LEVITICUS 26:1 - Bawm Common Language Bible Version

¹ LALPA nih, “Milem tla siam mi ruklem, lung phun tla, lung rîn tla sawnh ding hen siam lah. Kei, LALPA nan Pathian kasi.

LEVITICUS 26:1 ပူးပေါင်းရင်းမြစ်များ

2 Lal 17:10

Tlâng tlûn leh thing dâidul kip ah pathiannu Aserah lem lungphun an phun le,

2 Lal 17:16

LALPA, an Pathian dân tla an râwk ver le; sawnh ding hen chawchal ruk panih tla, Aserah pathiannu lem tla, ârfi tla leh Baal pathian an sawnh.

2 Lal 17:8

LALPA nih an kalnâk ah a nar piak na mi umdân an châwng le,

SAM 78:58

Lunglonâk sawnh dân nih a thin an thawktir le, an ruk sawnhnâk nih a thin an thawktir.

SAM 97:7

Mikip ruk sawnhtu chu ningzak saih hen a um; pathian zawzawng tla chu LALPA mâika ah an kûn.

EXODUS 20:2

“Kei, LALPA nan Pathian, Aigupta ram ah mi sal nan sinâk lakah mi an suakpi natu chu kasi.

EXODUS 20:23

Keimah nûnah pathian dang tla nan sawnh ding ah ngûn leh tangka hen nan siam ding asi lo.

EXODUS 23:24

An pathian tla sinah kûn lah ule, sawnh lah u, an phung tla zûl lah u. An pathian tla râwk ule, an lungphun tla khiak u.

EXODUS 34:17

“Thîr hen pathian lem siam hen sawnh lah.

ISAI 2:20

Chu ni a hawng tlung tik chun, an siam mi ngûn leh tangka milem tla chu an lawnh ving lai le, zabui leh balâk tla sinah an mâk lai.

LEVITICUS 19:4

“Hawng ka kaltâk lah ule, milem sawnh lah u, thîr hen pathian siam hen sawnh lah u, Kei hi, LALPA nan Pathian chu kasi.

LEVITICUS 25:55

Israel mi rerêng sal si kumza kho asi lo, Israel tla chu LALPA sal an si ruangah. Aigupta ram thawk hen suakpitu chu LALPA an Pathian asi.

LEVITICUS 7:33

kawmhnâk thil ap lakah ran thâu leh thî aptu bâwlpu sinah pêk ding asi.

NUMBER 33:52

ram sungah minung um mi tla zawzawng chu nan nar phin ding asi. An sawnh mi milem lung leh thîr hen an siam mi tla leh an sawnhnâk mun tla râwk dep u.

THILTI 17:29

Chun, Pathian thlâk tla kan si rawh chun Pathian chu ngûn, tangka, lung mawh minung zungthiam leh thilthiam siam mi hâwi hen kan ruat ding asi loh.

DEUTERONOMY 27:15

“Pathian siat chu lung hen mawh, thing hen mawh thîr hen mawh milem siam hen a thup hen sâwnhtu tlûnah tlung seh; LALPA nih milem sawnh chu a hua asi,’ an ti lai. “Mi zapi zawzawng nih ‘Amen!’ ti hen an sâng lai.

DEUTERONOMY 5:6

‘Aigupta ram ah sal ah nan um mi an suah natu LALPA nan Pathian kasi.

THUPHUANG 22:15

Lênglei ah chun, ui tla, dâwithiam tla, pungmang tla, milem sawnhtu tla, âwkrâwl sunhsaktu tla leh âwkrâwl sim mang tla chu an um lai.

LÂIRÊL 18:30

Dan mi tla nih sawnh ding hen milem chu an siah le, Jonathan Gersom fapa leh Mosi tupa nih Dan phun tla rangah bâwlpu rian a ṭuan le, sal ah put an si tiang hen a thlâk tla nih bâwlpu rian an ṭuan.