LEVITICUS 3:11 - Bawm Common Language Bible Version

¹¹ Bâwlpu nih LALPA sinah mâichâm tlûnah eiphung thil ap ah a duah ver ding asi.

LEVITICUS 3:11 ပူးပေါင်းရင်းမြစ်များ

SAM 22:14

Tual ah tî a tlê mi hâwi hen ka tha â zûk ver. Ka liahchân zawzawng khawm a pelh hep; ka thinlung chu khuailul hâwi hen a zawr.

EZEKIEL 44:7

Fêm tanlo mi ramdang minung keimah lunglotu tla chu bâwlnâk thâu leh thisen ka sinah an ap liauah ka Biakin ah an lûttir na le, an nawmh asi. Churuangah ka mi tla nih thil fihnungkâi an ti mi zawzawng hen ka thudântuk chu an buar rawh.

LEVITICUS 21:17

Aron sinah thusim ding hen thu a pêk le, “Na thlâk tla âukhawm taksa leiah sâwinâk um mi nih ka sinah eiphung thil ap an hawng pêk ding asi lo. Hi hi zeiliau zawng rang ding asi.

LEVITICUS 21:6

 thenhlimhtir ding asi, ka min a mualphoh ding asi lo. Ka sinah eiphung thil ap hen â thenhlimhtir ding asi.

LEVITICUS 21:8

Mi nih bâwlpu chu mi thenhlimh ah a ruat ding asi, ka sinah eiphung thil ap aptu asi ruangah. Kei, LALPA kasi; ka thenhlimh le, ka minung tla khawm ka thenhlimh tir na.

LEVITICUS 22:25

Ramdang thawk hen nan tawng mi ran chu eiphung thil ap ah nan mang ding asi lo. Chubang ran tla chu sâwinâk um leh pawm tlâklo hen ngaih asi.

LEVITICUS 3:16

Bâwlpu tla nih LALPA lawmhtir ding hen hi bang zawzawng hi mâichâm tlûnah eiphung ap mi ah an duah hep ding asi. A thâu zawzawng chu LALPA vo asi.

LEVITICUS 3:5

Bâwlpu tla nih chubang zawng chu mâichâm ah duahphung thil ap hen an duah ver ding asi. Chu eiphung apnâk rim nih LALPA chu a lawmhtir.

MALAKI 1:12

Sikhawmsele nannih nih chun ka mâichâm chu zah tlâklo hen nan ruat le, sang nan zauhnawmh mi tla nan hawng ap mi lakah nan hawng ka zah lo asi.

MALAKI 1:7

Nan ka zauhnawmhnâk chu mâichâm ah sang nâwmtâm nan hawng ap mi lakah asi. Asi chun, ‘Nang rangah zeitin kan zah lo zia?’ nan ti le, ka mâichâm nan siarlo mi ruangah asi ti kan simh na.

NUMBER 28:2

amah lawmhtir ding hen eiphung thil ap herh mi tla, a tik vima ah Israel mi tla nih Pathian sinah pêk ding hen sîntir na ding hen thu a pêk.

NUMBER 28:24

Hi hâwi hen ni sarih kar zawng chu eiphung thil ap LALPA rangah ap ding asi, a rim nih a lawmhtir. Chu lo khawm ah nisiar duahphung thil ap leh uain thil ap ap ding asi.

ROM 8:32

A Fapa tak khawm zuah lo hen kan ektê ruangrûl ah pêktu nih chun thil zawzawng khawm a thawt hen hawng kan pêk sih awtlo masi? Pathian mi thîm tla chu âunih phiar lai?

1 KORIN 10:21

Lalpa hâi leh khuri hâi munkhat hen nan din kawp kho lai loh; Lalpa dawhkân ah mi leh khuri dawhkân ah mi munkhat hen nan ei kawp kho lai loh.

THUPHUANG 3:20

Ngâinik, kawtkari ah dîr hen ka kik hi, âuzawng ka hâu theih hen kawtkâ hawng ka awnh chun, a sinah ka lût lai le, zânriah ka ei lai le, anih khawm ka sinah a ei bâk lai.