LEVITICUS 2:3 - Bawm Common Language Bible Version

³ Ap mi fâng a lei mi vial chu bâwlpu rang ding asi; LALPA sinah eiphung thil ap lakah mi asi ruangah a thenhlimh asi.

LEVITICUS 2:3 ပူးပေါင်းရင်းမြစ်များ

Ezra lasuibu 2:63

Juda lâirêltu nih bâwlpu Urim leh Thummim mangtu a um lânlo chu Pathian sinah ap mi tî-le-râwl an ei kho lai loh a ti na.

EXODUS 29:37

Hi ni sarih karah hin nisiar hen ti. Churawhchun, mâichâm chu a hawng thenhlimh ver lai le, âutal nih mawh zeital nih mawh a tawnghtu chu â thenhlimhnâk thiltikhonâk nih nganfâk a pêk lai.

EZEKIEL 44:29

Fâng thil ap, sual thil ap leh rulhnâk thil ap chu bâwlpu tla ei ding mi asi le, Israel lakah mi thil zeizawng ka rangah a dang ê hen an siah mi chu an tawng ding mi asi.

EZEKIEL 46:20

Chu kardang tla thlanglei kâng sîr mun chu a khît le, “Hi mun hi bâwlpu tla nih sual bâwlnâk ah ap mi leh rulhnawlhnâk thil ap lakah mi sa an suangnâk leh ap mi sangvut emnâk asi, lênglei ah mi zapi rangah nganfâk tawng ding hen thil thenhlimh kulh lênglei ah suakpi asi lonâk ding hen,” a ti.

LEVITICUS 10:15

Ei phung ap mi a thâu LALPA sinah an pêk liauah, a kê leh a î-âwm an hawng put ding asi. Hi bang hi LALPA thupêk hâwi hen nanmah leh nan fa tla vo kumza ding asi,” a ti.

LEVITICUS 14:13

Duahphung thil ap leh sual thil ap mi ran an thahnâk mun thenhlimh ah chu dawrâ fa chu a thah ding asi. Rulhnâk thil ap chu sual thil ap mi hen â bang ruangah bâwlpu vo asi vevê le, thungâi â thenhlimh asi.

LEVITICUS 2:10

Ap mi lakah a lei mi vial chu bâwlpu vo asi, LALPA sinah eiphung thil ap lakah mi asi ruangah â thenhlimh asi.

LEVITICUS 21:22

Chubang hâwi minung tla nih chun ka sinah eiphung thil ap mi tla eiphung thil ap thenhlimh leh eiphung thil ap thenhlimh tak mi an ei kho lai.

LEVITICUS 5:13

Hi hâwi hen bâwlpu nih chun minung sualnâk rang ding ah bâwlnâk ap asi lai le, ngaihdam asi lai. Fâng ap mi hâwi hen a lei mi vial chu bâwlpu vo asi.

LEVITICUS 6:26

Bâwlpu, bâwlnâk ran aptu nih LALPA umnâk Puanin kulh sung mun thenhlimh ah a ei lai.

LEVITICUS 6:9

Aron leh a fapa tla sinah hi bang duahphung ap mi dân tla chu pêk ding hen thu a pêk. Duahphung ap mi chu zân khuadei ver hen mâichâm ah siah ding asi, mei khawm alh kumza ding asi.

LEVITICUS 7:7

Sual thil ap leh rulhnâk thil ap chu â bang cho mi dân pakhat ah mang asi, sâ chu bâwlnâk aptu bâwlpu tâ asi.

LEVITICUS 7:9

Fâng ap mi bêl lakah hût mi mawh khêng lakah timhtuah mi mawh rial mi mawh chu LALPA sinah aptu bâwlpu vo asi.

NUMBER 18:9

Thil thenhlimh ap hen mâichâm ah duah lo mi vial chu nan tâ asi: fâng thil ap, sual thil ap leh rulhnâk thil ap tla hi. Thil thenhlimh ka sinah pêk mi zawzawng chu nang leh na fapa tla tâ asi.

1 SAMUEL 2:28

Israel phun zawzawng lakah mi a dâwngsung chu bâwlpu rang ding ah ka thîm le, mâichâm ah rianṭuan hen rimthâw tla duah hen, kawrfual ruk hen ka sinah thu hawng ka deih ding hen. Mâichâm lakah duahphung bâwlnâk lakah mi vo ka neihtir na.