LEVITICUS 10:3 - Bawm Common Language Bible Version

³ Churawhchun, Mosi nih Aron sinah, “Hi hi asi LALPA nih âuzawng ka rianṭuantu nih chun ka thenhlimhnâk hi an zah ding asi, ka mi le sinah ka rokualnâk ka langh lai a ti liauah a sim mi chu,” a ti. Sikhawmsele Aron chu a dâisip.

LEVITICUS 10:3 ပူးပေါင်းရင်းမြစ်များ

GENESIS 18:25

Sual nei lo mi chu sual nei mi hen bang cho hen na thah rîlmâl lai lo. Chu chu ti kho asi lo! Na thah duh rerêng lai lo. Na hei ti bâk chun, sual nei lo mi chu sual nei mi tla hen munkhat hen rêp an si awt, chu hâwi chu ti kho asi lo. Tual tlûn zawzawngah lâirêltu nih rep tak hen ti ding asi ruangah,” a ti.

JOB LASUIBU 2:10

Job nih a sâng le, “Nang hi zeikhawm theihlo pet hen thu na sim,” a ti. Pathian nih zei thil ṭha mawh hawng kan pêk chun kan a lâwm, thil sia a hawng tlung liauah kan simsiat kho lai mazei? Hi bang zawng tuar khawmsele Job nih Pathian a simsiat lo thlo.

SAM 119:120

Nangmah ka nan ṭih; na lâirêlnâk ruangah lâunâk hen ka khat.

SAM 148:14

A phun thîm tla chu chak tak hen a siam na le, a dâwt na mi, a mi Israel tla zawzawng nih amah chu an sawrnâk ding hen. LALPA chu sawr u!

SAM 39:10

Hawng ka rêp lah rawh! Na ka vuaknâk ah ka thi lebang lai.

SAM 39:9

Zei thu khawm ka sim awtlo, ka dâisip awt, hi hâwi hawng ka tuartirtu chu nangmah dangâi na si ah.

SAM 46:10

“Nanna tuknâk bâng ule, Pathian kasi mi hi theih u, laikulh leh phun zawzawng lâirêltu kasi ti theih u,” a ti.

SAM 89:7

Mi thenhlimh lâirêlnâk ah chun zah na kâi le; nangmah zah hen an ektê hen an dîr.

SAM 93:5

LALPA, na dân chu zungzâl rang ding asi, na Biakin chu zungzâl zungzâl rangah thenhlimh tak asi.

EXODUS 14:17

Aigupta mi tla chu an lung ka khungtir na lai le, ka ṭhâwl tir vima na lai, lalchem leh a kawrsen tla, a kari leh a khalhtu tla ka nehnâk chu keimah thangṭhatnâk ding asi.

EXODUS 14:4

a thinlung ka khungtir lai le, an ṭhâwl na lai, lalchem leh a kawrsen tla neh hen an um mi chu kei rangah chawnglawmhnâk asi lai, chu tikah Aigupta mi tla nih Kei LALPA kasi ti an theih lai,” a ti. Israel tla nih a sim mi hâwi hen an ti rawh.

EXODUS 19:22

Bâwlpu tla hawng ka naihtu khawm anna thianh ding asi, chu hâwi asi lo chun ka rêp na awt,” a ti.

EXODUS 19:24

LALPA nih a sâng le, “Va ṭum le, Aron kha na sinah hawng kîrpi. Bâwlpu tla leh zapi minung tla nih ka sinah hawng ding hen niri kanh lah na seh, chu lo chun rêp an tawng lai,” a ti.

EXODUS 30:30

Aron leh a fapa tla chu sariak thuh na le, ka rianṭuan ding hen bâwlpu ah birhtir na.

ISAI 39:8

Lalchem Hezekiah nih a damsung kar vial chu thlangamnâk a um awt ti a theih le, churawhchun a sâng le, “LALPA thawk hen thuchah na hawng ka put mi chu a ṭha asi,” a ti.

ISAI 49:3

Ka sinah, “Israel, ka to-aw na si; nangmah ruangah mi nih an ka sawr lai,” hawng ka ti.

ISAI 52:11

Nannih Babulon kaltâktu tla, Biakin thuamthil zawzawng puttu tla, theih u! Khap mi thil tham lah ule; thenhlimh tak hen um ule, suak u.

EZEKIEL 20:41

Nanna rekrâwinâk ram ah mi ka nan suah na hen munkhat hen ka nan pumh na tikah chun, bâwlnâk nan duah mi tla chu ka pawm lai le, phun tla nih mi thenhlimh kasi zia an muh lai rawh.

EZEKIEL 28:22

Kei, LALPA Zahkâi nih an thu ka sim mi chu simh na: Sidon, na mêlma kasi; na lakah thil ka ti mi ruangah mi nih an hawng ka sawr lai. Na lakah um mi tla rêpnâk hen ka thenhlimh zia ka langh tikah kei, LALPA kasi zia an theih lai.

EZEKIEL 38:16

Ram kanh dak hen ka mi Israel tla chu thlipi hâwi hen na do na lai. Chu chu a tlung tikah phun tla chu âu kasi ti theih ding leh nangmah mang hen ka thenhlimhnâk muhtir ding hen ka ram rûn ding hen ka nan fial awt.

EZEKIEL 40:46

marlei hawi hen a um mi kardang chu mâichâm ah rianṭuantu bâwlpu tla rang asi ti hawng ka simh. Bâwlpu zawzawng tla chu Zadok thlâk an si le; annih tla chu Levi phun lakah mi an si le, anmah tla lâwng LALPA mâika ah a rianṭuan ding hen kal siang an si.

