Aron leh a thlâk tla chu mâichâm ah bâwlnâk leh rimthâw duah mi aptu an si. Israel sualnâk tla Pathian nih ngaihdam na ding hen Mun Thenhlimh Chem ah bâwlnâk lakah mawhphurhnâk pêk an si. Pathian to-aw Mosi nih sîntirnâk pêk mi zûl hen zeizawng an ti.
“Na unaupa Aron leh a fapa tla Nadab, Abihu, Eleazar leh Ithamar chu kawh na. Israel mi zapi lakah mi thlei na le, ka sinah bâwlpu rianṭuantu ding hen siam na.
“Hi hi ka rianṭuantu bâwlpu tla siding hen Aron leh a fapa tla apnâk ding hen na tiding mi chu asi. Chawchal tuai pakhat leh dawrâ chal panih simsâwinâk umlo mi lâk rawh.
an tâi ah tâisâwm hen sâwm na le, lukhuh khuh na. Chu chu Aron leh a fa tla na birhtir na ding mi dân chu asi. Anmah leh an thlâk le tla nih bâwlpu si hen ka rian an ṭuan kumza ding asi.
Ramkaro ah mi Sinai Tlângah Mosi nih Israel mi tla rangah an thil ap tla ap ding hen a simh na ni ah LALPA nih hi bang thupêk tla hi Mosi sinah a pêk mi chu asi.
“Aron leh a fapa tla chu ka umnâk Puanin tualmâi ah hawngpi na le, bâwlpu thuam, chulh ding mi sariak, chawchal tuai sual thil ap rang ding mi, dawrâ chal panih leh sang thilnu telh lo bâwm hawng put.