LEVITICUS 13:6 - Bawm Common Language Bible Version

⁶ Bâwlpu nih a ni sarihnâk ah a nik nawlh fâwn lai le, a mâ chu a ziam lei si hen a lâwn vima lo chun dân hâwi hen a thiang ti hen a phuang ding asi, mâ salam asi ruangah. Chu minung nih chun a nipuan tla chu a suk lai le, thiang asi lai rawh.

LEVITICUS 13:6 ပူးပေါင်းရင်းမြစ်များ

1 Lal 8:38

Na mi Israel tla lakah thinlung fâk taknâk nei hen hi Biakin lei hawi hen bân phar hen thla an hawng cham chun,

1 Lal 8:45

vân thawk hen ngâi piak na le, nehnâk pêk na.

SAM 19:12

Mah diklonâk tla chu âukhawm nih an muh kho lo. Aw Pathian, sual thup lakah mi chu ruang hawng ka suah!

THUFING LASUIBU 20:9

Mi âunih a sualnâk lakah mi ruangsuak hen a sia leh a ṭha a dik ti sim khotu um?

THUSIMTU 7:20

Tual tlûnah thil dik ti kumzatu leh palh dahlotu pakhat khawm a um lo.

ISAI 42:3

Lâiluang a pâwk mi chu a thlawngh lai lo, meichêu a mit didem mi khawm a mih lai lo. Mikip sinah lâirêlnâk dik um kumza ding mi a tlungtir lai.

LEVITICUS 11:40

Mi nih a sa a ei asi chun a puan a suk lai le, zânlei tiang thianglo ah ngaih asi lai. A ruak puttu chu a nipuan a suk lai le, amah chu nî tlâk thianglo ah ngaih asi lai.

LEVITICUS 13:2

Mi âuzawng nih a vun a mâ chun mawh, khuailumâ mawh, mei mâ mawh ṭihnungkâi asi chun Aron thlâk bâwlpu sinah an kalpi ding asi.

LEVITICUS 13:5

Bâwlpu nih a ni sarih ni ah a nik nawlh lai le, a mâ chu a mahmuntê asi hen a lâwn lo chun ni sarih dang a siah nawlh fâwn ding asi.

LEVITICUS 13:7

Sikhawmsele bâwlpu nih a nik hen a thiang a ti nûnah mâ chu a lâwn vima chun, bâwlpu sinah â langh nawlh ding asi.

LEVITICUS 14:8

Chu minung pa nih a puan a suk hen a mul tla a mêt hen tak â khawlh lai le, chu tikah a thiang mi asi lai rawh. Riakmun ah a lût kho lai rawh, sikhawmsele, ni sarih kar chu a puanin lênglei ah a um rih ding asi.

ROM 14:1

Chun, lungnâk ah chak lo mi chu a zumhmaihnâk tla simsâwi lo hen lawmh u.

2 KORIN 7:1

Chun, duhtak le tla, chubang thutiam chu kan nei ruangah taksa leh thlarau nâwmnâk zawzawng lakah kanna thiangtir lai, Pathian ṭih bû hen thenhlimhnâk rangtlingtir hen.

DEUTERONOMY 32:5

Sikhawmsele, nannih lam chu a mi siding hen zumh nan kâilo hen nan tlâklo. Phun sual tak leh perpet mang nan si.

HEBRAI 10:22

Kan thinlung ah sia leh ṭha theihnâk sual thiang rawh hen, kan taksa tla tî fîm lakah ṭâwl hen lungnâk rangtling nei hen, thinlung tak put hen Pathian kan naih lai.

HEBRAI 9:10

Chubang chu ei ding tla, din ding tla, ṭâwl ding dang dang hen Pathian nih thil zeizawng a siam nawlh lân karah lênglei dân rang cho ah mang an si.

JEM 3:2

Kan ektê hen kan sual tâwn. Mi, a thusim ah palh dahlo mi chu mi rangtling asi, a taksa pum khawm vêng kho mi asi.