LEVITICUS 7:12 - Bawm Common Language Bible Version

¹² Mi nih lâwmthu simnâk thil ap Pathian sinah a ap chun, ran bâwlnâk ah mi leh thilnu telh lo sang ap mi hen munkhat hen a pêk lai. Oliv sariak hen chawmh mi sang tlang a sah mi mawh sang rêu oliv sariak telh mi mawh em mi mawh a pêk ding asi.

LEVITICUS 7:12 ပူးပေါင်းရင်းမြစ်များ

2 CHRONICLES 29:31

Hezekiah nih zapi tla sinah, “Tu chun dân hâwi hen nanna thenhlimh rawh le, LALPA sinah lâwmthu simnâk thil ap bâwlnâk hawng put u,” a ti na. Chu hâwi hen anna âwi le, mah duh thu hen bâwlnâk ah ap ding hen ran tla an hawng put.

2 CHRONICLES 33:16

LALPA sawnhnâk mâichâm tla a tharh nawlh le, chunah chun kawmhnâk thil ap bâwlnâk tla leh lâwmthu simnâk tla a ap. Juda mi tla zawzawng chu LALPA Israel Pathian sawnh hep ding hen thu a pêk na.

NEHEMIAH 12:43

Chu ni ah chun bâwlnâk tam tak an ap le, Pathian nih lâwm tak hen a siam na ruangah zapi tla chu thungâi anna lâwm. Chu ni chu nunau ngâksia tla hen an mang le, an hâu chu lât tak a râltlâng hen khawm theih kho asi.

SAM 107:8

LALPA chu, a dâwtnâk dawnglo ruangah leh an rangah thilchê tla a ti mi ruangah lâwmthu an simh ding asi.

SAM 116:17

Lâwmthusim bâwlnâk ka nan pêk lai le, na sinah thla ka hawng cham lai.

SAM 50:23

Hawng ka zahtu nih lâwmthu an sim mi chu bâwlnâk asi; ka thu ngâitu zawzawng chu ka hum ngelchel lai.”

JEREMIA 33:11

Mi nih ka Biakin ah lâwmnâk thil ap an hawng put liauah la an sak mi nan theih lai. ‘A ṭhatnâk leh dâwtnâk dawnglo ruangah LALPA Zeizawng tikho sinah lâwmthu sim u,’ an ti lai. Hi ram hi a lânah mi hâwitê hen sul-le-lam tluang tak hen ka siam lai. Kei, LALPA nih ka sim asi,” a ti.

HOSEA 14:2

LALPA sinah kîr ule, nan thlachamnâk chu hi hi si seh, “Kan sual zawzawng hawng kan ngaihdam le, kan thlachamnâk hawng kan ngâi piak, kan tiamh mi hâwi hen kan sawr lai.

LEVITICUS 2:4

Sangvut chu bêl ah hût mi asi chun thilnu telh ding asi lo. Oliv sariak hen chawmh mi sang tlang a sah mi mawh, oliv sariak hen sang siam mi mawh asi kho.

LEVITICUS 2:5

Ap mi sang chu bêl lakah suang mi asi chun, thilnu tello hen oliv sariak hen chawmh mi asi ding asi.

LEVITICUS 22:29

LALPA sinah lâwmthu simnâk bâwlnâk na ap chun, a dân hâwitê hen ti le, pawm piak na si lai.

LEVITICUS 6:16

A lei mi vial bâwlpu tla nih an ei lai. Thilnu telh lo hen sang an siam lai le, LALPA umnâk Puanin tualmâi mun thenhlimh ah an ei ding asi. LALPA nih bâwlpu tla rangah eiphung ap mi anmah vo rangah a ruat mi chu asi. Sual ruangah ap mi leh rulh mi thil ap hâwi hen a thenhlimh asi.

LEVITICUS 7:15

Chu ransa meh chu bâwlnâk pêk ni ah an ei ding asi; a thaituan tiang a leifuan siah ding asi lo.

AMOS 4:5

Mâilei ah kal le, Pathian sinah lâwmthu sim hen na sang tla ap le, na ap mi a leifuan chu zumh phahnâk ah mang rawh! Chu tak chu na thil duhkâng asi.

NUMBER 6:15

Thilnu telh lo mi sang bâwm khat khawm ap ding asi: sangtlêp sah, oliv sariak hen chawmh mi leh sang oliv sariak hen chulh mi a dang thil ap herh mi fâng leh uain khawm a ap ding asi.

LUK 17:16

Chun, Jisu kê bul ah a bawkbukhup le, a lâwmthu a sim. Chu minung chu Samaria mi asi ngengê.

LUK 17:18

Pathian sawr ding hen hawng kîr nawlh mi lakah, hi ram dang mi cho lo hi, âukhawm nih an tawng lo masi?” a ti.

ROM 1:21

Pathian theih ko hen Pathian hâwi hen an chawnglawmh lo, lâwmthu khawm an sim lêm lo; thu salam an dawn dauh le, an thinlung ah chun mûinâk hen a hawng khat rawh asi.

EPHESI 5:20

Kan Lalpa Jisu Krist min hen, Pathian, Pa sinah zeizawng lakah lâwmthu sim kumza u.

HEBRAI 13:15

Chun, Jisu zârah bâwlnâk hâwi hen sawrnâk chu Pathian sinah kan ap kumza lai; chu chu kan aw-hâu tla hen a min hen lâwmthu tla kan sim kumza lai tinâk asi.

1 PETER 2:5

Lung nung tla hâwi hen amah sinah hawng u, chun thlarau lei in saknâk ah mang ding hen a pêk u. Jisu Krist zârah Pathian sinah thlarau lei bâwlnâk pawmtlâk ap ding hen chunah chun, bâwlpu thenhlimh nan si lai.