LEVITICUS 2:2 - Bawm Common Language Bible Version

² Aron thlâk bâwlpu tla sinah a pêk lai. Bâwlpu nih sangvut zapei khat leh rimthâw leh sariak tla chu a lâk lai le, a ektê hen LALPA sinah thil ap singsiahnâk ding ah mâichâm ah a duah lai. Chu eiphung bâwlnâk rim nih chun LALPA a lawmhtir.

LEVITICUS 2:2 ပူးပေါင်းရင်းမြစ်များ

NEHEMIAH 13:14

“Ka Pathian, na Biakin rangah leh nangmah sawnh ding ah thil ka ti mi zawzawng tla hi theihkumza rawh.”

NEHEMIAH 13:22

Levi tla chu anmah a thenhlimhtir hen Dinh ni thenhlimh tak a mang ding hen kulh kawtkâ vêng ding thu ka pêk na. “Pathian, hi khawm hi theihkumza le, na dâwtnâk rokual tak ruangah hawng ka zuah rawh.”

EXODUS 30:16

Chu tangka chu Israel mi tla lakah khawlh le, ka umnâk puanin zauhkhenhnâk rang ding ah mang rawh. Hi siah hi an nungnâk rang ding ah man pêk mi chu asi le, anmah zauhkhenh na ding hen Ka theihkumza lai,” a ti.

ISAI 66:3

“Zapi tla chu anmah duhzia hen thil an ti. Bâwlnâk ah chaw thahtu mawh, minung thahtu mawh, bâwlnâk ah dawrâ fa thahtu mawh, ui ngâwng merhtu mawh; sangvut aptu mawh, vawk thî aptu mawh; rimthâw ap hen milem sinah thlachamtu chu anna bang hep. Fihnungkâi tak hen sawnh chu an duhzia asi.

LEVITICUS 1:13

A sungril leh a kê chu a ṭâwl lai le, bâwlpu nih mâichâm tlûnah bâwlnâk LALPA sinah ap hen a duah hep lai. Chu eiphung ap mi rim nih LALPA chu a lawmhtir asi.

LEVITICUS 1:17

A thla ah a tleih lai le, a pum chu a ek lai le, a thla chu sâm lo hen mâichâm ah duah hep ding asi. Chu eiphung ap mi rim nih LALPA chu a lawmhtir.

LEVITICUS 1:9

A sungril tla, a kê tla a ṭawl lai le, bâwlnâk ah bâwlpu nih mâichâm tlûnah a duah hep lai. Chu eiphung ap mi rim nih chun LALPA chu a lawmhtir.

LEVITICUS 2:16

Bâwlpu nih chu sariak leh buh khingkhuai chu theihkumzanâk ding hen a duah lai le, rimthâw zawzawng khawm chu LALPA sinah eiphung ap mi hawi hen a pêk ding asi.

LEVITICUS 2:9

LALPA sinah ap hep mi asi ti zauhtirnâk ah bâwlpu nih a khingkhuai a lâk lai le, mâichâm ah a duah lai. Chu eiphung duah mi rim nih LALPA a lawmhtir.

LEVITICUS 24:7

Tlar kip ah rimthâw telh le, LALPA sinah eiphung thil ap sang ruangrûl ah siding hen.

LEVITICUS 4:31

Kawmhnâk thil ap rangah ran an thah le, a thâu an lâk mi hâwi hen a lâk lai le, mâichâm tlûnah a duah lai, chu rim nih LALPA a lawmhtir ding hen. Hi hâwi hen bâwlpu nih bâwlnâk chu sualtupa rangah a ap lai le, ngaihdam asi lai rawh.

LEVITICUS 5:11

Mi nih vaṭhu panih mawh lâilêng panih mawh a nei lo chun, sangvut kilogramme khat sual thil ap rangah a ap ding asi. Oliv sariak mawh rimthâw mawh a telh ding asi loh, fâng thil ap asi lo le, sual thil ap asi ruangah.

LEVITICUS 5:12

Bâwlpu sinah a hawng put lai le anih nih zapei khat LALPA sinah zeizawng ap ver asi ti theihnâk ding hen eiphung thil ap mi hâwi hen mâichâm tlûnah a duah lai. Chu chu sual thiangnâk thil ap asi.

LEVITICUS 6:15

Sangvut zapei khat leh sariak rimthâw a lâk lai le, LALPA sinah ap ver mi ti theihnak ding hen mâichâm tlûnah a duah lai. Chu thil ap rim nih chun LALPA a lawmhtir asi.

NUMBER 5:18

Nunau sam chu a samh tir lai le, a kut ah ap mi sangvut chu a puttir lai. Bâwlpu nih siat tlungtirtu tî khâ khêng chu a put lai.

NUMBER 5:26

Churawhchun, thil ap zapei khat a lâk lai le, mâichâm tlûnah a duah lai. A dawnghnâk ah chu tî chu nunau rangah a dintir lai.

THILTI 10:4

Chun, Kornelia nih chun anih chu a zauh ko le, a ṭih, “Pu, zei mesi?” a ti. Chun, anih nih chun a sinah, “Na thlachamnâk leh na thilthawt pêk tla kha ka theihkumza ding hen Pathian mâika ah a tlung rawh.