LEVITICUS 6:2 - Bawm Common Language Bible Version

² Âuzawng nih mah Israel mi tla lakah thil siah mi khirh thu ah, a fîr piak hen mawh a perpet hen mawh,

LEVITICUS 6:2 ပူးပေါင်းရင်းမြစ်များ

GENESIS 26:7

Chunah mi tla nih a nupi thâwngthâng an deih le, “Ka farnu,” a ti. Chu ram mi tla nih a nupi Rebek mêlṭha tak an duh ruangah an thah lai ti a ṭih ruangah ka nupi a ti ngam lo.

SAM 51:4

Na lakah ka sual le, nangmah sin ngelchel ah ka sual, thilsual hen na ruat mi chu ka ti. Ka lakah lâi na rêl mi hi na dik asi; na ka mawhtir mi hi na dik asi.

THUFING LASUIBU 24:28

A san umlo hen, âu lakah mawh thupawi tlungtir lah le, diklo tak hen a thu sim lah.

ISAI 21:2

Thil ṭhalo tak a hawng tlung ding mi langhnâk ka muh le, tleihnâk leh siat leh râwknâk ding mi asi. Elam kawrsen tla, do u! Media kawrsen tla, khuapi tla chu hual u! Babulon nih tuarnâk a tlungtir mi chu Pathian nih a dawnghnâk a siam awt rawh.

ISAI 24:16

Laikulh mun lât chem thawk hen Israel mi phun rep tak tla nih sawrnâk la an sak mi kan theih lai. Sikhawmsele, kei rang lam chun lungumnâk a um lo! Ka vei thlo rawh! Phehtu nih chun tleih a tum nget rih, zumh an kâi lo dadauh.

ISAI 33:1

Kan mêlma tla chu an vânduai rawh! Âukhawm nih anmah rangah tleih na hen rawk na lo khawmsele, mi rangah an rawk na. Mi an rawknâk leh an tleihnâk chu a dawng lai le, anmah ngelchel chu mi rawkmang leh mi zumhkâilo an si lai.

JEREMIA 9:5

An hâwi tla mah lo leikângah an rui na le, pakhat khawm nih thudik an sim lo; an lei chu âwkrâwl thusimnâk ah an mang le, thilsual ti ding an bâng lai lo. Siatnâk an ti nûnah an ti singsuan le, an perrpet nûnah an perpet singsuan. LALPA nih ka mi tla nih an ka nawng a ti.

EZEKIEL 40:46

marlei hawi hen a um mi kardang chu mâichâm ah rianṭuantu bâwlpu tla rang asi ti hawng ka simh. Bâwlpu zawzawng tla chu Zadok thlâk an si le; annih tla chu Levi phun lakah mi an si le, anmah tla lâwng LALPA mâika ah a rianṭuan ding hen kal siang an si.

LEVITICUS 1:3

A ranrual lakah mi duahphung thil ap ah pakhat a ap chun sâwi ding umlo mi chawchal a put ding asi. LALPA nih rem a ti ding hen LALPA umnâk Puanin tualmâi ah a hawng put ding asi.

LEVITICUS 19:11

“Fîr lah, perpê lah, âwkrâwl thu sim lah.

LEVITICUS 5:15

Mi nih a tum lo hâwi tak hen LALPA thil thenhlimh ah rulh ding mi lakah a rulh kho lo chun, rulh nawlhnâk thil ap LALPA sinah dawrâ mawh kêl mawh a mipa simsâwinâk umlo mi a hawng put ding asi. A man zat chu dân nih a ruat mi zia asi lai.

LEVITICUS 5:19

LALPA lakah a sual mi rulhnâk ding ah thil ap asi.

LEVITICUS 6:1

LALPA nih Mosi sinah hi bang dân tla hi a pêk.

AMOS 8:5

Nan thinlung ah, kan fâng tla kan zuar khonâk ding hen ni thenhlimh len ding mi kan ngâk rarâm lai. Thil zuar dawmh ding hen Dinhni hi zeitik ah â lîm awt le? A leiba tawng ding hen khîng diklo kan mang lai le, thil hawng kan châwktu tla khîng thlâi lakah kan perpet na lai.

HABAKUK 1:13

Sikhawmsele hi bang hâwi misual leh nehsawhtu tla hi zeitin na zuah kho na zia? Misual tla zauh ding hen chun na mit a thenhlimh tuk, mi nih thil diklo an ti mi khawm na zauh ziar kho lo. Churuang chun mi diklo nih mi dik rangah an veih liauah zeitin na dâisip zia?

JOHAN 8:44

Nannih chu nan pa diabol sin thawk hen suak nan si le, nan pa duhzia ti nan duh. Anih chu a tîr thawk hen mi thahtu asi, thutak ah a um lo, a sung ah thutak a um lo ruangah. Âwkrâwl thu a sim chun amah lakah mi a sim tâwn; mi âwkrâwl asi, âwkrâwlpa khawm asi.

THILTI 5:4

A um sung zawng kha na tâ asi lo masi? Na zuar nûn khawm khan na thu thu hen a um lo masi? Zei rangah me hi bang thu hi na thinlung hen na dawnruat? Minung sinah âwkrâwl thu na sim lo le, Pathian sinah âwkrâwl thu na sim dauh asi,” a ti.

EPHESI 4:25

Chun, âwkrâwl sim mâk hen, mah zâwlbâwm sinah thudik sim chiau u, a ṭeng tawnh chiau kan si ruangah.

KOLOSA 3:9

minung thar hen nanna thuam rawh dangâiah,

THUPHUANG 22:15

Lênglei ah chun, ui tla, dâwithiam tla, pungmang tla, milem sawnhtu tla, âwkrâwl sunhsaktu tla leh âwkrâwl sim mang tla chu an um lai.