LEVITICUS 2:11 - Bawm Common Language Bible Version

¹¹ LALPA sinah fâng ap mi rêng chu thilnu telh ding asi lo. LALPA sinah eiphung ap mi rêng chu thilnu mawh khuaitizû mawh mang ding asi lo.

LEVITICUS 2:11 ပူးပေါင်းရင်းမြစ်များ

EXODUS 23:18

“Ran hen ka sinah bâwlnâk nan hawng pêk tikah thilnu telh mi sang nan mang ding asi lo. Ka sinah nanna bâwlnâk ran thâu chu hi kût sungah a thâituan tiang hen nan siah ding asi lo.

EXODUS 29:25

Chun, an sinah thawk hen thil an hawng ap mi chu lâk le, bâwlnâk mâichâm tlûnah ka sinah eiphung apnâk hâwi hen mâichâm tlûnah duah. Chu thil ap rim nih chun hawng ka lawmhtir asi.

EXODUS 34:25

“Bâwlnâk ran ka sinah nan hawng ap liauah thilnu telh mi sang nan hawng ap ding asi lo. Kalkanh Kût ah nan thah mi ran chu a thâituan tiang nan siah ding asi lo.

THUFING LASUIBU 24:13

Ka fapa, khuaitizû din rawh; a ṭha asi. Khuai thlâr lakah mi khuaizû na kâ ah a hawng luang mi hâwi hen,

THUFING LASUIBU 25:16

Khuaitizû a leiluat hen din lah le; na ei tam tuk chun na luak lai.

THUFING LASUIBU 25:27

Khuaitizû din tam tuk a ṭha lêm lo le, chu hâwi hen sawr lawh ding tum tuktarâi mi chu chu hâwi asi.

LEVITICUS 1:13

A sungril leh a kê chu a ṭâwl lai le, bâwlpu nih mâichâm tlûnah bâwlnâk LALPA sinah ap hen a duah hep lai. Chu eiphung ap mi rim nih LALPA chu a lawmhtir asi.

LEVITICUS 6:10

Churawhchun, bâwlpu nih puan mangṭhia â aih mi leh kekawr â ruk lai le, mâichâm tlûnah mi vachâm tla chu maichâm sîrah a siah ding asi.

MATHAI 16:6

Chun, Jisu nih an sinah, “Farisai tla leh Sadukai tla thilnu lakah chun a vêng ule, a thiamthih u,” a ti.

MARK 8:15

Chun, anih nih chun an sinah, “Farisai tla leh Herod thilnu lakah chun a vêng ule, a thiamthih u,” a ti thlir.

LUK 12:1

Chu liauah, mi zapi tam tak lamh chukmâk rê hen an hawng a pûm rawh chun, Jisu nih a masa chem hen a ṭhiruai tla sinah, “Farisai tla thilnu perpetnâk lakah chun a thiamthih u.

LUK 21:34

“Sikhawmsele, a thiamthih u, chu lo chun ei khawp tuktarâi hen, zû rî hen, dam sung khawsat dawn hen nan thinlung a khat sual lai. Chu ni ah chun thang awh hâwi hen lâkkhatko ah nan tlûnah a hawng tlung khup lai.

THILTI 14:22

“Hamhnâk tam tak tuar hen Pathian Ram ah kan lût ding rerêng asi,” ti hen ṭhiruai tla thinlung an birhtir le, lungnâk ah chun um kumza ding hen an fawrh vima na.

GALATIA 5:9

Thilnu tâwmtê nih sang tlang chu a pum hen a zunh tâwn.

1 PETER 4:2

Churawhchun, tu thawk hen chun minung duh dân silo hen, taksa ah nan um kar zawng chu Pathian duhzia hen nan um ding asi.