LÂIRÊL 17:4 - Bawm Common Language Bible Version

⁴ Churawhchun, tangka chu a nu sinah a khirh nawlh lîlâ rawh. A nu nih tangka zanih chu a lâk le, tangka dêngtu sinah milem siamnâk ding hen a pêk na le, thing chu ker hen tangkasa hen an tuam. Mikah in ah an siah rawh.

LÂIRÊL 17:4 ပူးပေါင်းရင်းမြစ်များ

ISAI 30:22

Nan milem tla tangka hen nan luanh mi leh ngûn hen nan luanh mi chu nâwmtâm hâwi hen nan lawnh ving lai le, “Ka mitmuh ah um lah!” nan ti lai.

ISAI 44:13

Thing hen thil siamtu nih thing chu a tah. Châwk hen a ruamâm a rîn le, a siamnâk ruakhâu a nei mi hen a ker le, a in ah siah ding hen minung mêl dawh tak put hen a tuah.

HABAKUK 2:18

Milem hi zei rangah mang asi? Minung nih thil zeimawh an siam mi cho asi le, âwkrâwl cho lo chu zeikhawm an simh loh. Hawlh kho lo mi pathian nih a siamtu rangah zei thil ṭha me zumhkâi ding hen a ti piak?

DEUTERONOMY 27:15

“Pathian siat chu lung hen mawh, thing hen mawh thîr hen mawh milem siam hen a thup hen sâwnhtu tlûnah tlung seh; LALPA nih milem sawnh chu a hua asi,’ an ti lai. “Mi zapi zawzawng nih ‘Amen!’ ti hen an sâng lai.

LÂIRÊL 17:3

A nu sinah tangka chu a khirh le, churawhchun a nu nih, “Ka fapa tlûnah siat chu tlung lo ding hen keimah tak nih LALPA sinah bir tak hen tangka chu ka ap asi. Thing hen milem tuah mi tangka hen tuamnâk ding ah mang asi lai. Churuangah tuah tangka chu kan khirh nawlh ko lai,” a ti.

LÂIRÊL 17:5

Chu Mikah nih chun pathian sawnhnâk mun amah ta ê a nei. Ephod leh milem tla a siam le, a fapa tla lakah pakhat chu bâwlpu ah a siam.

LÂIRÊL 18:17

Chu zauh thlingthlâktu panga chu in ah an va kal phêt le, tangka hen tuam mi thing milem leh milem dang tla leh ephod chu bâwlpu kulh kawtkâ kiangah kawrsen zaruk sinah a um karah chun an lâk rawh.