LEVITICUS 3:1 - Bawm Common Language Bible Version

¹ Âuzawng nih kawmhnak thil ap, a ranrual lakah mi pakhat a ap chun, chawchal mawh a nunau mawh simsâwinâk umlo mi asi ding asi.

LEVITICUS 3:1 ပူးပေါင်းရင်းမြစ်များ

1 CHRONICLES 21:26

David nih chunah chun mâichâm a siam le, duah mi thil ap leh remnâk thil ap a ap. Thla a cham le, LALPA nih mâichâm ah mi khangh ding hen vân thawk hen mei thlâk hen a thlachamnâk a sâng piak.

EXODUS 20:24

Ka rangah valei hen mâichâm siam ule, a tlûnah bâwlnâk, dawrâ leh ranrual duah hep mi a tlâinâk thil ap pêk u. Mun kip ah nan ka sawnhnâk ding hen ka ruat mi mun ah chun nan sinah ka hawng lai le, mal kan sâwm na lai.

EXODUS 24:5

Churawhchun, tlangvâl tla a fial na le, LALPA hen kawmhnâk ding ah ran hen bâwlnâk duah mi an ap.

EXODUS 29:28

Bâwlpu vo, ran a êl leh a î-âwm ka mi le tla nih a tlâinâk ding hen thil ap an siam mi chu ka thuthlûk lêt kho lo mi asi. Hi hi mi zapi tla nih, Kei, LALPA sinah an thilpêk chu asi.

THUFING LASUIBU 7:14

“Tusûn ah thil ap ding ka timhtuah le, bâwlnâk lakah mi sa chu.

EZEKIEL 43:27

Chu zarhkar chu a lîm rawh chun bâwlpu tla nih, duahphung thil ap zapi kawmhnâk thil ap anna dawmh ding asi. Churawhchun, nan ektê tlûnah ka lâwm lai rawh. Kei, LALPA Zahkâi nih ka sim asi,” a ti.

LEVITICUS 1:10

Mi nih a dawrâ mawh kêl mawh pakhat bâwlnâk ah a ap mi chu, a mipa simsâwinâk umlo mi asi ding asi.

LEVITICUS 1:3

A ranrual lakah mi duahphung thil ap ah pakhat a ap chun sâwi ding umlo mi chawchal a put ding asi. LALPA nih rem a ti ding hen LALPA umnâk Puanin tualmâi ah a hawng put ding asi.

LEVITICUS 17:5

Hi thupêk umzia chu Israel mi tla nih LALPA sinah ran an pêk mi chu mun dangah khawm thah hen an mang tinâk asi. Tu chun Puanin ah bâwlpu sinah an hawngpi hen kawmhnâk thil ap rangah thah ding asi.

LEVITICUS 3:6

Dawrâ mawh kêl mawh hi hawi bâwlnâk ah mang asi chun, a nunau mawh a mipa mawh khawm siseh sawi ding umlo mi asi ding asi.

LEVITICUS 9:18

Dawrâ chal leh chawchal zapi rangah kawmhnâk thil ap rangah a thah. A fapa tla nih thisen chu an hawng pêk le, mâichâm kî pali lakah a theh.

LEVITICUS 9:4

chawchal leh dawrâ chal chu kawmhnâk thil ap rang ding ah hawng put ding hen simh na. LALPA sinah bâwlnâk chu fâng ap mi sariak hen chawmh mi an ap ding asi. Tusûn ah an sinah LALPA a hawng a langh awt ruangah hi hi an ti ding asi,” a ti.

AMOS 5:22

Duah mi thil ap leh sangvut thil ap nan hawng put khawm ah ka pawm lai lo; ran bit tal hen nan châwm mi ka sinah nan hawng put mi khawm ka pawm awtlo.

MALAKI 1:14

Mang tlâklo mi ran hen zauhnawmh tak hen hawng ka pêktu sinah siat um seh. Ka sinah a tiamh liauah chun a ranrual lakah a ṭha mi pêk ding â tiam! Kei chu phun zawzawng nih an hawng ka ṭih mi lal rokual tak kasi,” a ti.

MALAKI 1:8

Bâwlnâk ah ran a ngawr mi mawh, a mit a chaw mi mawh, a khêng mi mawh nan hawng put mi lakah zeikhawm diklonâk umlo hen ma nan ruat? Lâirêltu sinah chubang hâwi ran chu pêk nik kher u! A nan lawmh na hen an sunhsak na lai ma?” a ti.

NUMBER 15:8

Chawchal, LALPA sinah duahphung thil ap mawh thutiam lîmnâk ding hen bâwlnâk mawh, kawmhnâk thil ap,

NUMBER 6:14

ran pathum simsâwinâk umlo mi: kum khat mi dawrâ fa a mipa duahphung thil ap rangah, kum khat mi dawrâ fa a nunau sual thil ap rangah, dawrâ chal kawmhnâk thil ap rangah, LALPA sinah pêk ding asi.

DEUTERONOMY 12:27

LALPA mâichâm ah duah hep ding mi bâwlnâk pêk ule; bâwlnâk a sâ ei hen mâichâm tlûnah a thî thlêt hep ding mi khawm chunah ap u.

HEBRAI 10:22

Kan thinlung ah sia leh ṭha theihnâk sual thiang rawh hen, kan taksa tla tî fîm lakah ṭâwl hen lungnâk rangtling nei hen, thinlung tak put hen Pathian kan naih lai.

1 JOHAN 1:3

Churuangah kan muh hen kan theih mi chu kan simh na bâk asi, nannih khawm nih Pa leh Fapa Jisu Krist kawmhnâk ah kanna khat khonâk ding hen.

LÂIRÊL 20:26

Churawhchun, Israel mi zawzawng tla chu Bethel ah an kal le, an ulh. Chunah chun LALPA mâika ah buh eilo hen zânlei tiang an to. An ektê hen LALPA mâika ah chun kawmhnâk ding hen bâwlnâk an ap le, bâwlnâk zawzawng tla LALPA mâika ah an duah.

LÂIRÊL 21:4

A thâituan zîng ah zapi tla nih chunah chun mâichâm an siam. Kawmhnâk bâwlnâk ah an ap le, bâwlnâk tla an duah.