LEVITICUS 9:3 - Bawm Common Language Bible Version

³ Churawhchun, Israel mi tla chu sual thil ap ah kêl chal, chaw lâ kum khat mi leh dawrâ fa kum khat mi simsâwinâk umlo mi duahphung thil ap rang ding ah,

LEVITICUS 9:3 ပူးပေါင်းရင်းမြစ်များ

GENESIS 37:31

Churawhchun, kêl an thah le, Josef kawrdawh chu kêl thî lakah an nîm.

Ezra lasuibu 10:19

An nupi tla mâk ding hen thu an tiam le, an sual ruangah dawrâ chal bâwlnâk ah an ap.

Ezra lasuibu 6:17

Chu Biakin apnâk rangah chun chawchal zâ, dawrâ zanih, dawrâ fa zali bâwlnâk ah an ap le, kêl leinih chu sual rangah apnâk ah an mang, Israel phun khat ah pakhat vima ding hen.

EXODUS 12:5

Kêl mawh dawrâ mawh zeital nan thîm kho, sikhawmsele, kum khat mi a mipa simsâwinâk umlo mi a siding asi.

ISAI 53:10

LALPA nih, “A thihnâk chu sual ngaihdamnâk ding hen bâwlnâk asi ruangah a tuar ding mi chu ka duhzia asi. Churuangah a thlâk tla a muh na lai le; san sâu tak hen a um lai le amah ruangah ka thiltum chu a tling lai rawh.

LEVITICUS 10:16

Mosi nih sual thil ap rang ding ah kêl thu a deih mi chu duah asi rawh ti a theih. Churuang chun Eleazar leh Ithamar tlûnah a thinrun le, thu a pêk.

LEVITICUS 12:6

A thenhlimh ni a tling rawh chun mipa fa khawm nunau fa khawm LALPA umnâk Puanin tualmâi ah bâwlpu sinah a kalpi lai le, dawrâ kum khat mi duahphung thil ap rangah, lâilêng mawh vaṭhu mawh pakhat sual thil ap rangah a put ding asi.

LEVITICUS 14:10

A ni riat ni ah dawrâ fa a mipa panih leh a nunau pakhat kum khat fa simsâwinâk umlo mi a hawng put lai le, sangvut oliv sariak telh mi kilogramme thum leh oliv sariak litre mun thum ṭhen hen munkhat a hawng put lai.

LEVITICUS 16:15

Chu nûnah chun kêl chal chu zapi rangah sual thil ap rangah a thah lai le, a thî chu Mun Thenhlimh Chem ah a va lûtpi lai le, a sinh tlûn leh Thudântuk Bâwm mâilei ah a theh lai, chawchal thî a ti mi ziatê hen.

LEVITICUS 16:5

Israel mipi nih Aron chu kêl chal panih sual thil ap rangah leh dawrâ chal duahphung thil ap rangah ap ding an pêk ding asi.

LEVITICUS 23:12

Fâng nan ap mi ni ah duahphung thil ap bâwlnâk khawm dawrâ fa a mipa kum khat mi sâwinâk umlo mi ap u.

LEVITICUS 4:23

a tumnak chu sual hen ngaih asi chun kêl chal sâwinâk umlo mi bâwlnâk ding ah a hawng put ding asi.

LEVITICUS 4:3

Bâwlpu Lalchem sualnâk ruangah zapi tla tlûnah mawhnâk a tlung chun, chawchal sâwinâk umlo mi sual bâwlnâk ding ah LALPA sinah a pêk ding asi.

LEVITICUS 9:2

Aron sinah, “Chawchal tuai leh dawrâ chal simsâwi kawplo mi lâk le, chawchal chu sual thil ap, dawrâ chal chu duahphung thil ap ah LALPA sinah ap rawh.

LEVITICUS 9:4

chawchal leh dawrâ chal chu kawmhnâk thil ap rang ding ah hawng put ding hen simh na. LALPA sinah bâwlnâk chu fâng ap mi sariak hen chawmh mi an ap ding asi. Tusûn ah an sinah LALPA a hawng a langh awt ruangah hi hi an ti ding asi,” a ti.

ROM 8:3

Taksa chaklonâk ruangah Dân nih ti kho lo mi chu Pathian nih a ti kho. Amah Fapa ngelchel taksa sual hâwi put hen sual bâwlnâk ding ah hawng fial hen, taksa lakah sualnâk um mi chu mawh a phurhtir rawh asi.

2 KORIN 5:21

Amah lakah chun Pathian repnâk kan hawng si khonâk ding hen sual rerêng nei lo Jisu chu Pathian nih kanmah ruangah sual ah a siam.

TITA 2:14

Anih nih chun buarnâk zawzawngah hawng kan tlanh khonâk ding hen leh phun thîm bîk, thil ṭha ti hen semsêngâi, amah rangah a thenhlimhtir khonâk ding hen, kan ruangrûl ah â pêk kha.

1 PETER 2:24

Sual leikângah thi rawh hen, repnâk leikângah kan nung khonâk ding hen Krist ngelchel nih kraws ah khan a taksa hen kan sual tla a phurh le, amah liamnâk tla hen damtir hen nan um rawh.

1 PETER 3:18

Churuangah, Krist ngelchel chu nan rangah a thi le, sual tla ruangah mi zawzawng rangah veikhat a thi le, Pathian sinah hawng kan ruai ding hen mi ṭhalo ruangrûl ah mi ṭha a thi. Taksa ah chun thah hen a um le, thlarau ah chun nunh hen a um.

THUPHUANG 5:9

Chun, “Nang lasuibu chu lâk hen, a singsiahnâk tla samh tlâk na si; Thah hen na um rawh le, chikip a mi tla, hawlh kip a mi tla, mikip a mi tla, phun kip a mi tla, Pathian rangah na thisen hen na châwk na.