Kei, LALPA nih Dinhni kan pêk na mi hi theihkumza u. Churuangah asi a ni ruk ni ah ni nih ei vo kan pêk kumza na awt mi chu. A ni sarih ni ah chun mikip mah um mun chiauah nan um hen nan in nan kaltâk ding asi lo,” a ti.
LALPA nih, “Dinhni chu thenhlimh tak hen na ulh hen chu ni ah nangmah duhkâng na ti lo hen; ka ni thenhlimh na sung-û tir hen na zah hen chu ni chu khualtlâwngnâk, rianṭuannâk ah mawh dâithlâng tak hen thuruatnâk ah na mang lo mi asi chun,
Nanmah Israel mi tla hâwi hen zauh na u, nanmah nanna dâwt mi hâwi hen dâwt na u. Aigupta ram ah nan um liauah ramdang mi nan si mi kha theihkumza u. Kei, LALPA nan Pathian kasi.
Ni ruk kar nan rianṭuannâk ding nan nei, sikhawmsele a ni sarih ni chu Dinhni asi ti theihkumza u. Chu ni ah chun rianṭuan lah ule, Pathian sawnh ding hen a pûm u. Dinhni chu LALPA tâ asi, zei mun tal ah um khawm ule mang vima u.
LALPA Zeizawng tikho nih bâwlpu tla sinah, “Fapa nih chun a pa a zah le, to-aw nih a hotu a zah. Kei nan pa kasi mi zei rangah nan ka zah lo zia? Nan hotu kasi mi, zei rangah nan hawng ka zah lo? Nan hawng ka zauhnawmh le, ‘Zei hâwi hen kan zauhnawmh lai,’ ti hen nanna deih.
“ ‘Kei, LALPA nan Pathian nih thu kan pêk na mi hâwi hen nan nu leh nan pa tla zah na ule, thil zeizawng tluang tak hen a kal lai le, kan pêk na mi ram ah sâwt tak hen nan um kho lai.
Taksa leiah pa tla nih nun hawng kan simh le, chubang tla chu kan zah na; chu ngâk fâk dauh hen, kan nungnâk ding hen thlarau lei Pa thu thu hen kan um awtlo ma?