LEVITICUS 26:6 - Bawm Common Language Bible Version

⁶ “Nan ram ah thlangamnâk kan pêk na lai le, ningṭihnâk nei lo hen nuam tak hen nan it lai. Ram sa ṭihnungkâi tla nan ram ah mi ka kiangtir ver lai le, râltuk khawm a um lai lo rawh.

LEVITICUS 26:6 ပူးပေါင်းရင်းမြစ်များ

2 Lal 2:24

Elisa chu â her le, a mit sen hen a zauh na le, LALPA min hen siat a barh na. Churawhchun, vawm nunau panih tumun thawk hen an hawng suak le, mipa ngâksia murui lakah mi sâwmli leh panih an sâm dip na.

1 CHRONICLES 22:9

A thutiam zia hâwitê hen thil a ti rawh. LALPA nih, ‘Thlangam tak hen lâirêltu ding mi fapa na nei lai le, a mêlma lakah mi thlangamnâk ka pêk awt. A min chu Solomon asi lai, a lâirêl kar zawzawng chu Israel tla rangah thlangamnâk leh himnâk ka pêk na lai.

2 CHRONICLES 20:30

Churuangah Jehosaphat chu thlangam tak hen lâi a rêl le, Pathian nih zei lei zawng ah himnâk a pêk.

JOB LASUIBU 11:19

Na mêlma tla chu na ṭih na lai lo le, mi tam tak nih ṭangpitu ah a nan sâwm lai.

JOB LASUIBU 5:23

Na phâisen nâwn lakah khawm lung a um lai loh. Sarâng khawm nih a nan seh lai loh.

SAM 144:14

Kan ran tla chu a tlâu leh a vei mi um lo hen cherkhet hen pung seh. Kan zâwllâi ah hamh ruangah ṭapnâk rêng um lah seh.

SAM 147:14

Na ramri chu him tak hen a nan vêng piak le, buh ṭha chem hen a nan khimtir.

SAM 29:11

LALPA nih a mi tla chu chaknâk a pêk le, thlangamnâk hen mal a sâwm na.

SAM 3:5

Ka zâu le, ka it, LALPA nih zân khuavâr hen hawng ka hum.

SAM 4:8

Ka zâu liauah lungngam tak hen ka it le, LALPA, nangmah cho na si; him tak hen hawng ka kiltu chu.

SAM 85:8

LALPA Pathian nih a sim mi chu ka ngâi le; kan âtnâk lampi leiah kan kîr nawlh lo asi chun a mi le tla sinah thlangamnâk hawng kan tiamh.

EXODUS 23:29

Kum khat sung ko chun ka nar hep na lai loh, ka nar ver na chun ram a lâwng tuktarâi lai le, nan rangah ram sâ a tam tuk lai.

THUFING LASUIBU 3:24

Na it tik khawm lâunâk na nei lai lo le, zân khuadei hen ihmu thaw tak hen na it lai.

THUFING LASUIBU 6:22

Na kalnâk zawng ah an sîntirnâk nih a nan rui lai le, zân ah a nan vêng lai le, sûn ah krai a nan pêk lai.

ISAI 35:8

Chunah chun lamlian, “Thenhlimhnâk lampi” an ti mi a um lai. Chu lampi ah chun misual âukhawm an kal lai lo; lampi ah kal mi chu mi â tla khawm an vâi lai lo.

ISAI 35:9

Chunah chun chakeibaknei tla an um lai lo le, sarâng tla khawm chu lampi ah a kal lai lo. LALPA nih ruang a suah na mi tla nih in lei kalnâk lampi ah an mang lai.

ISAI 45:7

Chêu leh mûi khawm ka siam vevê; malsâwmnâk leh siatnâk khawm ka tlungtir mi an si vevê. Kei LALPA nih chubang thil zawzawng ka ti mi asi.

ISAI 9:7

A lal thiltikhonâk chu a lian dadauh lai le; a lalram ah chun remnâk a um kumza lai. Lalchem David ruangrûl ah lâi a rêl lai le, a thiltikhonâk chu dik tak leh rep tak hen tu thawk hen tik dawngh tiang a um lai. LALPA Zeizawng tikho nih hi zawzawng ti ding a tum asi.

JEREMIA 30:10

“Ka mi tla, ṭih lah u; Israel mi tla, lâu lah u. Ram lât tak sal ah nan tângnâk ram ah mi chu ruang ka nan suah na awt. In leiah hawng kîr hen thlangam tak hen nan um lai le; him tak hen kan umtir na lai le; âukhawm nih an lâutir na lai lo rawh.

JEREMIA 31:26

Chu tikah mi le tla nih, ‘Ka it le, panh ver hen ka thawk,’ an ti lai.

