LEVITICUS 7:31 - Bawm Common Language Bible Version

³¹ A thâu chu bâwlpu nih mâichâm tlûnah a duah lai le, a î-âwm lam chu bâwlpu vo asi lai.

LEVITICUS 7:31 ပူးပေါင်းရင်းမြစ်များ

EXODUS 29:26

“Dawrâ î-âwm chu lâk le, a bîk hen thilpêk siding hen ka sinah hawng ap. Hi anrang lam chu nangmah vo asi lai.

LEVITICUS 3:11

Bâwlpu nih LALPA sinah mâichâm tlûnah eiphung thil ap ah a duah ver ding asi.

LEVITICUS 3:16

Bâwlpu tla nih LALPA lawmhtir ding hen hi bang zawzawng hi mâichâm tlûnah eiphung ap mi ah an duah hep ding asi. A thâu zawzawng chu LALPA vo asi.

LEVITICUS 3:5

Bâwlpu tla nih chubang zawng chu mâichâm ah duahphung thil ap hen an duah ver ding asi. Chu eiphung apnâk rim nih LALPA chu a lawmhtir.

LEVITICUS 5:13

Hi hâwi hen bâwlpu nih chun minung sualnâk rang ding ah bâwlnâk ap asi lai le, ngaihdam asi lai. Fâng ap mi hâwi hen a lei mi vial chu bâwlpu vo asi.

LEVITICUS 6:16

A lei mi vial bâwlpu tla nih an ei lai. Thilnu telh lo hen sang an siam lai le, LALPA umnâk Puanin tualmâi mun thenhlimh ah an ei ding asi. LALPA nih bâwlpu tla rangah eiphung ap mi anmah vo rangah a ruat mi chu asi. Sual ruangah ap mi leh rulh mi thil ap hâwi hen a thenhlimh asi.

LEVITICUS 6:26

Bâwlpu, bâwlnâk ran aptu nih LALPA umnâk Puanin kulh sung mun thenhlimh ah a ei lai.

LEVITICUS 7:34

Ran î-âwm leh a kê chu a bîk hen bâwlpu rang ding ah LALPA nih Israel mi tla thawk hen bâwlpu pêk ding hen a lâk mi asi. Hi hi zeiliau zawng ah Israel tla nih bâwlpu sinah an pêk ding mi asi.

LEVITICUS 8:29

Mosi nih a î-âwm chu a lâk le, a bîk a thilpêk siding hen LALPA sinah a pêk. Birhtirnâk ah dawrâ chal mang mi chu Mosi tingvo asi. Mosi nih LALPA thupêk hâwi hen zeizawng a ti ver.

NUMBER 18:11

“Chu lo khawm ah, thil dang a bîk hen thawhlâwm Israel fa le nih ka sinah an hawng pêk mi chu nan tâ asi lai. Zeiliau zawng ah nang, na fapa leh na fanu tla rangah ka nan pêk na mi asi. Nan dâwngsungkhur lakah dân hen thenhlimh mi vial nih an ei kho lai.

NUMBER 18:18

An sâ tla chu nan vo asi, a bîk hen thil ap lakah a î-âwm leh a vawrhlei kevâng nanna ting mi hâwi hen.

1 KORIN 9:13

Zarh thil timhtuahtu tla nih chun Pathian Biakin ah mi thil an ei mi leh mâichâm ṭuantu tla nih chun mâichâm ah tingvo an nei ti nan theih lo mazei?

DEUTERONOMY 18:3

“Zeiliau zawng ah ranrual mawh dawrâ mawh hen bâwlnâk chu a dâr, a khâ, a pawpi chu bâwlpu rangah pêk ding asi.