LEVITICUS 26:9 - Bawm Common Language Bible Version

⁹ Mal kan sâwm na lai le, fa tam tak ka nan pêk na lai; dân kan pêk na mi ziatê hen thil ka ti lai.

LEVITICUS 26:9 ပူးပေါင်းရင်းမြစ်များ

GENESIS 1:28

mal a sâwm na le, churawhchun, “Fa tam tak nei ule, nan thlâk tla nih tual tlûn zawzawng luah hen anmah thuneihnâk tangah siah na seh,” a ti. “Ngâ, vâ tla leh ramsa zawzawng tlûnah thuneitu ah ka nan siam.

GENESIS 17:20

Ismael thu ah na deihnâk khawm ka theih, churuang chun amah khawm mal ka sâwm lai le, fa tam tak leh thlâk tam tak ka pêk lai. Lal leinih pa ah ka siam lai le, a thlâk tla chu phun rokual tak ah ka siam lai.

GENESIS 22:17

na thlâk tla chu vân ah ârfi zat leh tipi kapah sep zat hen kan pêk lai. Na thlâk tla nih an mêlma tla an neh lai.

GENESIS 26:4

Vân ah mi ârfi zat hen thlâk tla ka nan pêk lai. Hi ram zawzawng tla hi ka pêk na lai. Na thlâk tla mal ka sâwm na mi hâwi hen phun zawzawng nih an hawng ka deih lai.

GENESIS 28:14

Na thlâk tla chu tual ah valeidip zat hen an zan lai. Mun kip ah an ram an kauh vima lai le, nang leh na thlâk tla ruangah phun zawzawng mal ka sâwm na lai.

GENESIS 28:3

Pathian zeizawng tikhotu nih nanna umhnâk chu malsâwm sele, fa tam tak an pêk na seh; churawhchun phun tam tak pa hawng si rawh!

GENESIS 48:4

‘Fa tam tak ka nan pêk lai le, churawhchun na thlâk tla chu phun tam tak an hawng si lai; hi ram hi na thlâk le sinah kumleza an tâ siding hen kan pêk lai,’ ” hawng ka ti.

GENESIS 6:18

Sikhawmsele nang sinah lam chun thudân ka tuk lai le, na nupi hen, na fapa tla leh an nupi tla hen lawng sungah lût u.

1 Lal 3:8

Kei hi na tâ siding hen na mi tla lakah na hawng ka thîm mi asi le, zapi minung chu rêl châwklo rê hen an tam.

2 Lal 13:23

Sikhawmsele LALPA nih a dâwt na le, an lakah khua a ruat. LALPA nih veih dep ding a siang na lo le, a ṭangpi na. Abraham, Isak leh Jakob sinah a thutiam ruangah a mi tla chu a philh dah na lo.

NEHEMIAH 2:20

Kei nih ka sâng le, “Vân Pathian nih dingchangnâk hawng kan pêk awt. A to-aw tla kan si, sak ding kanna dawmh awt. Sikhawmsele nannih lam chu Jerusalem ah thil-le-rî ah zeikhawm thuneihnâk nan nei lo, dân lak khawm tingvo nan nei lo,” ka ti na.

NEHEMIAH 9:23

Vân ah ârfi zat hen fa tla na pêk na le, anmah thlâktu tla rangah pêk ding hen na tiamh mi ram na nehtir na hen a sungah na umtir na.

SAM 107:38

A mi tla chu mal a sâwm na le, fa tam tak an nei, an ranrual a vei ding mi chu a hum piak na.

SAM 89:3

Nangnih chun, “Minung ka thîm mi hen thutiamnâk ka siam; ka to-aw David sin khawm thu ka tiam,

EXODUS 1:7

Sikhawmsele, an thlâk tla Israel mi tla chu fa tam tak an nei vima le, thungâi an pung hen an chak le, Aigupta ram an khat rawh.

EXODUS 2:25

Israel tla sal an si mi chu a muh le, a siherh na.

EXODUS 6:4

Ramdang mi tla hâwi hen an umnâk Kanaan ram pêk ding mi lak khawm ah an sinah thudântuknâk ka siam.

ISAI 55:3

“Ka mi tla, tuah ka thu ngâi ule ka sinah hawng u; ka sinah hawng ule, nungnâk nan nei lai! Nanmah hen thudântuk um kumza ding mi ka siam lai le David sinah ka tiamh mi malsâwmnâk chu ka nan pêk na lai.

JEREMIA 23:3

Ka mi tla ka rekrâwitir na mi ram thawk hen a um rih mi tla vial chu ka pumh na lai le, anmah ram leiah ka kîrpi nawlh na lai. Fa tam tak an nei lai le, cherkhet an zan lai.

JEREMIA 23:4

Anmah zauhkhenhtu ding hen lâirêltu tla ka ruat lai. Ka mi tla chu an ningṭih hen an lâu lai lo rawh le, rêp khawm ka rêp nawlh na lai lo rawh. Kei, LALPA nih ka sim asi,” a ti.

JEREMIA 33:3

“Hawng ka auh ule, ka nan sâng na lai, nan theih dahlo mi thilchê tak ka nan simh na lai.

EZEKIEL 16:62

Na sinah thudân ka tuk mi chu ka tharh nawlh lai le, LALPA kasi mi na theih lai rawh.

EZEKIEL 36:9

Nanmah lei ṭângṭawm mi kasi, nan ram phâisen tla chu nâwn nawlh asi lai le, chunah chun thlâi chî vawrh asi nawlh lai.

LEVITICUS 26:15

Ka dân leh ka thupêk tla nan zûl duh lo hen ka thudântuk tla nan buar chun,

LUK 1:72

Kan thlâktu tla khuaruatnâk ding leh a thudântuk thenhlimh theihkumzanâk ding hen;

DEUTERONOMY 28:11

LALPA nih a nan thlâk natu tla sinah pêk ding hen a tiamh mi ram ah fa tla, ranrual tla leh neihnâk tam tak an pêk na lai.

DEUTERONOMY 28:4

“LALPA nih fa tam tak, mîm-le-fâng, ranrual leh dawrâ tla tam tak hen mal an sâwm na lai.

DEUTERONOMY 7:13

A nan dâwt na hen mal an sâwm na lai le, nan zan hen fa tam tak nan nei lai; nan phâisen tla mal a sâwm lai le, fâng tla uain tla, oliv sariak tla nan nei lai le, ranrual tam tak leh dawrâ tla an pêk na hen mal an sâwm na lai. Hi bang malsâwmnâk zawzawng tla hi an thlâk natu sinah a tiamh na mi ram ah chun an pêk na lai.

HEBRAI 8:9

Kut hen Aigupta ram thawk hen ka suakpi na liauah an thlâktu tla sinah thudântuk ka siam mi hâwi khan asi lai lo rawh; an sinah thudân ka tuk mi lakah zumh an kâi lo ruangah, anmah tla chu ngaihlo lêm ka thlâk na,” Lalpa nih a ti.