LEVITICUS 4:32 - Bawm Common Language Bible Version

³² Mi nih sual bâwlnâk ah dawrâ a hawng put chun a mipa sâwinâk umlo mi asi ding asi.

LEVITICUS 4:32 ပူးပေါင်းရင်းမြစ်များ

EXODUS 12:3

Israel mipi zawzawng sinah hi sîntirnâk hi pêk na u: Hi thla a ni rânâk ah mikip nih dawrâ fa mawh kêl fa mawh a dâwngsung rangah a thîm lai le;

EXODUS 12:5

Kêl mawh dawrâ mawh zeital nan thîm kho, sikhawmsele, kum khat mi a mipa simsâwinâk umlo mi a siding asi.

ISAI 53:7

“Fâk tak a nehsawh hen a um le, sikhawmsele nâu tak hen â dawnh le; tâwm khawm hâu a suah lo. Thah ding mi dawrâ fa hâwi hen leh a mul mêt ding mi dawrâ hâwi hen tâwm khawm a hâu a suah lo.

LEVITICUS 1:3

A ranrual lakah mi duahphung thil ap ah pakhat a ap chun sâwi ding umlo mi chawchal a put ding asi. LALPA nih rem a ti ding hen LALPA umnâk Puanin tualmâi ah a hawng put ding asi.

LEVITICUS 4:28

chu chu sual hen ngaih asi ka hen sâwinâk umlo mi kêl nunau a hawng put lai le,

LEVITICUS 5:6

a sual man rêpnâk rang ding hen LALPA sinah dawrâ a nunau mawh kêl mawh thil ap ah a put ding asi. Bâwlpu nih chu minung sual rangah bâwlnâk a ap lai.

LUK 1:35

Chun, vânmifial nih chun a sinah, “Thlarau Thenhlimh na tlûnah a hawng tlung lai le, Chungnung chem thiltikhonâk nih a nan huhphenh lai. Churuangah mi thenhlimh hawng suak ding mi khawm chu Pathian Fapa an ti lai.

JOHAN 1:29

Chun, a thâituan ah chun Johan nih Jisu a sinah a hawng kal mi a muh. Chun a sim le, “Zauhnik u, Pathian Dawrâ Fa laikulh sual kalpitu ding khi!

JOHAN 1:36

chun, Jisu kal liau a zauh le, “Zauhnik u, Pathian Dawrâ Fa khi,” a ti.

EPHESI 5:27

chun, kawhmi tla chu nâwm kawplo leh thurh lo leh chu hâwi thu rerêng put lo hen, thenhlimh leh simsâwi kawplo a um dauh hen amah sinah kawhmi tla rokual tak hen â pêk chawlh kho lai.

HEBRAI 7:26

Churuangah, Jisu kan pawiherh tla pêktu Bâwlpu Lalchem asi. Anih chu a thenhlimh asi amah lakah sualnâk leh mawhnâk a nei lo, misual tla lakah thawk hen â thlei le, vân tlûnlei ah lâk hen a um.

HEBRAI 9:14

zungzâl thlarau zârah Krist, simsâwinâk um lo mi bâwlnâk Pathian sinah a ap mi thisen nih chun Pathian nung rianṭuan ding hen kan sia leh ṭha theihnâk chu thilti a thi mi tla lakah chun a thenhlimh awt tuktarâi.

1 PETER 2:22

Anih nih chun thilsual rerêng a ti lo, a kâ thawk hen âwkrâwl thusim khawm âukhawm nih an theih dah loh.

1 PETER 2:24

Sual leikângah thi rawh hen, repnâk leikângah kan nung khonâk ding hen Krist ngelchel nih kraws ah khan a taksa hen kan sual tla a phurh le, amah liamnâk tla hen damtir hen nan um rawh.

1 PETER 3:18

Churuangah, Krist ngelchel chu nan rangah a thi le, sual tla ruangah mi zawzawng rangah veikhat a thi le, Pathian sinah hawng kan ruai ding hen mi ṭhalo ruangrûl ah mi ṭha a thi. Taksa ah chun thah hen a um le, thlarau ah chun nunh hen a um.

THUPHUANG 5:6

Chun, laltophah leh thilnung pali tla lâiah leh upa tla lâi chem ah chun Dawrâ Fa thah rawh mi, ki pasarih leh mit pasarih nei, a dîr mi ka muh le, chubang mit pasarih leh ki pasarih tla chu Pathian thlarau pasarih tual tlûn zawzawngah fial mi tla an si.