JOSUA 9:14 - Bawm Common Language Bible Version

¹⁴ Israel mi tla nih chun an zumh na le, an sang an lâk le, LALPA khawm simh tâ ding herh hen an ruat lo.

JOSUA 9:14 ပူးပေါင်းရင်းမြစ်များ

2 SAMUEL 2:1

Chu nûn chun David nih “Juda ram ah khua pakhat ka va ho na lai ma?” ti hen LALPA sinah a deih. LALPA nih a sâng le, “Va kal rawh,” a ti. David nih, “Zei mi dauh ah?” ti hen a deih. LALPA nih, “Hebron ah,” a ti.

2 SAMUEL 5:19

David nih LALPA sinah, “Philistia tla hi ka do na lai ma? Anmah nehtu ah na ka siam lai ma?” a ti. LALPA nih a sâng le, “Nehtu ah ka nan siam lai, do rawh!” a ti.

Ezra lasuibu 8:21

Tî lampi chawhnâk mun Ahaviah ah, kan Pathian mâika ah thinlung nâu tak a buh ngei ding hen leh kan kalnâk ding lampi tluan hen kan neih leh kan fa tla hawng kan kilkâwi ding hen Pathian sinah ngiarnâk thu ka suah.

EXODUS 28:30

Ṭângbêk lakah chun Urim leh Thummim bêk le, chu chu ka umnâk thenhlimh ah Aron a hawng tikah a hawngpi ding asi. Chubang hâwi liau kip ah ṭângbêk chu a awih kumza ding asi. Chu tikah Israel mi tla rangah ka duhzia thil a ti mi asi lai.

NUMBER 27:21

Bâwlpu Eleazar, Urim leh Thummim mang hen ka duhzia hen umtu lakah a ngauh ding asi. Hi hâwi hen bâwlpu Eleazar nih Josua leh Israel mi tla zawzawng chu an rianṭuan ding thu ah an rui na ding asi,” a ti.

JEM 1:5

Sikhawmsele, nan lakah âuzawng nih finghnâk a samphâng chun mi zawzawng sinah siang tak leh zângfah tak hen pêk tâwntu Pathian chu deih seh, churawhchun a sinah pêk asi lai.

JOSUA 9:13

Hi uain khawm kan râwn liauah chun a thar siak. Sikhawmsele, zauhnik, a dûr khawm a pem ver rawh. Kan pheikawk leh nipuan tla khawm kan tlâwngnâk a sâwt ruangah a li ver rawh,” an ti.

LÂIRÊL 1:1

Josua thih nûnah Israel mi tla nih LALPA sinah “Kan lakah a zei mi phun tla nih me Kanaan mi tla rangah kal masa chem hen do ding asi awt?” ti hen an deih.

LÂIRÊL 20:18

Israel tla chu Pathian sawnhnâk mun Bethel ah an kal le, chunah chun Pathian rangah an deih, “Benjamin phun tla do masachemtu ding chu zei phun asi lai?” an ti. LALPA nih a sâng le, “Juda phun nih,” a ti.

1 SAMUEL 22:10

Ahimelek nih David chu zei a ti lai ti hen LALPA a ngiar piak le, churawhchun David rangah buh a pêk le, Philistia mi Goliath nâmsâu khawm a pêk,” a ti.