EZEKIEL 14:15

“Chu hâwi asi lo khawm ah minung thah ding hen ramsa fial hen mi velvâ um kho lo rê ding hen ram lakah ṭihnungkâi ka siam kho,

EZEKIEL 14:17

“Chu hâwi asi lo khawm ah chu ram ah chun râltuknâk ka tlungtir hen riamnâm hen minung leh ramsa veihnâk bang cho hen ka tlungtir kho,

EZEKIEL 14:21

Hi hi LALPA Zahkâi nih a sim mi chu asi: “Jerusalem tlûnah rêpnâk ṭhalo chem pali, râltuknâk, pâmnâk, ramsa tla leh râi, ran leh minung bang cho veihtu ka tlungtir awt.

EZEKIEL 34:25

An sinah an himnâk ding hen thudântuk ka siam awt. Ram lakah ramsa ṭihnungkâi ka ṭhiau phin na lai le, churawhchun ka dawrâ tla chu phâisen ah him tak hen an um lai le, tumun tla ah an bawk lai.

EZEKIEL 34:27

Thing tla nih rah an suah lai le, phâisen tla nih thlâi tla a suah lai, mah ram chiauah mikip him tak hen an um lai rawh. Ka mi tla sal ah siamtu tla lakah mi an rêngkhimh ka sah piak na hen ka suah na tikah chun kei, LALPA kasi ti an theih lai rawh.

EZEKIEL 5:17

Sungvânghnâk leh nan fa sehtu ding ramsa tla ka hawng fial lai le, damlonâk, siatnâk, nanmah thah ding hen tuknâk ka hawng fial lai. Kei, LALPA nih ka sim asi,” a ti.

HOSEA 2:18

Chu tikah chun ramsa leh va zawzawng tla hen thudântuknâk ka siam lai le, churawhchun, ka mi tla rangah nganfâk an pêk lai lo rawh. Tuknâk râlthuam tla ram lakah mi chu ka lawnh phin lai rawh le, nâmsâu leh chanhtiang tla khawm, ka mi tla chu thlangam leh him tak hen ka umtir na lai rawh.

HOSEA 2:20

Ka thutiam chu ka kil kumza lai le, an theihtir lai; nang khawm nih LALPA na ka ti lai rawh.

LEVITICUS 25:18

LALPA dân leh thupêk zûl u, chu ram ah him tak hen nan um khonâk ding hen.

LEVITICUS 25:19

Ram nih neihnâk a hawng suah lai le, nan duh mi zawzawng ei kho hen him tak hen nan um kho lai.

LEVITICUS 26:22

Ram sa ṭihnungkâi nan sinah ka hawng fial lai, nan fa tla leh nan ran tla a seh lai le, nan lampi tla khawm a king thlo lai.

LEVITICUS 26:25

Nanmah rêpnâk ding hen tuknâk ka tlungtir lai, ka thudântuk nan buar ruangah; khuapi ah him ding duh hen nan tek lai le, chunah chun dam kho lo mi râi ka hawng tlungtir lai, nan mêlma tla lakah zângran hen pêk nan si lai.

LEVITICUS 26:7

Nan mêlma lakah nehtu nan si lai;

MIKAH 4:4

Mikip rem tak hen an grep leh an theipi nâwngah an um lai le, an lâutir na lai lo rawh. LALPA Zeizawng tikho nih hi hi a tiamh mi asi.

ZEPHANIAH 3:13

Israel a thibang tla nih chun âu sin khawm ah thil diklo ti hen âwkrâwl thu an sim lai lo le, perpet ding an tum lai lo. Sul-le-lam tluang leh him tak hen an um lai le, âukhawm ṭih an nei lai lo,” a ti.

HAGAI LASUIBU 2:9

Biakin thar chu a li mi ngâk hen a rokual dauh lai le, chunah chun ka mi tla rangah sul-le-lam tluangnâk leh lungngamnâk ka pêk na lai,” LALPA Zeizawng tikhotu nih a ti.

ZEKARIA 9:10

LALPA nih, “Israel lakah mi râltuknâk kari tla chu ka ṭhial lai le, Jerusalem a mi rang tla chu ka lâk ver lai le, râltuknâk chanhtiang tla chu ka râwk hep lai. Nan lal nih phun tla lakah thlangamnâk a siam lai le; khatlei mi tipi thawk hen khatlei mi tipi tiang Eufretis tiva thawk hen tual dawnghnâk tiang lâi a rêl lai,” a ti.

JOHAN 14:27

“Lungngamnâk ka nan mâk na; keimah lungngamnâk ka nan pêk na; laikulh nih a pêk hâwi hen ka nan pêk na lo hi. Nan thinlung lawksawng lah seh, ṭih khawm ṭih lah seh.

THILTI 12:6

Chun, Herod nih chun a suah awt liauah, chu zân takah chun Peter chu kawrsen panih karah chikchîn panih khih hen a it le; a vêngtu tla khawm kawtkarî ah an um le, rêngin chu an vêng.

ROM 5:1

Churuangah, lungnâk ruangah mawhlo a um hen, kan Lalpa Jisu Krist ruangah Pathian hen rem hen kan um.