LEVITICUS 5:1 - Bawm Common Language Bible Version

¹ Hi bang thu lakah hin sual thil ap a herh. Mi âumawh thufiang deih hen lâirêlnâk mun ah kawh asi hen, a muh le a theih mi fiang tak a sim kho lo chun, a mawh chu amah nih a phurh lai.

LEVITICUS 5:1 ပူးပေါင်းရင်းမြစ်များ

1 Lal 22:16

Sikhawmsele, Ahab nih, “LALPA min hen ka sinah thu na sim mi chu thudik sim rawh, vei zeizat ka nan ti awt?” a ti.

1 Lal 8:31

“Mi âuzawng suallo na hen thilsual titu ah an puh hen na Biakin ah siattleih ding hen an hawngpi chun,

2 CHRONICLES 18:15

Sikhawmsele Ahab nih a sâng le, “LALPA min hen ka sinah thu na sim mi chu dik tak hen sim vei zeizat ka nan ti awt?” a ti.

SAM 38:4

Sual tî lian lakah ka tlâ le; phurh ding hen an rit tuktarâi.

EXODUS 22:11

Chu a zauhtupa chu Pathian sawnhnâk in ah kal hen, midang ran rerêng ka fîr lo ti hen siat a sirh seh. Chu ran chu fîr asi lo chun, a tlâu mi chu a dâwngpu nih a ting ko seh, rulh a herh lo rawh.

THUFING LASUIBU 29:24

Mifîr bawptu chu a rangah mêlma ṭhalo chem asi. Lâirêlnâk ah thudik a sim ni ah rêp hen a um lai le, a sim lo mi asi chun, Pathian nih siat a barh lai.

THUFING LASUIBU 30:9

Tamtak ka nei chun, Pathian ka herh loh ka ti lebang lai. Sikhawmsele, ka pâm chun ka fîr lai le, ka Pathian lakah ka mualpho lai.

ISAI 53:11

A tuar thluh nûnah, lâwmnâk a nei nawlh lai le; a tuarnâk chu a thawt asi lo zia a theih lai rawh. Ka sunhsak tak mi to-aw, ka lawmh tak mi nih chun mi tam tak rêp ding mi rûlah a tuar lai le, amah ruangah ka ngaihdam na lai.

JEREMIA 23:10

Ram chu LALPA lakah mi zumhkâilo tla hen a khat; sual tak hen an um le, an thiltikhonâk khawm an mang diklo. LALPA siatbarhnâk ruangah ram nih a tuar le, ram ningno tla khawm a châr hep.

EZEKIEL 18:20

Thilsual titu chu a thi ding asi. A pa sual ruangah a fa nih a tuar ding asi lo, a fapa sual ruangah a pa khawm nih a tuar ding asi lo. Mi ṭha nih thil ṭha ti lâwmman a tawng lai le, misual nih a thilsual ti mi ruangah a tuar lai.

EZEKIEL 18:4

Mikip nungnâk chu ka tâ asi le, nu leh pa leh fa tla nungnâk khawm keimah kut ah a um. Thilsual titu chu a thi lai.

LEVITICUS 17:16

Chu hâwi a tilo chun mawh a phurh lai.

LEVITICUS 19:8

Âuzawng nih ka sinah ap mi a rarâu a ruat hen eitu chu sual hen ngaih asi lai le, amah khawm ka mi ah ngaih asi lai lo.

LEVITICUS 20:17

Mi nih a farnu mawh, a pa-ei leh a nu-ei fanu mawh a umpi chun zatlâng lakah ningzak saih na hen mi zapi lak thawk hen nar ving na ding asi. A farnu ihpitu nih chu hâwi a tuar ding asi.

LEVITICUS 4:2

LALPA mi lakah âuzawng nih hi bang dân tla hi zûl ding hen simh na a ti.

LEVITICUS 5:15

Mi nih a tum lo hâwi tak hen LALPA thil thenhlimh ah rulh ding mi lakah a rulh kho lo chun, rulh nawlhnâk thil ap LALPA sinah dawrâ mawh kêl mawh a mipa simsâwinâk umlo mi a hawng put ding asi. A man zat chu dân nih a ruat mi zia asi lai.

LEVITICUS 5:17

Mi nih a tum ruang si lo thlo hen LALPA thupêk a buar chun a sual asi, a sual man chu châwi asi lai.

LEVITICUS 7:18

A ni thum ni tiang a ei chun Pathian nih chu minung thil ap chu a pawm lai loh. Chu thil ap chu siar piak asi lai lo le, nâwm hen ngaih asi lai, âuzawng a ei tu chu a tuar lai.

NUMBER 9:13

Sikhawmsele, âutal dân hâwi hen thiang ko hen khualtlâwng khawm kal lo hen, Kalkanh Kût mang lotu chu ka mi ah ngaih asi lai lo, ka sinah thil ap pêk tik takah a um lo ruangah. A sualnâk mawh chu amah nih a phurh lai.

MATHAI 26:63

Jisu lam chu a dâisip. Chun, Bâwlpu Lalchem nih chun a sinah, “Pathian nung min hen ka nan fâi. Mesia, Pathian Fapa chu na si ma? Hawng kan simh,” a ti.

1 PETER 2:24

Sual leikângah thi rawh hen, repnâk leikângah kan nung khonâk ding hen Krist ngelchel nih kraws ah khan a taksa hen kan sual tla a phurh le, amah liamnâk tla hen damtir hen nan um rawh.

LÂIRÊL 17:2

A nu sinah, “Âunih mawh na tangka sângkhat leh za a lâk liau khan mifîr rangah hawlh siat na barh. Chu na ti mi chu ka theih rawh. Zauhnik, chu tangka chu ka nei ko. A lâktu kha keimah kasi,” a ti. A nu nih, “Ka fapa! LALPA nih mal a nan sâwm seh,” a ti.