JOSUA 9:5 - Bawm Common Language Bible Version

⁵ puan ṭet fup mi aih leh pheikawk an belh tup mi ruk hen, an ei ding mi sang tla châr fûk hen a mawr khur.

JOSUA 9:5 ပူးပေါင်းရင်းမြစ်များ

LUK 15:22

Sikhawmsele, a pa nih chun a to-aw tla sinah, Puan ṭha chem kha hawng put rereh ule, aihtir u; a kut ah pizung leh a kezaphah ah pheikawk bunhtir u.

DEUTERONOMY 29:5

Kum sâwmli kar chu ramkaro ah LALPA nih an kalpi na le, nan nipuan leh nan pheikawk khawm a ṭet lêm lo.

DEUTERONOMY 33:25

A khua chu thîr kulh kawtkâ hen hum hen um sele, Him tak hen um kumza seh,”a ti.

JOSUA 9:12

Kan sang tla hi zauhnik, nanmah tla hen tawng ding hen kan hawng liauah mi tla asi. A lum it mi, sikhawmsele zauhnik, tuah a châr hen a buar ver rawh.

JOSUA 9:13

Hi uain khawm kan râwn liauah chun a thar siak. Sikhawmsele, zauhnik, a dûr khawm a pem ver rawh. Kan pheikawk leh nipuan tla khawm kan tlâwngnâk a sâwt ruangah a li ver rawh,” an ti.

JOSUA 9:4

amah chu perpet ding an tum. An sanatung tla fâng vûitun leh uain dûr tla neh leh neh lo hen an phurhtir le, an kal rawh.

JOSUA 9:6

Gilgal an riakmun ah Josua leh Israel mi tla sinah, “Ram lât tak thawk hen hawng mi kan si, nanmah tla hen remnâk siam kan duh,” an ti.