LEVITICUS 22:8 - Bawm Common Language Bible Version

⁸ Ran zeital amah lung hen a thi mi leh ram sa nih a seh mi a ei ding asi lo; amah thianglo tirtu asi lai. Kei LALPA kasi.

LEVITICUS 22:8 ပူးပေါင်းရင်းမြစ်များ

EXODUS 22:30

Nan ranrual leh nan dawrâ a ring tîr mi tla hawng ka, pêk u, a mipa a ring tîr mi chu a nu sinah ni sarih kar a um lai le, a ni riat ni ah ka sinah nan hawng ap ding asi.

EXODUS 22:31

“Ka mi tla nan si le, nan ran tla ram sa nih a seh mi rerêng nan ei ding asi lo, chu ngâk hen chun ui tla rang lam pêk dauh na u.

EZEKIEL 4:14

Sikhawmsele, kei nih ka sâng le, “LALPA Zahkâi, silo! Zeiliau khawm ka nâwmtir dahlo. Ka mêttê thawk hen ran amah lung hen a thi mi leh ramsa nih a seh mi sa ka ei dahlo. Thianglo hen ngaih mi buh khawm ka ei dahlo,” ka ti.

EZEKIEL 44:31

Bâwlpu tla nih, va mawh, ran mawh, amah lung hen a thi mi mawh, anmah leh anmah anna thah mi an ei ding asi lo,” a ti.

LEVITICUS 17:15

Mi âuzawng, Israel mi mawh ramdang mi mawh nih ran sâ thi rerêng mi mawh, ram sa seh mi mawh eitu chu a nipuan a suk hen tak â khawlh lai le, a thenhlimh cham a tling lânlo chu zânlei tiang a ngâk ding asi.

LEVITICUS 7:24

Ran amah thi hen a thi mi mawh, ramsa nih a thah mi mawh a thâu ei ding asi lo, thil dang rang chun mang kho asi lai.

DEUTERONOMY 14:21

“Amah lung hen a thi mi ransa nan ei ding asi lo. Ramdang minung nan sinah an um mi tla chu nan eitir na kho, asi lo leh an sinah nan zuar kho. Sikhawmsele nannih lam chu LALPA nan Pathian lakah mi nan si le, a mi tla nan si. “Kêl fa mawh dawrâ fa mawh a nu nûk hâng hen suang lah u.”