LEVITICUS 24:3 - Bawm Common Language Bible Version

³ Mun Thenhlimh Chem ah mi LALPA umnâk Thudântuk Bâwm mâika ah mi puanzâr lênglei ah Aron nih zânlei kip hen meichêu a kaih lai le, zînglei tiang alh kumza ding hen a kilkâwi lai. Hi dân hi zeiliau zawng ah mang kumza ding mi asi.

LEVITICUS 24:3 ပူးပေါင်းရင်းမြစ်များ

EXODUS 27:21

Aron leh a fapa tla nih chu meichêu chu ka umnâk Puanin sung, ka Thudântuk Bâwm mâika ah puanzâr lênglei ah an siah ding asi. Ka umnâk ah chun zânlei thawk hen zînglei tiang an chêu ding asi. Hi thupêk hi Israel tla leh an thlâk tla nih an kil kumza ding asi.

LEVITICUS 24:2

Israel tla rangah hi bang hâwi thupêk tla pêk ding hen a simh. Oliv sariak a ṭha chem mi Puanin ah mi meichêu rangah hawng put u; zeiliau zawng phân zên chêu kumza ding hen.

LEVITICUS 24:4

Aron nih LALPA mâika ah mi ngûn meichêu lakah mi meichêu chu a alh kumza ma ti a zauh ding asi.

LEVITICUS 3:17

Israel fa âukhawm nih a thâu leh a thî an ei ding asi lo; hi dân hi an umnâk zawng ah Israel fa tla nih an zûl ding asi.

NUMBER 18:5

Nang leh na fapa tla lâwng nih Mun Thenhlimh leh mâichâm lakah mawhphurhnâk chu nan ti kho lai, chu tikah ka thinthawknâk chu Israel mi zapi tlûnah a tlung nawlh lai lo rawh.

1 SAMUEL 3:3

Samuel chu mun thenhlimh Thudântuk Bâwm umnâk ah a it; khuadei lântê ah meichêu khawm a chêu ko liauah LALPA nih Samuel chu a kawh.