LEVITICUS 4:3 - Bawm Common Language Bible Version

³ Bâwlpu Lalchem sualnâk ruangah zapi tla tlûnah mawhnâk a tlung chun, chawchal sâwinâk umlo mi sual bâwlnâk ding ah LALPA sinah a pêk ding asi.

LEVITICUS 4:3 ပူးပေါင်းရင်းမြစ်များ

2 CHRONICLES 29:21

Lal dâwngsung leh Juda mi tla leh Biakin thiangtir ding hen dawrâ fa pasarih, chawchal pasarih, dawrâ pasarih, kêl pasarih an put. Lalchem nih Aron thlâk bâwlpu tla chu ran tla chu bâwlnâkah mâichâm ah ap ding hen a simh na.

Ezra lasuibu 8:35

Sal thawk hen hawng kîr mi zawng tla nih chun Israel Pathian sinah duah mi bâwlnâk an ap. Israel mi tla rangah chawchal 12, dawrâ 96, dawrâ fa 77 an ap. An sual tlenh ding hen kêl 12 khawm an ap. Chu zawng ran tla chu LALPA sinah bâwlnâk rangah an duah hep.

EXODUS 29:14

Sikhawmsele, chawchal sâ, a vun, a ril chu dâivâu ah duah. Chu chu bâwlpu tla sual thiangnâk ding ah thil ap chu asi.

EXODUS 29:21

Mâichâm tlûnah mi thî tla leh sariak buaih mi tla lâk le, Aron leh a fapa tla nipuan lakah theh. Amah leh a fapa tla nipuan chu ka sinah ap mi asi lai rawh.

EXODUS 29:7

Churawhchun, sariak thuh ding mi lâk le, a lû ah tawih le, chulh.

EXODUS 30:10

Kum khat ah veikhat Aron nih mâichâm thenhlimhtir ding hen dân a siam ding asi; sual rangah ran hen bâwlnâk thisen chu mâichâm kî pali a chulh ding asi. Hi hi zeiliau zawng ah kum siar hen nan ti ding asi. Kei, LALPA sinah mâichâm nan hawng ap mi chu a thenhlimh ver ding asi,” a ti.

EZEKIEL 40:39

Chu kardang kâu sungah dawhkân pali a um le, kardang sîrah panih vevê hen a um. Chu dawhkân tlûnah chun bâwlnâk ah ap ding mi ran tla, a pum hen duah hep ding mi mawh, sualnâk ruangah bâwlnâk duah mi mawh, rulhnâk thil ap mawh an thah.

EZEKIEL 43:19

Bâwlpu si mi tla, Zadok thlâk cho ka mâika ah rianṭuan ding hen an hawng ding asi. Kei, LALPA Zahkâi nih hi hi thu ka pêk mi asi. Sual bâwlnâk ding ah chawchal tuai nan pêk ding asi.

EZEKIEL 44:27

chu tikah Biakin kulh sungah a va lût lai le, a thianhtirnâk bâwlnâk a va ap lai le, chu tikah Biakin ah rian a ṭuan nawlh kho lai rawh. Kei, LALPA Zahkâi nih ka sim asi.

LEVITICUS 1:10

Mi nih a dawrâ mawh kêl mawh pakhat bâwlnâk ah a ap mi chu, a mipa simsâwinâk umlo mi asi ding asi.

LEVITICUS 1:3

A ranrual lakah mi duahphung thil ap ah pakhat a ap chun sâwi ding umlo mi chawchal a put ding asi. LALPA nih rem a ti ding hen LALPA umnâk Puanin tualmâi ah a hawng put ding asi.

LEVITICUS 16:11

Aron nih amah leh a dâwngsung tla rangah chawchal sual thil ap rangah a ap chun,

LEVITICUS 16:3

Chawchal sual rangah ap ding mi leh dawrâ duahphung thil ap rangah a hawng put tik cho ah Mun Thenhlimh Chem ah a lût kho lai,” a ti.

LEVITICUS 16:5

Israel mipi nih Aron chu kêl chal panih sual thil ap rangah leh dawrâ chal duahphung thil ap rangah ap ding an pêk ding asi.

LEVITICUS 16:6

Chawchal chu amah leh a dâwngsung tla sual thiangnâk ding hen bâwlnâk ah ap ding asi.

LEVITICUS 4:14

chu sual chu a puang ka hen mi zapi nih chawchal tuai chu sual thil ap ah an put ding asi. LALPA umnâk Puanin tualmai ah an hawng put lai le,

LEVITICUS 4:23

a tumnak chu sual hen ngaih asi chun kêl chal sâwinâk umlo mi bâwlnâk ding ah a hawng put ding asi.

LEVITICUS 4:28

chu chu sual hen ngaih asi ka hen sâwinâk umlo mi kêl nunau a hawng put lai le,

LEVITICUS 4:5

Churawhchun, Bâwlpu Lalchem nih chawchal thisen zeimaw zat chu a put lai le, Puanin sungah a lûtpi lai.

LEVITICUS 5:6

a sual man rêpnâk rang ding hen LALPA sinah dawrâ a nunau mawh kêl mawh thil ap ah a put ding asi. Bâwlpu nih chu minung sual rangah bâwlnâk a ap lai.

LEVITICUS 6:18

Zeiliau zawng ah Aron thlâk mipa tla nih chun LALPA sinah eiphung ap mi thil chu an vo si kumza hen an ei kho lai. Chu eiphung ap mi chu mi nih an tawngh chun â thenhlimhnâk thiltikhonâk nih nganfâk a pêk lai.

LEVITICUS 8:12

Aron chu a lû ah sariak thuh hen a birhtir.

LEVITICUS 9:2

Aron sinah, “Chawchal tuai leh dawrâ chal simsâwi kawplo mi lâk le, chawchal chu sual thil ap, dawrâ chal chu duahphung thil ap ah LALPA sinah ap rawh.

LEVITICUS 9:3

Churawhchun, Israel mi tla chu sual thil ap ah kêl chal, chaw lâ kum khat mi leh dawrâ fa kum khat mi simsâwinâk umlo mi duahphung thil ap rang ding ah,

NUMBER 16:22

Sikhawmsele Mosi leh Aron chu an mêl tual lei hawih hen an kûn le, “Pathian, nang chu nungnâk bul zawzawng na si. Minung pakhat sual ruangah zapi minung tlûnah na rothawk na maw?” an ti.

NUMBER 8:8

Churawhchun, chawchal pakhat leh sangvut thil ap oliv sariak hen chawmh mi put ding asi; nangnih chawchal dang sual thil ap rangah na put ding asi.

ROM 8:3

Taksa chaklonâk ruangah Dân nih ti kho lo mi chu Pathian nih a ti kho. Amah Fapa ngelchel taksa sual hâwi put hen sual bâwlnâk ding ah hawng fial hen, taksa lakah sualnâk um mi chu mawh a phurhtir rawh asi.

2 KORIN 5:21

Amah lakah chun Pathian repnâk kan hawng si khonâk ding hen sual rerêng nei lo Jisu chu Pathian nih kanmah ruangah sual ah a siam.

HEBRAI 5:3

Chun, chubang ruangah chun mi rangah a ap piak na hâwi hen mah rang khawm ah sual tla ruangah ap bâk lo kho asi loh.

HEBRAI 9:12

rokual leh rangtling dauh pal hen Mun Thenhlimh Chem ah mi zawzawng rangah veikhat a lût rawh, kêl tla leh chawpê tla thisen silo hen, amah thisen ruangah kan rangah zungzâl ruangsuahnâk â ting rawh.