LEVITICUS 26:5 - Bawm Common Language Bible Version

⁵ Mîm-le-fâng cherkhet nan nei lai le, fâng nan ât liauah grep rah kawih a zâ lai, grep rah nan kawih liauah fâng tuh cham a hawng si fâwn lai. Nan duh mi zawzawng nan ei lai le, nan ram ah him tak hen nan um lai.

LEVITICUS 26:5 ပူးပေါင်းရင်းမြစ်များ

SAM 144:13

Kan fângbâwk chu thlâi chi kip hen khat seh. Kan phâisen ah dawrâ tla nih a sîng lû hen ring na seh.

SAM 90:1

LALPA, nang chu kan in na si kumza.

EXODUS 16:8

Churawhchun, Mosi nih, “Zânlei ah meh, zînglei ah sang nan duh tâwk an pêk natu ding chu LALPA asi, a tlûnah nan chipchiarnâk a theih tam tuktarâi rawh ruangah, kan tlûnah nan chipchiar mi chu LALPA tlûnah chipchiar nan si,” an ti.

THUFING LASUIBU 1:33

Sikhawmsele, ka thu ngâitu chu a him lai. Ṭihnâk zeikhawm nei lo hen a um lai,” ti hen.

THUFING LASUIBU 18:10

LALPA chu kulh bir hâwi asi le, a sinah mirep tla chu an kal hen an him kho.

ISAI 1:19

Ka thu cho nan ngâi chun, ram lakah a suak mi thil ṭha tla nan ei lai.

ISAI 30:23

Zeiliau khawm ah nan thlâi chî tuh lakah LALPA nih kho ding hen ruah a sûrtir lai le, fângzûn liauah neih leh siahnâk an pêk na lai le, nan ranrual tla khawm nih ram nah ningno tam tak an nei lai.

JEREMIA 23:6

Lalchem asi tikah Juda mi tla chu him tak hen an um lai le, Israel mi tla chu thlangam tak hen an um lai. Anih chu ‘LALPA kan Ruangsuahnâk’ mawh ‘Lalpa kan repnak’ ti asi lai.

HOSEA 2:18

Chu tikah chun ramsa leh va zawzawng tla hen thudântuknâk ka siam lai le, churawhchun, ka mi tla rangah nganfâk an pêk lai lo rawh. Tuknâk râlthuam tla ram lakah mi chu ka lawnh phin lai rawh le, nâmsâu leh chanhtiang tla khawm, ka mi tla chu thlangam leh him tak hen ka umtir na lai rawh.

HOSEA 2:20

Ka thutiam chu ka kil kumza lai le, an theihtir lai; nang khawm nih LALPA na ka ti lai rawh.

JOEL 2:19

LALPA nih, “Tuah buh, uain, leh oliv sariak ka nan pêk na lai rawh le nan khim lai rawh, phundang tla nih an zauhnawmh na lai lo rawh.

JOEL 2:22

Ran tla, lâu lah u, ram tla ningno hen a ring rawh; Thing tla nih rah an suah le, theipi leh grep khawm tam tak a um rawh.

JOEL 2:26

Tu lam chun ei ding tam tak nan nei lai rawh le, nan khim lai rawh; nan rangah thilchê titu LALPA chu nan sawr lai rawh. Ka mi tla chu zauhnawmh hen an um lai lo rawh.

AMOS 9:13

“LALPA nih, Fâng tla zûn châwklo rê hen ṭhang ding leh grep khawm uain ah siam châwklo rê hen a ningno lai. Tlâng sâng tla chu uain thlum hen a zut lai le, tlângtê tla khawm uain hâng hen a luang ding ni chu a hawng tlung awt rawh.

MATHAI 23:37

“Aw Jerusalem, Jerusalem! Khuavâng tla thahtu, na sinah an hawng fial mi tla lung hen thi thlo hen sehtu! Ârpinu nih a fa tla a thla tangah a khurh na hâwi hen na fa tla vei zei zat me khurh ka tum mi kha! Sikhawmsele, na duh lo.

THILTI 14:17

sikhawmsele, Pathian nih amah chu a dik asi ti theihtirnâk umlo hen a siam lo, chu hâwi hen thil ṭha a ti tâwn, vân thawk hen ruah tla leh ei ding a nan pêk na, nan thinlung lâwmnâk hen a nan khattir na tâwn kha,” an ti.

DEUTERONOMY 11:15

nan ranrual tla rangah belh tla a hawng um lai. Nan duh tâwk hen fâng tla nan nei lai.

1 TIMOTHE 6:17

Hi laikulh minei tla hi a zûm lo ding leh neihnâk zumhkâilo ah an lungumnâk ngauh lo hen, thil zawzawng lâwmnâk ding ah hawng kan pêktu Pathian sinah ngauh ding hen nunsimh na rawh.

1 PETER 1:5

Ruangsuahnâk tik dawnghlei ah hawng lang ding mi timhtuah chia chu tawng ding hen lungnâk ruangah Pathian thiltikhonâk hen vêng mi chu nan si.