LEVITICUS 27:8 - Bawm Common Language Bible Version

⁸ Mi nih a thutiam dân hâwi pêk ding hen a pâm tuk chun, bâwlpu sinah kalpi hen bâwlpu nih amah tikho tâwk ding hen niam dauh hen a ruat piak lai.

LEVITICUS 27:8 ပူးပေါင်းရင်းမြစ်များ

2 Lal 7:5

Churawhchun, a mûi sulsal liauah Siria tla riakmun ah an kal le, an tleng rawh chun pakhat khawm an um lo.

JEREMIA 5:7

LALPA nih, “Ka mi tla sualnâk zei rangah ka ngaihdam lai? An ka kaltâk le, pathian tak silo mi tla an sawnh. Ka mi tla chu an khim lânlo ka châwm na, sikhawmsele ṭângdang an pawm le, â zuar mi nunau tla hen an tik an mang.

LEVITICUS 12:8

Nunau nih dawrâ put ding a tlinh kho lo chun, vaṭhu panih mawh lâilêng panih mawh duahphung thil ap rangah pakhat leh sual thil ap rang ding ah pakhat a put ding asi; bâwlpu nih dân hâwi hen a nâwm mi chu a thenhlimh ding hen a timhtuah lai le, dân hâwi hen a thiang lai rawh.

LEVITICUS 27:9

A thutiam chu ran asi chun LALPA sinah thil ap ah pawm piak asi lai. LALPA sinah thilpêk chu â thenhlimh asi.

LEVITICUS 5:11

Mi nih vaṭhu panih mawh lâilêng panih mawh a nei lo chun, sangvut kilogramme khat sual thil ap rangah a ap ding asi. Oliv sariak mawh rimthâw mawh a telh ding asi loh, fâng thil ap asi lo le, sual thil ap asi ruangah.

LEVITICUS 5:7

Mi nih kêl mawh dawrâ mawh a ti kho lo chun a sual man pêk ding hen vaṭhu panih mawh lâilêng panih mawh LALPA sinah a pêk lai le, pakhat chu sual thil ap ah, pakhat chu duahphung thil ap rangah.

MARK 14:7

Mipâm tla chu kumleza hen nan sinah um an si le, nan duh tik zawng ah annih chu nan zângfah kho mi; kei lam chu kumleza hen nan sinah um ding kasi lo.

2 KORIN 8:12

Pêk duhnâk nan nei chun, mi a nei lo nâ silo hen, a neih zia hâwi vima hen a pêk mi chu Pathian lawmh tlâk asi.