LÂIRÊL 7:2 - Bawm Common Language Bible Version

² LALPA nih Gideon sinah, “Midian tla neh na ding hen ka rangah na minung put a tam tuk. Anmah nih neh hen anna ruat lai le, ka thang an ṭhattir lai loh.

LÂIRÊL 7:2 ပူးပေါင်းရင်းမြစ်များ

GENESIS 46:2

Pathian chu zân ah a sinah â langh le, “Jakob, Jokob!” ti hen a auh. “Hinah ka um,” ti hen a sâng.

2 CHRONICLES 14:11

Asa nih LALPA a Pathian sinah thla a cham, “LALPA, kawrsen chak lo tak chu thiltikho tak ding hen na ṭangpi kho. Nangmah rinhsanh hen na min hen kawrsen tam tak do ding hen hawng mi kan si ruangah tuah hawng kan ṭangpi rawh. LALPA nang chu kan Pathian na si, nang neh ding hen âukhawm anna ruat lai loh,” a ti.

ISAI 10:13

Asiria lal lianchem nih, “Keimah ngelchel nih chubang chu ka ti rawh. Kei chu mi chak leh mifing leh mi fâifîm kasi. Phun tla karah ramri tla ka râwk le, an neih an siah an pumh mi tla chu ka lâk piak na. Chunah um mi tla chu chawchal hâwi hen ka lamhbêk na.

ISAI 2:11

Minung khâwngnâk dawnghnâk, minung zûmnâk veihnâk a hawng tlung awt. Churawhchun, LALPA amah cho chu chungnungtir hen a um lai.

ISAI 2:17

Minung khâwngnâk tla chu a dawng lai le, minung zumhnâk tla chu veih asi lai rawh. Milem tla chu veih phin asi lai le, LALPA amah cho chu, chu ni ah chungnungtir hen a um lai.

JEREMIA 9:23

LALPA nih, “Mifing khawm an finghnâk zumh lah seh, mi chak tla khawm nih an chaknâk zumh lah seh, minei khawm nih an neihnâk zumh lah seh.

EZEKIEL 28:17

Na mêl ṭhatnâk chu zûm phahnâk ah na mang le, na minthangnâk nih mi â hâwi hen a nan tuah. Hi ruangah tual ah ka nan lawnh hen lalchem dang tla theihthiam ding hen ka nan kaltâk asi.

EZEKIEL 28:2

“Thikho mi minung, kei, LALPA Zahkâi nih thu ka sim mi hi Tura lâirêltu rangah simh: Zûm tak hen Pathian ah na ruat. Tipi lâi ah Pathian hâwi hen laltophah ah to hen na sim. Pathian hâwi hen na siam le, sikhawmsele na si lo zia chu Pathian silo hen thikho mi minung na si.

DANIAL 4:30

“Babulon hi a rokual châwk a! Ka thiltikhonâk leh ka chaknâk, ka rokualnâk leh ka lalnâk a langnâk ding hen ka khuapi rangah ka siam mi asi,” a ti.

HABAKUK 1:16

An lên tla chu an sawnh le, bâwlnâk an ap. An lên tla nih thil ṭha chem a pêk na ruangah.

ZEKARIA 12:7

“A masa chem hen kei, LALPA nih Juda kawrsen tla sinah nehnâk ka pêk lai le, David thlâk leh Jerusalem ah um mi tla nih rokualnâk anna ting ding mi chu Juda mi tla ngâk hen a rokual lai lo.

ZEKARIA 4:6

Chu vânmifial nih chun Zerubabel sinah Lalpa thu va sim ding hen hawng ka simh: “Kawrsen chaknâk leh nangmah chaknâk chu silo hen, keimah thlarau chaknâk hen asi dauh lai.

NUMBER 31:4

Israel phun kip thawk hen sâng khat vima hen râltuk ding hen fial na u,” a ti.

ROM 11:18

A zûm khawm le, nang a ram châwmtu na si lo le, a ram chu a nan châwmtu asi dauh.

ROM 3:27

Nan putsonâk chu zeiah me a um le? Zeikhawm silo! Zei ruangah ne? Mi nih Dân a zâwt ruangah ma? Si lo e; lungnâk ruangah asi dauh.

2 KORIN 4:7

Sikhawmsele, thiltikhonâk fâk zia chu kanmah sinah mi silo hen Pathian tâ asi dauh khonâk ding hen chu ro chu tualbêl tla ah kan kil asi.

EPHESI 2:9

Thil ṭha ti rang ding ah Krist Jisu ah chun siam a um hen amah kut suak kan si le,

DEUTERONOMY 32:27

Sikhawmsele, ka mi tla an neh na ruangah an mêlma tla chu an lakah putso hen ka umtir na awtlo. Keimah nih ka râwk na mi an si ruangah.’

DEUTERONOMY 8:17

Churawhchun, nanmah thiltikhonâk leh chaknâk hen neih-le-siah hen um ah nanna ruat lonâk ding hen.

DEUTERONOMY 8:18

Nei ding hen thiltikhonâk a nan pêk natu chu LALPA nan Pathian asi ti theihkumza u. A nan thlâk natu sinah thu a tiamh mi lakah tusûn ni tiang hen zumh a kâi ruangah hi hi a ti mi asi.

JEM 4:6

Sikhawmsele, zângfahnâk tam khun Pathian nih a pêk tâwn, churuangah Pathian lasui thu nih, “Pathian nih mi â zûm mi tla a do le, â nâutir mi chu zângfahnâk a pêk,” a ti asi.

1 SAMUEL 14:6

Jonathan nih tlangvâl sinah, “Khinah varâl lei Philistia lunglo tla umnâk ah kan va kal lai. Pathian nih hawng kan ṭangpi lai ba a; hawng kan ṭangpi mi asi chun, nehnâk hawng kan pêk ding mi chu zeikhawm a kham kho lai loh, kan tawm ruangah zeikhawm pawinâk a um lo,” a ti.