JOSUA 9:1 - Bawm Common Language Bible Version

¹ Israel tla nih nehnâk anna ting mi chu Jordan thlanglei mi lalchem zawzawng tlângah mi, Mediteranian Tipi phâi ah mi zawzawng, Lebanon tlâng marlei tiang hen an theih ver. Hi bang Lalchem tla hi Hit mi lalchem tla, Amor mi lalchem tla, Kanaan mi lalchem tla, Periz mi lalchem tla, Hiv mi lalchem tla leh Jebus mi lalchem tla an si.

JOSUA 9:1 ပူးပေါင်းရင်းမြစ်များ

2 SAMUEL 24:7

Churawhchun, saklei Tura khuapi kulhnei leh Hit mi leh Kanaan khuapi ah an kal, a dawnghnâk ah Juda simlei kângah Bersheba tiang an kal.

EXODUS 23:23

Ka vânmifial nan mâilei ah a kal lai le, Amor leh Hit mi tla, Periz leh Kanaan mi tla, Hiv mi leh Jebus mi tla umnâk ram ah a nan kalpi na lai le, annih tla chu ka veih dep na lai.

EXODUS 23:31

Nan ram chu Agaba likâwlneng thawk hen Eufretis tiva tiang leh Mediteranian Tipi thawk hen ramkaro tiang ka kauh lai. Chu mi ram ah um mi tla tlûnah thiltikhonâk kan pêk na lai le, nan kalnâk zawng ah nan nar vima na lai.

EXODUS 3:17

Aigupta ram ah nehsawh hen an umnâk ah mi suakpi hen Kanaan mi, Hit mi tla, Amor mi tla, Periz mi tla, Hiv mi tla leh Jebus mi tla umnâk neihnâk leh ram ṭha mun ah kalpi na ding ka tum mi simh na,” a ti.

EXODUS 34:11

Tusûn ni ah dân kan pêk na mi tla hi zûl u. Amor tla, Kanaan tla leh Hit tla, Periz tla, Hiv tla, Jebus tla nan kalnâk kip ah ka nar vima lai.

NUMBER 13:29

Amalek mi tla chu simlei kâng ram ah an um le; Hit mi tla, Jebus mi tla leh Amor mi tla chu tlâng ram ah an um; Kanaan mi tla chu Mediteranian tipi kapah leh Jordan Tiva dung ah an um,” an ti.

NUMBER 34:6

“Thlanglei kang ramri chu Mediteranian Tipi.

DEUTERONOMY 1:7

Nan riakmun tla siat ule, a ṭhial u. Amor umnâk tlâng ram ah chun kal ule, a kiangkam ah mi ram tla zawzawngah khawm, Jordan Vakuam lei tla, tlâng ram lei leh phâi lei tla, simlei tla, Mediteranian leiah. Kanaan ram leiah kal ule, Lebanon Tlâng lanh lei ram Eufretis Tiva tiang hen.

DEUTERONOMY 3:25

LALPA Jordan Va hawng kan kanhtir rawh, ram ningno varâl lei mi tlâng ram dawh tak leh Lebanon Tlâng tla hawng kan muhtir,’ ka ti.

DEUTERONOMY 4:49

Jordan Va saklei ram zawzawng, simlei kângah Tipi Thi leh saklei kângah Pisgah Tlâng phûr tiang a uap hep asi.

DEUTERONOMY 7:1

“LALPA nan Pathian nih nan va luah ding mi ram ah an kalpi na lai le, a sungah mi phun tam tak tla chu a nar hep na lai. Nan kalnâk kip ah nanmah ngâk hen tam dauh mi leh thiltikho dauh mi phun sarih: Hit mi, Girgasit mi, Amor mi, Kanaan mi, Periz mi, Hiv mi leh Jebus mi tla a nar phin na lai.

JOSUA 1:15

Jordan Va thlanglei kâng ram, LALPA nan Pathian nih a pêk na mi an luah tiang hen ṭangpi na ding hen nan hâwi Israel tla mâi nan ruai na hen nan ṭangpi na ding asi. Him tak hen Israel fa tla rangah pêk asi tikah hi Jordan saklei Mosi, LALPA to-aw nih an pêk na mi nan ram ah hin nan hawng kîr lai le, nan um lai rawh,” a ti.

JOSUA 1:4

Nan ramri ding mi chu simlei ramkaro thawk hen marlei kang Lebanon Tlâng tiang; saklei kângah Eufretis Va thawk hen Hit ram zawzawng leh thlanglei kângah Mediteranian Tipi tiang asi lai.

JOSUA 10:23

Churawhchun, pûk chu an awng le, Jerusalem lalchem, Hebron lalchem, Jarmut lalchem, Lakis lalchem leh Eklon lalchem tla chu an suakpi na le,

JOSUA 11:17

Simlei kâng Edom kiangah mi Halak Tlâng thawk hen marlei kângah Baalgad tiang asi, chu chu Hermon Tlâng simlei Lebanon kuam asi. Josua chu hi tlâng ram lalchem tla hen hun sâwt tak anna do, sikhawmsele a thah hep na le, a lâk hep na.

JOSUA 13:5

Gebal ram, saklei kângah Lebanon zawzawng Baalgad thawk hen, chu chu Hermon Tlâng asi, Hamat Liamnâk tiang hen.

JOSUA 15:12

Chu chu thlanglei kâng ramri asi. Hi ramri tla sungah hin Juda dâwngsung minung tla an um asi.

JOSUA 22:4

Tuah LALPA, nan Pathian nih a tiamh rawh hâwi hen nan hâwi Israel tla rangah thlangamnâk a pêk rawh. Churuang chun Jordan Va saklei ram LALPA to-aw Mosi rangah nan deih le, a nan pêk na mi ram ah tlung u rawh.

JOSUA 23:4

Tuah a leifuan phun ah um mi tla leh phun zawzawng ram Jordan Va saklei ram thawk hen thlanglei ah Mediteranian Tipi ka lâk rawh mi tla chu nanmah phun tla rangah ka nan ruat piak na rawh.

JOSUA 24:11

Jordan Va nan kanh le, Jeriko nan hawng tleng. Jeriko mi tla nih Amor mi, Periz mi, Kanaan mi, Hit mi, Girgasit mi, Hiv mi leh Jebus mi tla hâwi hen an do na. Chubang tla lakah nehtu ah kan siam na.

JOSUA 3:10

Nan kalnâk zawng ah Kanaan mi tla, Hit mi tla, Hiv mi tla, Periz mi tla, Girgasit mi tla, Amor leh Jebus mi tla Kanaan ram ah mi a nar na lai.

JOSUA 3:17

Mi zapi tla nih tual châr ah Jordan Va an tan liauah chun bâwlpu tla nih Jordan Va lâi tual châr tlûnah Thudântuk Bâwm put hen zapi tla nih an tan thluh ver tiang an dîr ko.

JOSUA 5:1

Amor lalchem Jordan thlanglei mi zawzawng tla, Mediteranian Tipi kiangkam ah um mi Kanaan lalchem tla nih Israel mi tla nih an tan ver tiang hen LALPA nih Jordan Va tî chu a kangtir piak na ti an theih. Israel mi tla ruangah an thinlung a dâwk hep le, thungâi an ningṭih.

JOSUA 6:27

Churawhchun, LALPA chu Josua sinah a um le, chun ram pumpi ah a min a thang rawh.

JOSUA 9:7

Sikhawmsele, Israel mi tla nih, “Zei rangah nanmah tla hen remnâk kan siam zia lai? Kan kiangkam mi khawm nan si kho,” an ti.