LEVITICUS 9:4 - Bawm Common Language Bible Version

⁴ chawchal leh dawrâ chal chu kawmhnâk thil ap rang ding ah hawng put ding hen simh na. LALPA sinah bâwlnâk chu fâng ap mi sariak hen chawmh mi an ap ding asi. Tusûn ah an sinah LALPA a hawng a langh awt ruangah hi hi an ti ding asi,” a ti.

LEVITICUS 9:4 ပူးပေါင်းရင်းမြစ်များ

EXODUS 16:10

Aron nih mi zapi sinah thu a sim liau chirah, ramkaro lei anna hawi le, LALPA chêu mitser rê hen sûm lakah a hawng lang.

EXODUS 19:11

kip ah anna tîm ding asi. Chu ni ah Sinai Tlâng tlûnah ka hawng ṭum awt, chunah chun mi zawzawng nih an hawng ka muh kho lai.

EXODUS 24:16

Mit ser rê mi chêu LALPA mâika mi chu tlâng tlûnah a hawng ṭum rawh. Israel mi tla mitmuh ah tlâng tlûnah mei a kâng mi chêu hâwi asi. Ni ruk kar chu tlâng chu sûm nih a khuh pang, a ni sarih ni ah chun LALPA nih Mosi chu sûm thawk hen a kawh.

EXODUS 29:43

Chunah chun Israel mi tla hen kanna tawng lai le, Ka chêu mit ser rê mi nih chun mun chu a thenhlimhtir lai.

EZEKIEL 43:2

chunah chun Israel Pathian umpinâk chêu chu mitser rê mi saklei thawk hen a hawng kal mi ka muh. Pathian hâu chu tipi hâu hâwi hen a suak le, mit ser rê mi chêu nih tual chu a cherh.

EZEKIEL 43:27

Chu zarhkar chu a lîm rawh chun bâwlpu tla nih, duahphung thil ap zapi kawmhnâk thil ap anna dawmh ding asi. Churawhchun, nan ektê tlûnah ka lâwm lai rawh. Kei, LALPA Zahkâi nih ka sim asi,” a ti.

LEVITICUS 2:1

Mi nih LALPA sinah fâng a ap chun, sangvut ah a rial masa ding asi. Oliv sariak leh rimthâw a telh lai le,

LEVITICUS 3:1

Âuzawng nih kawmhnak thil ap, a ranrual lakah mi pakhat a ap chun, chawchal mawh a nunau mawh simsâwinâk umlo mi asi ding asi.

LEVITICUS 9:23

Mosi leh Aron chu LALPA umnâk Puanin ah an va lût le, an hawng suak rawh chun zapi tla mal an sâwm na. LALPA chêu chu zapi zawzawng sinah a hawng lang rawh.

LEVITICUS 9:3

Churawhchun, Israel mi tla chu sual thil ap ah kêl chal, chaw lâ kum khat mi leh dawrâ fa kum khat mi simsâwinâk umlo mi duahphung thil ap rang ding ah,

LEVITICUS 9:5

Mosi nih thu a pêk na mi hâwi hen Puanin mâiah an hawng put ver. Mi zapi zawzawng chu chunah LALPA sawnh ding hen anna pûm.

LEVITICUS 9:6

Mosi nih, “LALPA nih a chêu nan sinah a hawng langh khonâk ding hen hi bang zawzawng hi ti ding hen thu an pêk na asi,” a ti.

NUMBER 14:10

Mi zapi zawng tla nih lung hen thi thlo seh na ding hen an ṭhih na le, sikhawmsele lâkkhat ko ah zapi tla nih LALPA umnâk Puanin tlûnah chêu a hawng lang mi an muh.

NUMBER 16:19

Churawh chun, Korah nih mi zapi a pumh na le, Mosi leh Aron lei hawi hen Puanin kawtkâ ah an va dîr. Lâkkhatko ah zapi lakah LALPA chêu a hawng lang le,