LEVITICUS 3:16 - Bawm Common Language Bible Version

¹⁶ Bâwlpu tla nih LALPA lawmhtir ding hen hi bang zawzawng hi mâichâm tlûnah eiphung ap mi ah an duah hep ding asi. A thâu zawzawng chu LALPA vo asi.

LEVITICUS 3:16 ပူးပေါင်းရင်းမြစ်များ

GENESIS 4:4

Abel nih chun a dawrâ rual lakah a suak masa chem mi a lâk le, a thah le, a mehtît a ṭha chem mi LALPA rangah a pêk. Abel leh a thilpêk nih chun LALPA a lawmhtir.

2 CHRONICLES 29:35

Duahnâk bâwlnâk lakah zapi tla ei ding mi bâwlnâk thâu duah ding mi lakah tawih ding uain hâng an hawng pêk mi tla lakah bâwlpu tla nih mawhphurhnâk an nei. Churawhchun, Biakin ah Pathian sawnh chu dawmh nawlh asi rawh.

2 CHRONICLES 7:7

Solomon nih Biakin kulh sung a tualmâi chu a ap le, chunah chun duah hep mi bâwlnâk, sangvut thil ap, kawmhnâk thil ap, thâu tla a ap. Hi zawng bâwlnâk rang ding ah dâr mâichâm a siam mi a mê tuk ruangah hi bang thil hi a ti mi asi.

EXODUS 29:13

Churawhchun, a sungril thâu zawzawng lâk, a thin a ṭha chem mi lâk le, a kal panih a tuamtu thâu hen, mâichâm tlûnah duah le, ka sinah hawng ap.

EXODUS 29:22

“Dawrâ chal thâu, a mei thâu, a sungril thâu, a thin ṭha chem sêu khat, a kal panih, a thâu, leh a êl vawrhlei kâng mi lep.

ISAI 53:10

LALPA nih, “A thihnâk chu sual ngaihdamnâk ding hen bâwlnâk asi ruangah a tuar ding mi chu ka duhzia asi. Churuangah a thlâk tla a muh na lai le; san sâu tak hen a um lai le amah ruangah ka thiltum chu a tling lai rawh.

EZEKIEL 44:15

LALPA Zahkâi nih, “Israel lakah mi tla nih an ka kaltâk liauah Levi chi Zadok thlâk ah mi bâwlpu tla nih Biakin ah zumhkâi tak hen ka rian an ṭuan vima. Churuangah tuah annih tla chu ka rianṭuantu leh ka mâika ah bâwlnâk thâu leh thisen ka sinah aptu ding an si.

LEVITICUS 17:6

Bâwlpu nih a thî chu LALPA Puanin mâika ah mi mâichâm sîr tla a theh lai le, a thâu a duah lai, a rim nih LALPA a lawmhtir ding hen.

LEVITICUS 4:26

Kawmhnâk thil ap rangah thah mi ran thâu hâwi ber hen mâichâm tlûnah a thâu duah ding asi. Hi hâwi hen bâwlpu nih lâirêltu sual ruangah bâwlnâk a ap lai le, churawhchun ngaihdam asi lai.

LEVITICUS 4:31

Kawmhnâk thil ap rangah ran an thah le, a thâu an lâk mi hâwi hen a lâk lai le, mâichâm tlûnah a duah lai, chu rim nih LALPA a lawmhtir ding hen. Hi hâwi hen bâwlpu nih bâwlnâk chu sualtupa rangah a ap lai le, ngaihdam asi lai rawh.

LEVITICUS 8:25

A thâu, a mei thâu, a sungril thâu, a thin a ṭha mi, akal leh a thâu, a vawrhlei kê a lâk.

LEVITICUS 9:24

Lâkkhat ko ah LALPA nih mei a hawng thlâk le, mâichâm tlûnah duahphung thil ap leh a thâu chu a kâng hep. Chu chu zapi tla nih an muh le, an ektê hen an âu le, tual leiah an buk hep.

MATHAI 22:37

Chun, anih nih chun a sinah, “ ‘Lalpa na Pathian chu na thinlung zawzawng hen, na thlarau zawzawng hen, na dawnruatnâk zawzawng hen na dâwt ding asi, ti hi.