LEVITICUS 2:1 - Bawm Common Language Bible Version

¹ Mi nih LALPA sinah fâng a ap chun, sangvut ah a rial masa ding asi. Oliv sariak leh rimthâw a telh lai le,

LEVITICUS 2:1 ပူးပေါင်းရင်းမြစ်များ

EXODUS 29:2

Sangvut a ṭha chem mi mang le, thilnu telh lo mi, oliv sariak hen sang siam le, a zeimaw mi chu sariak tel lo mi, a zeimaw mi sariak buaih mi sang siam rawh.

ISAI 43:23

Na dawrâ duahphung thil ap khawm na hawng ka put piak lo rawh; bâwlnâk hen khawm na ka zahnâk na langh lo rawh. Thil ap ngiar hen thilrit ka nan pêk lo, rimthâw ngiar hen nengtawr kan kâitir lo.

ISAI 66:20

Chubang phun tla thawk hen nan ram mi minung tla ka rangah thilpêk hâwi hen an hawng kîrpi lai. Ka tlâng thenhlimh Jerusalem ah rang tlûnah leh sanatung tlûnah to hen sangâwngsâu tla leh rang kari leh chawpê kari tla hen Israel tla nih fâng thil ap Biakin ah a siahnâk thenhlimh ah an hawng put mi hâwi hen an hawng put na lai.

EZEKIEL 46:20

Chu kardang tla thlanglei kâng sîr mun chu a khît le, “Hi mun hi bâwlpu tla nih sual bâwlnâk ah ap mi leh rulhnawlhnâk thil ap lakah mi sa an suangnâk leh ap mi sangvut emnâk asi, lênglei ah mi zapi rangah nganfâk tawng ding hen thil thenhlimh kulh lênglei ah suakpi asi lonâk ding hen,” a ti.

JOEL 1:9

Biakin ah ap ding mi fâng mawh uain mawh khawm a um lo rawh. LALPA rangah ap ding an nei lo rawh ruangah bâwlpu tla khawm an lung a fâk.

JOEL 2:14

LALPA nan Pathian nih a thinlung a lêt lai le, fâng tam tak hen mal an sâwm na lai dahmawh. Churawhchun, fâng leh uain tla a sinah nan ap kho lai.

LEVITICUS 14:10

A ni riat ni ah dawrâ fa a mipa panih leh a nunau pakhat kum khat fa simsâwinâk umlo mi a hawng put lai le, sangvut oliv sariak telh mi kilogramme thum leh oliv sariak litre mun thum ṭhen hen munkhat a hawng put lai.

LEVITICUS 24:7

Tlar kip ah rimthâw telh le, LALPA sinah eiphung thil ap sang ruangrûl ah siding hen.

LEVITICUS 5:11

Mi nih vaṭhu panih mawh lâilêng panih mawh a nei lo chun, sangvut kilogramme khat sual thil ap rangah a ap ding asi. Oliv sariak mawh rimthâw mawh a telh ding asi loh, fâng thil ap asi lo le, sual thil ap asi ruangah.

LEVITICUS 6:7

Bâwlpu nih chu minung sualnâk rang ding ah bâwlnâk a ap lai le, ngaihdam asi lai rawh.

LEVITICUS 9:17

Fâng ap mi chu a pêk le, zapei khat sangvut a lâk le, mâichâm tlûnah a duah. (Nisiar hen duahphung thil ap lakah sap mi asi.)

LEVITICUS 9:4

chawchal leh dawrâ chal chu kawmhnâk thil ap rang ding ah hawng put ding hen simh na. LALPA sinah bâwlnâk chu fâng ap mi sariak hen chawmh mi an ap ding asi. Tusûn ah an sinah LALPA a hawng a langh awt ruangah hi hi an ti ding asi,” a ti.

MALAKI 1:11

Laikulh khatlei dawmh thawk hen a dawng tiang khawm nih an hawng ka zah. Mun kip ah rimthâw tla an duah le, ka sinah bâwlnâk pawmtlâk an hawng ap, chu zawng nih chun an hawng ka zah asi!

NUMBER 18:9

Thil thenhlimh ap hen mâichâm ah duah lo mi vial chu nan tâ asi: fâng thil ap, sual thil ap leh rulhnâk thil ap tla hi. Thil thenhlimh ka sinah pêk mi zawzawng chu nang leh na fapa tla tâ asi.

NUMBER 28:5

fâng ap mi kip ah sangvut kilogramme khat, oliv sariak a ṭha chem mi litre khat hen chawmh mi ap ding asi.

NUMBER 29:18

A ni khat ni rangah thil ap ding mi dang a herh mi zawzawng ap sih u.

NUMBER 8:8

Churawhchun, chawchal pakhat leh sangvut thil ap oliv sariak hen chawmh mi put ding asi; nangnih chawchal dang sual thil ap rangah na put ding asi.

JOHAN 6:35

Chun, Jisu nih an sinah, “Kei hi nungnâk sang chu kasi, âuzawng ka sinah a hawng kal mi chu a sungvâng lai loh, âuzawng hawng ka zumhtu chu zeitik khawm ah a tîhâl lai loh.

1 JOHAN 2:20

Sikhawmsele, nannih lam chu Krist nih Thlarau Thenhlimh an tawih na ruangah, nan ektê hen thudik nan theih asi.

1 JOHAN 2:27

Nannih lam chu Jisu Krist nih a Thlarau an pêk na le, chu Thlarau nan sinah a um kar zawng chu âu sîntir khawm nan herh lo. Thlarau nih chun zeizawng an sîntir na ruangah leh a sim mi vial chu thudik asi ruangah âwkrâwl asi lo. Thlarau sîntirnâk chu zûl ule, Krist lakah um u.

JUD 1:20

Sikhawmsele, ka unau duhtak le tla, nan lungnâk thenhlimh ah chun mah leh mah a dirh hen um ule, Thlarau Thenhlimh thiltikhonâk hen um u.

THUPHUANG 8:3

Chun, vânmifial dang a hawng le, ngûn rimthâw duahnâk bâwm put hen mâichâm kiangah a dîr. Chun, laltophah mâika ah ngûn mâichâm tlûnah mi thenhlimh zawzawng thlachamnâk tla sapsuannâk ding hen zeilo rimthâw tam tak a sinah an pêk.