“Zungzâl thudântuk hâwi hen na sinah leh na thlâk tla hi nûnah um ding mi sinah ka thutiam chu ka theihkumza lai. Na Pathian kasi lai le, na thlâk tla Pathian khawm kasi lai.
Ka minung ah kan siam na lai le, Kei nan Pathian kasi lai. Aigupta sal nan si mi ka nan suah na tikah chun, Kei, LALPA nan Pathian kasi mi nan ka theih lai rawh.
Thu ka sim mi simh na. Israel ka thîm liauah thu ka tiamh na. Aigupta ah keimah ngelchel an sinah ka langh le, kei, LALPA nan Pathian kasi ti hen ka simh na.
LALPA nih, “Ka thupêk tla hi ngâi ule, nanmah lânah um mi minung umdân châwng lah ule, chubang hâwi thil ti hen khawm a nawmtir lah u. Kei, LALPA nan Pathian kasi,” a ti.
Nan grep dûm ah a rah kawih ding nan va kal chun, nan relh mi mawh a tlâ mi mawh va sar ding hen kîr lah u; mi ngâkṭah leh ramdang mi tla rangah mâk u. Kei, LALPA nan Pathian chu kasi.
Nanmah Israel mi tla hâwi hen zauh na u, nanmah nanna dâwt mi hâwi hen dâwt na u. Aigupta ram ah nan um liauah ramdang mi nan si mi kha theihkumza u. Kei, LALPA nan Pathian kasi.
