LEVITICUS 5:16 - Bawm Common Language Bible Version

¹⁶ A rulh kho lo mi rulhnâk ding hen a lei zâ lakah kul a pêk ding asi. Bâwlpu sinah a va pêk lai le, bâwlpu nih ran chu, chu minung sual ruangah a ap lai le, chu minung chu ngaihdam asi lai.

LEVITICUS 5:16 ပူးပေါင်းရင်းမြစ်များ

SAM 69:4

A san lo hen hawng ka huatu tla chu ka lû mi sam ngâk hen an tam. Ka mêlma tla nih keimah do hen âwkrâwl thu an sim le, an chak le, thah ding an ka awt. Ka fîr lo mi thil an ka khirh.

EXODUS 22:1

“Mi nih chawpê mawh a fîr hen a thah mawh a zuar asi chun, chawpê pakhat rûlah pangâ a pêk ding, dawrâ pakhat rûlah pali a pêk ding asi.

LEVITICUS 22:14

“Mi âuzawng bâwlpu dâwngsungkhur silo mi nih thil ap thenhlimh a ei palh chun a hêu zat a rulh nûnah a lei zâ lû ah kul a pêk ding asi.

LEVITICUS 27:13

A pêktupa nih tlanh nawlh ding a duh asi chun, a man zâ lakah kul dân tam hen a sap ding asi.

LEVITICUS 27:15

Chu a dâwngpu nih in chu tlanh nawlh ding a duh chun, a man zat nûnah zâ lakah kul dân hen a sap ding.

LEVITICUS 27:27

sikhawmsele, ran thenhlimhlo a ring tîr mi chu dân hâwi hen zâ lû ah a man kul sap hen tlanh nawlh kho asi lai. A tlanh nawlh lo mi asi chun, âu sinah mawh dân hâwi hen zuar ding asi.

LEVITICUS 27:31

Mi nih a tlanh duh asi chun a man dân za lû ah kul sap hen a pêk ding asi.

LEVITICUS 4:20

Sual thil ap rangah chawchal an mang mi hâwitê hen, hi khawm hi ti ding asi. Hi hâwi hen zapi sualnâk ruangah bâwlnâk siam ding asi, churawhchun ngaihdam an si lai.

LEVITICUS 4:26

Kawmhnâk thil ap rangah thah mi ran thâu hâwi ber hen mâichâm tlûnah a thâu duah ding asi. Hi hâwi hen bâwlpu nih lâirêltu sual ruangah bâwlnâk a ap lai le, churawhchun ngaihdam asi lai.

LEVITICUS 5:10

Vâ a panihnâk chu dân hâwi hen duahphung thil ap ah a ap lai. Hi hâwi hen bâwlpu nih chun, chu minung sual bâwlnâk chu a ap lai le, ngaihdam asi lai rawh.

LEVITICUS 5:13

Hi hâwi hen bâwlpu nih chun minung sualnâk rang ding ah bâwlnâk ap asi lai le, ngaihdam asi lai. Fâng ap mi hâwi hen a lei mi vial chu bâwlpu vo asi.

LEVITICUS 5:6

a sual man rêpnâk rang ding hen LALPA sinah dawrâ a nunau mawh kêl mawh thil ap ah a put ding asi. Bâwlpu nih chu minung sual rangah bâwlnâk a ap lai.

LEVITICUS 7:2

Ap mi ran chu duahphung ap mi ran thahnâk mâichâm sîr marlei kângah an thah ding asi, a thî tla chu mâichâm kî pali ah theh ding asi.

NUMBER 5:7

thutluang a vâwr hen tling zat hen a rulh nûnah zâ lakah kul dân hen a va sualnâk pa sinah a pêk sap ding asi.

NUMBER 5:8

Sikhawmsele a va pêk ding mi pa chu a thi hen a unau pêk ding mi khawm a umlo chun, bâwlpu rang ding ah LALPA sinah pêk ding asi. Hi pêk mi hi misualpa sual thiangnâk ding hen thiangtirnâk dawrâ chal ruangrûl ah sap mi hâwi asi.

LUK 19:8

Chun, Zakai chu a dîr le, Lalpa sinah chun, “Ngâinik, Lalpa, ka neih khingkhuai mipâm tla sinah ka pêk lai le, chun âu lakah tal zei thil tal lêp khawmsele aleh li hen ka rulh nawlh lai,” a ti.

THILTI 26:20

a tîrah Damaska khua mi tla sinah, chu nûnah chun Jerusalem khua mi tla sinah, Juda ram kip mi tla sinah, Phundang tla sinah khawm rim min put tlâk hen thilti, rim hen, Pathian leiah anna hernâk ding hen ka sim dauh tâwn asi.

1 SAMUEL 6:3

“Israel tla sinah LALPA Thudântuk Bâwm nan khirh nawlh na chun nan sual man rangah thilpêk nan kuat sih ngelchel ding asi, Thudântuk Bâwm chu lâwmman tel lo hen nan khirh nawlh ding asi lo. Hi hâwi hen nan ti chun damh hen nan um lai le amah ruangah rêp nan si mi khawm nan theih lai,” an ti.