JOSUA 9:9 - Bawm Common Language Bible Version

⁹ Churawhchun, hi thu hi an simh, “Ram lât tak thawk hen hawng mi kan si Pu, LALPA na Pathian thâwngthâng kan theih ruangah hawng mi kan si. Aigupta ram ah a thilti tla kan theih le,

JOSUA 9:9 ပူးပေါင်းရင်းမြစ်များ

1 Lal 8:41

“Ramdang mi minung, ram lât takah um mi minung nih na minthang zia leh na mi tla rangah thil rokual na ti mi an theih hen nangmah sawnh ding hen hi Biakin ah an hawng chun,

NEHEMIAH 9:5

Hi bang Levi tla rang hin Pathian sawnh ding hen an kawh na: Jeshua, Kadmiel, Bani, Hasabneiah, Serebiah, Hodiah, Sebaniah leh Pethahiah tla hi. Annih nih chun, “Dîr ule, LALPA nan Pathian sawr u; zungzâl zungzâl hen sawr u! Mikip nih a min rokual sawr na seh, minung sawrnâk ko chu tâwk lah menza khawmsele,” an ti.

SAM 148:13

LALPA min chu âuzawng nih sawr seh! Midang zawzawng ngâk hen a min chu a rokual le, a rokualnâk chu tual leh vân tlûnlei ah a um.

SAM 72:19

A min rokual chu zungzâl hen sawr u, a rokualnâk nih tual zawzawng hi khattir seh. Amen! Amen!

SAM 78:12

An thlâktu tla nih an chawnh liauah Aigupta ram ah Zoan phâi ah Pathian nih thilchê a ti.

SAM 83:18

Nangmah cho chu LALPA leh tual ah lâirêltu lian na si ti an theihnâk ding hen.

EXODUS 15:14

Phun tla nih an theih le, lâu hen an thir; Philistia mi tla chu lâunâk nih a tlunh na.

EXODUS 9:16

Ka thiltikho zia ka nan muhtir khonâk ding leh laikulh pumpi ah ka min a thangnâk ding hen na nungnâk lam chu ka zuah lai.

ISAI 55:5

Tuah ram dangah mi phun tla na kawh na lai le; veikhat ko chun an theih lai lo le, sikhawmsele tuah nangmah sinah a fawnh ding an hawng tek lai! Kei LALPA na Pathian Israel Pathian thenhlimh nih hi bang zawzawng hi ka hawng tlungtir lai le, zahnâk leh rokualnâk ka nan pêk lai,” a ti.

ISAI 66:19

kei hi anmah rêptu kasi mi an theih lai rawh. “Sikhawmsele a zeimaw mi chu ka zuah na lai le, phun tla leh ram lât tak tla ah ka min thang zia theihlotu tla leh ka rokualnâk leh ka thiltikho zia muhlotu tla: Spain, Libia, leh Lidia, a chanhtiang kah thiam tla hen, Tubal leh Greek ram ah ka fial na lai. Hi bang phun tla nâwngah hin ka rokual zia thu an phuang lai.

NUMBER 14:15

Tuah na mi tla na thah hep na chun, na min thang zia theihtu phun tla nih pêk ding hen ram a tiamh na mi

NUMBER 20:14

Mosi nih Kades thawk hen Edom lalchem sinah mi a fial. “Hi thuchah hi nangmah chi-leh-kuang Israel phun tla thawk hen mi asi. Thil harsa kan tuar mi khawm na theih,

THILTI 8:7

Mi tam tak thawk hen thlarau nâwmtâm tla chu hâu fâk tak a âu hen an hawng suak. Zeng leh kekhêng tam tak tla khawm damh an si.

DEUTERONOMY 20:11

Kulh kawtkâ an awng hen an hawng a pêk chun, nan sal leh nan rangah rianṭuantu an si lai.

DEUTERONOMY 20:15

Chubangchu nan umnâk ram thawk hen lât tak a mi khuapi tla nan do ding dân chu asi.

JOSUA 9:10

Amor lalchem panih Jordan saklei mi Hesbon lalchem Sihon leh Basan lalchem Og Astarot ah um mi lakah a thilti tla khawm kan theih.

JOSUA 9:16

Chu remnâk an siam nûnah ni thum thawk hen chun Israel tla nih an kiangkam mi an si ti an theih.

JOSUA 9:17

Churawhchun, Israel mi tla chu an suak le, a ni thumnâk ah an umnâk khuapi chu an va tlung. Gibeon, Kephirah, Beeroth leh Kiriath Jearim khua mi tla an si.

JOSUA 9:24

Annih nih an sâng le, “Kan ti ko lai ma chu Pu, LALPA nan Pathian nih a to-aw Mosi sinah ram pumpi pêk hen an kalnâk kip ah minung tla chu ram ah um mi chu thah ding asi ti hen thu a pêk mi chu a dik asi ti kan theih ruangah asi. Kan ṭih na ruangah kan ti mi asi, thi ding kan ṭih ruangah.