LEVITICUS 14:4 - Bawm Common Language Bible Version

⁴ bâwlpu sinah thenhnâk ding hen vâ panih, sidar thing ṭeng, samul lasen leh husop ṭeng hen an put ding asi.

LEVITICUS 14:4 ပူးပေါင်းရင်းမြစ်များ

SAM 51:7

Ka sual hi kiangtir ving le, ka thiang lai; hawng ka ṭâwl le, vûr ngâk hen ka vâr lai.

EXODUS 12:22

Husop ṭeng lâk ule, khêng lakah mi ran thî lakah nîm ule, nan in kawtkâ tung leh kawtkâ tlûnlei khawm nêk u, thâizîng tiang hen in sungah mi âukhawm nan suak ding asi lo.

LEVITICUS 1:14

Mi nih vâ duahphung thil ap ah a ap chun, vaṭhu mawh lâilêng mawh asi ding asi.

LEVITICUS 12:8

Nunau nih dawrâ put ding a tlinh kho lo chun, vaṭhu panih mawh lâilêng panih mawh duahphung thil ap rangah pakhat leh sual thil ap rang ding ah pakhat a put ding asi; bâwlpu nih dân hâwi hen a nâwm mi chu a thenhlimh ding hen a timhtuah lai le, dân hâwi hen a thiang lai rawh.

LEVITICUS 14:5

Bâwlpu nih vâ chu tî tleng mi tual khêng lakah a thah ding hen thu a pêk lai.

LEVITICUS 14:6

Vâ pakhat dang khawm a lâk lai le, sidar ṭeng, samul lasen leh husop hen vâ thah mi thî lakah mun khat hen a nîm ding asi.

LEVITICUS 5:7

Mi nih kêl mawh dawrâ mawh a ti kho lo chun a sual man pêk ding hen vaṭhu panih mawh lâilêng panih mawh LALPA sinah a pêk lai le, pakhat chu sual thil ap ah, pakhat chu duahphung thil ap rangah.

NUMBER 19:18

A masa chem hen a thiang mi pa nih husop ṭeng a lâk lai le, tî lakah a nîm lai le, puanin, a sungah mi thil tla leh chunah mi zapi um mi tla khawm a theh lai. A panihnâk chu, mi âumawh a thiang mi nih chu tî hen chun ruh tawnghtu leh ruak tawnghtu leh thlân tawnghtu chu a theh na lai.

NUMBER 19:6

Churawhchun, sidar, husop ṭeng leh lazâi sen a lâk lai le, mei ah a paih lai.

HEBRAI 9:19

Dân thu hâwi vima hen thupêk vial chu Mosi nih mi zawzawng a simh na nûnah, “Hi hi Pathian nih nan sinah a pêk thlir mi thudântuk thisen asi hi,” a ti. Chawfa leh kêl tla thisen chu tî hen, mul lasen hen, husawp hen a chawmh le, Dân lasuibu leh mi zawzawng khawm chu a theh na.