapi lakah dâwtnâk leh zumhkâinâk hen lâi a rêl lai. Thil dik chu a ti sawm lai le, repnâk hen thilti asi mi tla chu a zauh lai.)

JEREMIA 17:25

Chu tikah lalchem tla leh an fa tla chu Jerusalem kulh kawtkâ ah lût hen David nih a nei mi hâwi lal thiltikhonâk anna ting lai. Juda mi tla leh Jerusalem mi tla chu munkhat hen kari leh rang tla lakah anna chuan lai le, Jerusalem khuapi chu mi an khat dul kumza lai.

DANIAL 2:44

Chu liau lâirêltu san ah vân Pathian nih ram a hawng dirh lai. Dawngh ti a um lai lo rawh, neh hen a um lai lo rawh le, lalram zawzawng râwk hep hen a um lai le, zungzâl hen a um kumza lai rawh.

MATHAI 1:1

Abraham thlâk, David thlâk, Jisu Krist thlâktu tla anna thlâk zia thâwngthâng chu:

MATHAI 12:42

Simlei lalnu kha lâirêl ni ah chun tu san mi tla sinah hin a thawk bâk lai le, an mawhtir na lai; Solomon finghnâk ngâi ding hen men kâwlkil thawk hen a hawng kal ruangah. Ngâinik u, Solomon ngâk hen rokual dauh hinah hin a um.

MATHAI 28:18

Chun, Jisu chu an sinah a hawng kal le, annih tla chu a sawnh na, “Tual leh vân ah mi thuneihnâk zawzawng ka sinah pêk asi rawh.

MATHAI 3:11

Kei lam nih chun nan rimnâk ding hen tî hen ka nan baptis na; sikhawmsele, ka dunglei ah a hawng kal ding mi chu keimah ngâk hen a rokual dauh le, a pheikawk put tlâk khawm kasi lo, anih nih chun Thlarau Thenhlimh leh mei hen a nan baptis na lai.

MARK 14:61

Anih lam chu a dâisip le, zeikhawm hen a sâng lo. Bâwlpu Lalchem nih chun a sinah, “Mesia Thawsuak Fapa chu na si ma?” ti hen a deih nawlh.

MARK 5:7

Chun, aw-hâu fakpi a âu hen, “Jisu, Pathian Chungnung chem Fapa, kei leh nang zei me kanna tlâinâk um? Hawng ka rêp lo ding hen Pathian min hen ka nan ngiar chiam asi,” a ti.

LUK 1:15

Lalpa mitmuh hen milian asi lai le, uain leh zû rerêng a din lai loh, a suaknâk thawk hen Thlarau Thenhlimh hen a khat lai.

LUK 1:35

Chun, vânmifial nih chun a sinah, “Thlarau Thenhlimh na tlûnah a hawng tlung lai le, Chungnung chem thiltikhonâk nih a nan huhphenh lai. Churuangah mi thenhlimh hawng suak ding mi khawm chu Pathian Fapa an ti lai.

LUK 1:76

Asi, ka fa, nang hi Chungnung chem khuavâng a nan ti lai. Lampi tla siam ding hen Lalpa mâika ah na kal awt dangâiah.

LUK 3:16

Johan nih chun a sâng le, an ektê sinah, “Kei nih chun tî hen ka nan baptis na tâwn le; sikhawmsele, keimah ngâk hen mi rokual a hawng kal awt, a pheikawk rî sût tlâk khawm kasi lo; anih nih chun Thlarau Thenhlimh leh mei hen a nan baptis na lai.

LUK 6:35

Sikhawmsele, nan mêlma tla dâwt ule, an ṭhatnâk ding ti ule, pûktir u, lungdawng lo thlo hen, chun nan lâwmman a rokual lai, Chungnung chem fa tla nan si lai. Anih nih chun lâwm ding theih lo minung tla leh misual tla a dâwt tâwn.

JOHAN 12:34

Chun, mi zapi nih a sinah, “Mesia chu zungzâl hen a um kumza awt ti Dân ah kan theih; nangnih, ‘Minung Fapa thlâi hen a um ding asi,’ zeitin zia hen ti me na si? Chu Minung Fapa chu âu me asi?” an ti le, an sâng.

JOHAN 6:69

Nang Pathian Mi Thenhlimh chu na si ti kan lung hen kan theih rawh,” a ti le, a sâng.

THILTI 16:17

Chu minung nih chun Pawl leh kanmah a hawng kan zûl le, “Hi bang minung ruangsuahnâk lampi simtu tla hi Chungnungchem Pathian to-aw an si,” ti hen a âu.

THILTI 2:30

Anih chu khuavâng asi le, Pathian nih David thlâk tla âumawh a tophah tlûnah a totir awt ti siatsirh hen a sim ti a theih le;

THILTI 2:36

“Chun, Jisu nan khenhbêk mi ngelchel kha Pathian nih Lal leh Mesia si hen a siam rawh ti Israel phun kip nih theih chiau seh,” a ti.

THILTI 7:48

“Sikhawmsele, Chungnungchem chu kut hen sak mi in ah a um dahlo; khuavâng nih:

ROM 1:4

thenhlimhnâk thlarau lei thu ah chun mithi lakah thawk hen a thawknawlhnâk nih chun, Pathian Fapa a sizia fâk tak hen a theihtir.

THUPHUANG 3:7

“Chun, Philadelphia khua kawhmi vânmifial sinah chun rîn rawh: “Mi thenhlimh mi dik tak, David renh nei hen, âukhawm khâr lo ding hen awngtu leh âukhawm awng lo ding hen khârtu nih khan hi thu hi a sim asi.