LEVITICUS 17:5 - Bawm Common Language Bible Version

⁵ Hi thupêk umzia chu Israel mi tla nih LALPA sinah ran an pêk mi chu mun dangah khawm thah hen an mang tinâk asi. Tu chun Puanin ah bâwlpu sinah an hawngpi hen kawmhnâk thil ap rangah thah ding asi.

LEVITICUS 17:5 ပူးပေါင်းရင်းမြစ်များ

GENESIS 21:33

Chun, Abraham nih Bersheba ah Tamarik thing a phun le, LALPA, Zungzâl Pathian chu a sawnh.

GENESIS 22:13

Abraham nih a kiangkam a zauh le, dawrâ chal, bua nih a ki a awh le, a tâng mi a muh. A va kal le, a tleih le, a fapa ruangrûl ah bâwlnâk ah a mang rawh.

GENESIS 22:2

Pathian nih, “Na fapa, na neihlem mi Isak, na dâwt thlo mi kha, put le, Moriah ram ah kal rawh. Chu ram mi tlâng kan muhtir ding mi ah chun bâwlnâk ah ka sinah hawng ap,” a ti.

GENESIS 31:54

Chu tlâng tlûnah bâwlnâk ding hen ran a thah mi sa chu a mi tla rangah ei ding hen a sâwm na. An ei thluh rawh chun, chu tlângah chun zân khat an riak.

1 Lal 14:23

pathian diklo sawnhnâk mun tla an siam le, tlâng tlûnah mi thing dâidul ah Aserah lem tla lung hen an siam.

1 Lal 3:2

LALPA Biakin sak asi lo rih le, churuangah chun mi zapi tla nih mâichâm dang chereh ah bâwlnâk an ap.

1 Lal 3:3

Solomon nih LALPA chu a dâwt le, a pa sîntirnâk khawm a zûl, ran tla a thah le, mâichâm dang dangah bâwlnâk tla a ap.

2 Lal 16:4

Lunglotu tla ruk sawnhnâk mun tlâng tlûnah leh thing dâidul kip ah bâwlnâk leh rimthâw Ahaz nih a ap hen a duah.

2 Lal 17:10

Tlâng tlûn leh thing dâidul kip ah pathiannu Aserah lem lungphun an phun le,

2 CHRONICLES 28:4

Lunglotu pathian sawnhnâk mun, tlângah leh thing dâidul tangah Ahaz nih rimthâw duah hen bâwlnâk a ap.

EXODUS 24:5

Churawhchun, tlangvâl tla a fial na le, LALPA hen kawmhnâk ding ah ran hen bâwlnâk duah mi an ap.

EZEKIEL 20:28

Pêk ding hen ka tiamh na mi ram ah ka kalpi na. Tlâng sâng tla leh thing ring tla an muh rawh chun chu lakah bâwlnâk an ap. Bâwlnâk an duah mi leh uain an ap mi hen ka thin an ka thawktir.

EZEKIEL 22:9

Na mi tla zeimaw mi nih mi dang thu ah thah na ding hen âwkrâwl thu an sim. A zeimaw mi nih milem sinah ap mi bâwlnâk an ei. A zeimaw mi an thilduh lakah an lungâwi kumza.

EZEKIEL 43:27

Chu zarhkar chu a lîm rawh chun bâwlpu tla nih, duahphung thil ap zapi kawmhnâk thil ap anna dawmh ding asi. Churawhchun, nan ektê tlûnah ka lâwm lai rawh. Kei, LALPA Zahkâi nih ka sim asi,” a ti.

EZEKIEL 44:15

LALPA Zahkâi nih, “Israel lakah mi tla nih an ka kaltâk liauah Levi chi Zadok thlâk ah mi bâwlpu tla nih Biakin ah zumhkâi tak hen ka rian an ṭuan vima. Churuangah tuah annih tla chu ka rianṭuantu leh ka mâika ah bâwlnâk thâu leh thisen ka sinah aptu ding an si.

LEVITICUS 17:6

Bâwlpu nih a thî chu LALPA Puanin mâika ah mi mâichâm sîr tla a theh lai le, a thâu a duah lai, a rim nih LALPA a lawmhtir ding hen.

DEUTERONOMY 12:2

Nan luah ding mi ram ah chun thupêk tla chu zûl hen, chunah um mi tla nih an sawnh mi pathian tlâng sâng leh tlâng tlûnah tla, thing ring tang tla ah an pathian sawnhnâk mun chu râwk ver u.