EZEKIEL 42:13

Chu minung nih ka sinah, “Hi in tla hi a thenhlimh vevê. Chu sungah bâwlpu LALPA mâika ah va lûttu tlâ nih thil ap thenhlimh chem tla an ei. Chu kardang tla chu a thenhlimh ruangah bâwlpu tla nih thil ap thenhlimh chem, sangvut leh sualnâk ruangah bâwlnâk thil ap mawh, rulhnawlhnâk thil ap an ap lai.

LEVITICUS 21:15

Chu hâwi lo chun a fa le tla chu thenhlimh ding mi an si ruangah dân ah thianglo an si sual lai. Kei, LALPA nih a dang ê hen thlei hen Bâwlpu Lalchem ah ka ruat mi asi,” a ti.

LEVITICUS 21:17

Aron sinah thusim ding hen thu a pêk le, “Na thlâk tla âukhawm taksa leiah sâwinâk um mi nih ka sinah eiphung thil ap an hawng pêk ding asi lo. Hi hi zeiliau zawng rang ding asi.

LEVITICUS 21:21

Aron bâwlpu thlâk taksa ah sâwinâk um mi khawm nih ka sinah eiphung thil ap an hawng ka pêk kho lai lo.

LEVITICUS 21:6

 thenhlimhtir ding asi, ka min a mualphoh ding asi lo. Ka sinah eiphung thil ap hen â thenhlimhtir ding asi.

LEVITICUS 21:8

Mi nih bâwlpu chu mi thenhlimh ah a ruat ding asi, ka sinah eiphung thil ap aptu asi ruangah. Kei, LALPA kasi; ka thenhlimh le, ka minung tla khawm ka thenhlimh tir na.

LEVITICUS 22:9

“Bâwlpu zawzawng nih dân ka pêk mi tla chu an zûl ding asi. An zûl lo chun sual hen an thi lai, dân thenhlimh chu an zûl lo ruangah. Kei, LALPA anmah thenhlimh tirtu chu kasi.

LEVITICUS 8:35

Ni sarih kar chu LALPA Puanin tualmâi ah a sûn a zân hen nan um lai le, LALPA nih thu an pêk na mi chu nan ti lai. Nan tilo chun nan thi lai. Chu chu LALPA nih thu hawng ka pêk mi asi,” a ti.

NUMBER 16:5

Korah leh a murui tla sinah, “Thâizîng ah LALPA nih a tâ ding mi chu âu asi awt a hawng langh lai; amah tâ ding mi tak chu a hawng ruat lai, chu minung tak chu a mâichâm ah rianṭuantu ding ah a thîm mi chu asi lai.

NUMBER 20:12

Sikhawmsele LALPA nih Mosi leh Aron rangah fâk tak hen a fâi na. “Ka thiltikhonâk thenhlimh Israel mi tla mâika ah langhtir ding hen lungnâk nan nei tâwk lo ruangah, pêk ding hen ram ka tiamh na mi ram ah nan lûtpi kho na lai loh,” a ti.

MATHAI 10:37

“Âuzawng a nu mawh a pa mawh keimah ngâk hen dâwt dauhtu chu ka mi si tlâk asi lo. Âuzawng a fanu mawh a fapa mawh keimah ngâk hen dâwt dauhtu khawm chu ka mi si tlâk asi lo.

JOHAN 12:28

Pa, na min chawnglawmh rawh,” a ti. Chuvachun, vân thawk hen aw-hâu a hawng suak le, “Ka chawnglawmh rawh, ka chawnglawmh nawlh lai,” a ti.

JOHAN 14:13

Chun, ka min hen zeizawng nan deih mi vial chu ka ti vima lai, Pa Fapa ruangah chawnglawmh hen a um khonâk ding hen.

DEUTERONOMY 32:51

Israel mi zapi tla mâika ah nan panih hen ka lakah zumh nan kâilo vevê ruangah. Zin ramkaro, Kades khua kiangah mi zapi mâika ah Meribah tiva ah nan ka chawnglawmh lo ruangah.

1 PETER 4:17

Lâirêlnâk dawmh ding hen tik chu a hawng tlung rawh, chun Pathian mi tla chu lâirêl piak masa ding asi. Kanmah lakah â dawmh chun Pathian thawk hen Thâwngthâng Ṭha lunglotu tla dawnghnâk chu zei hâwi dek asi lai?

1 SAMUEL 2:30

Kei, LALPA, Israel Pathian nih a lân thawk hen na dâwngsung tla leh na thlâk tla nih chun zeiliau zawng ah bâwlpu rian ka lakah an ṭuan lai ti hen kan tiamh rawh mi asi. Sikhawmsele, tuah chu chu ka ti awtlo rawh ti ka sim asi! Chu hâwi ngangâk hen keimah zahtu chu ka zah bâk lai le, keimah zauhnawmhtu chu ka zauhnawmh bâk awt.

1 SAMUEL 3:18

Churawhchun, thil zawzawng a simh hep, zeitê khawm a pheh loh. Eli nih, “LALPA asi mi chu, ṭha hen a ruat mi zawng a ti lai ta a!” a ti.

1 SAMUEL 6:20

Churawhchun, Beth Semes mi tla nih chun, “LALPA, Pathian thenhlimh mâika ah âu a dîr kho lai? Kan lakah mi ṭhial ding hen zei leiah kan kaltir lai rawh,” an ti.