LEVITICUS 2:9 - Bawm Common Language Bible Version

⁹ LALPA sinah ap hep mi asi ti zauhtirnâk ah bâwlpu nih a khingkhuai a lâk lai le, mâichâm ah a duah lai. Chu eiphung duah mi rim nih LALPA a lawmhtir.

LEVITICUS 2:9 ပူးပေါင်းရင်းမြစ်များ

EXODUS 29:18

Eiphung thil ap hâwi hen mâichâm tlûnah duah hep. Chu apnâk rim nih chun hawng ka lawmhtir asi.

ISAI 53:10

LALPA nih, “A thihnâk chu sual ngaihdamnâk ding hen bâwlnâk asi ruangah a tuar ding mi chu ka duhzia asi. Churuangah a thlâk tla a muh na lai le; san sâu tak hen a um lai le amah ruangah ka thiltum chu a tling lai rawh.

LEVITICUS 1:9

A sungril tla, a kê tla a ṭawl lai le, bâwlnâk ah bâwlpu nih mâichâm tlûnah a duah hep lai. Chu eiphung ap mi rim nih chun LALPA chu a lawmhtir.

LEVITICUS 2:16

Bâwlpu nih chu sariak leh buh khingkhuai chu theihkumzanâk ding hen a duah lai le, rimthâw zawzawng khawm chu LALPA sinah eiphung ap mi hawi hen a pêk ding asi.

LEVITICUS 2:2

Aron thlâk bâwlpu tla sinah a pêk lai. Bâwlpu nih sangvut zapei khat leh rimthâw leh sariak tla chu a lâk lai le, a ektê hen LALPA sinah thil ap singsiahnâk ding ah mâichâm ah a duah lai. Chu eiphung bâwlnâk rim nih chun LALPA a lawmhtir.

LEVITICUS 2:8

LALPA sinah ap ding hen put le, mâichâm ah puttu ding mi bâwlpu sinah pêk.

LEVITICUS 24:7

Tlar kip ah rimthâw telh le, LALPA sinah eiphung thil ap sang ruangrûl ah siding hen.

LEVITICUS 4:31

Kawmhnâk thil ap rangah ran an thah le, a thâu an lâk mi hâwi hen a lâk lai le, mâichâm tlûnah a duah lai, chu rim nih LALPA a lawmhtir ding hen. Hi hâwi hen bâwlpu nih bâwlnâk chu sualtupa rangah a ap lai le, ngaihdam asi lai rawh.

LEVITICUS 5:12

Bâwlpu sinah a hawng put lai le anih nih zapei khat LALPA sinah zeizawng ap ver asi ti theihnâk ding hen eiphung thil ap mi hâwi hen mâichâm tlûnah a duah lai. Chu chu sual thiangnâk thil ap asi.

LEVITICUS 6:15

Sangvut zapei khat leh sariak rimthâw a lâk lai le, LALPA sinah ap ver mi ti theihnak ding hen mâichâm tlûnah a duah lai. Chu thil ap rim nih chun LALPA a lawmhtir asi.

ZEKARIA 13:7

LALPA Zeizawng tikho nih, “Nâmsâu, thawk le, ka rianṭuantu dawrâ vêngtu chu do rawh! Thah le, dawrâ chu anna rek phin lai.

ZEKARIA 13:9

Churawhchun, a mun thumnâk a thibang chu mei nih tangka a thiangtir mi hâwi hen ka thiangtir lai. Ngûn nik mi hâwi hen ka nik na lai. Churawhchun, ka sinah thla an cham lai le, ka sâng na lai rawh. Ka mi le an si ti ka simh na lai le, annih khawm nih kan Pathian na si an hawng ka ti bâk lai rawh,” a ti.

NUMBER 5:26

Churawhchun, thil ap zapei khat a lâk lai le, mâichâm tlûnah a duah lai. A dawnghnâk ah chu tî chu nunau rangah a dintir lai.

ROM 12:1

Chun, unau le tla, Pathian khuaruatnâk ruangah hin bâwlnâk nung leh thenhlimh leh Pathian lawmh tlâk siding hen nan taksa chu pêk ding hen ka nan ngiar na asi, chu chu nan rianṭuan ding rêng asi.

EPHESI 5:2

Krist nih a nan dâwt na le, Pathian sinah thil ap ah leh bâwlnâk rimthaw rang dingah kan ruangrûl ah â pêk mi hâwi khan zângfahnâk ah um u.

PHILIPI 2:17

Asi, nan lungnâk hâwlnâk leh rianṭuannâk lakah chun tawih hen um menza khawmsele ka lâwm asi, nan ektê hen ka nan lawmhpi ber na.

PHILIPI 4:18

Sikhawmsele, zeizawng ka nei le, kasi â rem rawh. Epaprodita kut ah thil nan ka kuat mi tla chu ka tawng le zei ka ngâilo rawh. Chubang chu zeilo rimthâw rim, bâwlnâk sâng tlâk Pathian lawmhkâng asi.