LEVITICUS 4:20 - Bawm Common Language Bible Version

²⁰ Sual thil ap rangah chawchal an mang mi hâwitê hen, hi khawm hi ti ding asi. Hi hâwi hen zapi sualnâk ruangah bâwlnâk siam ding asi, churawhchun ngaihdam an si lai.

LEVITICUS 4:20 ပူးပေါင်းရင်းမြစ်များ

EXODUS 32:30

A thâituan chun Mosi nih mi zapi tla sinah, “Sual ṭihnungkâi tak nan ti rawh. Sikhawmsele, tlângah LALPA sinah tuah ka va kâi nawlh lai; nan sual mi ruangah ngaihdâmnâk ka tawng lai mawh,” a ti.

DANIAL 9:24

“Hun sarih, kum sâwmsarih chu sual lo thlo hen khuapi thenhlimh leh na mi tla an um ding mi a sâwt kar zawng Pathian nih a ruat mi zat asi. Sualnâk chu ngaihdam asi lai le, repnâk chu birhtir asi lai, chu tikah langhnâk leh simhkannâk chu a dik lai rawh, Biakin thenhlimh khawm ap nawlh asi lai rawh.

LEVITICUS 1:4

Chu minung nih chun chaw lû ah a kut a thâng lai le, a sual thiangtir ding hen bâwlnâk ah rem ti piak asi lai.

LEVITICUS 12:8

Nunau nih dawrâ put ding a tlinh kho lo chun, vaṭhu panih mawh lâilêng panih mawh duahphung thil ap rangah pakhat leh sual thil ap rang ding ah pakhat a put ding asi; bâwlpu nih dân hâwi hen a nâwm mi chu a thenhlimh ding hen a timhtuah lai le, dân hâwi hen a thiang lai rawh.

LEVITICUS 14:18

A dang a kutza lakah a um mi vial sariak chu thiangtir ding mi pa lû lakah thuh hep ding asi. Hi hâwi hen thenhlimhtirnâk dân chu a siam ding asi.

LEVITICUS 15:15

Bâwlpu nih pakhat chu sual thil ap rangah a mang lai le, pakhat chu duahphung thil ap rangah a mang lai. Hi hâwi hen mi a thenhnâk dân chu a siam ding asi.

LEVITICUS 19:22

Bâwlpu nih chu hen chun chu minung sual thiangnâk dân chu a hawng timhtuah lai le, Pathian nih a ngaihdam lai.

LEVITICUS 4:21

Mah rangah sual bâwlnâk ah chawchal ap mi hâwi hen chawchal chu an riaknâk mun lenglei ah an duah ding asi. Chu chu zapi sual thiangnâk ding ah thil ap chu asi.

LEVITICUS 4:26

Kawmhnâk thil ap rangah thah mi ran thâu hâwi ber hen mâichâm tlûnah a thâu duah ding asi. Hi hâwi hen bâwlpu nih lâirêltu sual ruangah bâwlnâk a ap lai le, churawhchun ngaihdam asi lai.

LEVITICUS 4:35

Churawhchun, kawmhnâk thil ap rangah dawrâ an thah le, a thâu an lâk mi hâwi hen a thâu chu lâk ding asi. LALPA sinah eiphung thil ap mi hen an duah ding asi. Hi hâwi hen a sualtupa rangah bâwlnâk chu an ap lai le, ngaihdam asi lai rawh.

LEVITICUS 4:8

Hi chawchal lakah mi a thâu zawzawng, a sungril thâu,

LEVITICUS 5:10

Vâ a panihnâk chu dân hâwi hen duahphung thil ap ah a ap lai. Hi hâwi hen bâwlpu nih chun, chu minung sual bâwlnâk chu a ap lai le, ngaihdam asi lai rawh.

LEVITICUS 5:13

Hi hâwi hen bâwlpu nih chun minung sualnâk rang ding ah bâwlnâk ap asi lai le, ngaihdam asi lai. Fâng ap mi hâwi hen a lei mi vial chu bâwlpu vo asi.

LEVITICUS 5:16

A rulh kho lo mi rulhnâk ding hen a lei zâ lakah kul a pêk ding asi. Bâwlpu sinah a va pêk lai le, bâwlpu nih ran chu, chu minung sual ruangah a ap lai le, chu minung chu ngaihdam asi lai.

LEVITICUS 5:18

Rulhnâk thil ap rang ding ah bâwlpu sinah kêl mawh dawrâ mawh a mipa sâwinâk umlo mi a hawng put ding asi. A man chu dân nih a ruat zia zia asi lai. Chu misual rangah bâwlpu nih bâwlnâk a ap lai le, ngaihdam asi lai.

LEVITICUS 5:6

a sual man rêpnâk rang ding hen LALPA sinah dawrâ a nunau mawh kêl mawh thil ap ah a put ding asi. Bâwlpu nih chu minung sual rangah bâwlnâk a ap lai.

LEVITICUS 6:7

Bâwlpu nih chu minung sualnâk rang ding ah bâwlnâk a ap lai le, ngaihdam asi lai rawh.

NUMBER 15:25

Tum ruang silo hen palh mi chu an sual thil ap chu eiphung thil ap hâwi hen LALPA sinah an put lai le, bâwlpu nih mi zapi rangah dân hâwi hen thiangnâk a siam lai le, ngaihdam an si lai rawh.

NUMBER 15:28

Mâichâm ah bâwlpu nih chu minung pa rangah dân hen thiangnâk a siam lai le, ngaihdam asi lai rawh.

ROM 5:11

Chu cho khawm asi lo le, tuah remnâk hawng kan tingtirtu kan Lalpa Jisu Krist ruang chun Pathian ah kanna lâwm asi.

GALATIA 3:13

Krist chu kan ruangrûl ah siat ting hen Dân siat lakah mi hawng kan suah rawh; “Thing ah thlâi mi vial chu siat ting an si,” ti hen Pathian lasui thu nih a sim ruangah.

HEBRAI 1:3

Amah chu Pathian rokualnâk hen a chêu le, amah chu Pathian tak banghnâk neitu asi, a thiltikhonâk hen laikulh chu dirh asi. Minung tla sual a thenhlimhtir nûnah Chungnungchem Thiltikhonâk Pathian vawrhlei ah vân ah a to rawh.

HEBRAI 2:17

Chun, mi tla rangah thutluangvawrnâk siam ding hen Pathian lei thu tla lakah bâwlpu lalchem siherhnâk nei kho mi leh zumhkâi tak asi khonâk ding hen zeizawng ah a unau tla hâwi hen a hawng um mi chu a rangah a herh rerêng asi.

HEBRAI 9:14

zungzâl thlarau zârah Krist, simsâwinâk um lo mi bâwlnâk Pathian sinah a ap mi thisen nih chun Pathian nung rianṭuan ding hen kan sia leh ṭha theihnâk chu thilti a thi mi tla lakah chun a thenhlimh awt tuktarâi.

1 JOHAN 1:7

chun, amah chu chêu ah a um hâwi hen, kannih khawm chêu ah um kan si chun, kanna kawmh dut le, a Fapa Jisu thisen nih kan sual zawzawng a thiangtir asi.

1 JOHAN 2:2

anih chu kan sual tla thutluangvâwrnâk asi, kanmah tla sual cho silo hen, laikulh zawzawng sual thutluangvâwrnâk khawm asi.