JOSUA 8:8 - Bawm Common Language Bible Version

⁸ Khuapi nan lâk rawh chun, LALPA thupêk hâwi hen, duah hep u. Chu chu nan rangah thupêk chu asi,” a ti.

JOSUA 8:8 ပူးပေါင်းရင်းမြစ်များ

2 SAMUEL 13:28

a to-aw tla khawm a simh zet na, “Amnon rangah zû cherkhet dinh u le, thah ding hen thu kan pêk na tikah amah chu thah ko u, ṭih rîlmâl lah u, a mawh chu keimah nih ka phurh lai, zâm lo hen râlṭha tak hen um u,” a ti,

DEUTERONOMY 20:16

“LALPA nan Pathian nih a nan pêk na mi ram ah khuapi tla nan lâk tikah thah ver na u.

JOSUA 1:16

Josua rangah an sâng le, “Na kan simh mi vial chu kan ti vima lai le, na kan fialnâk zawng ah kan kal lai.

JOSUA 1:9

Tum thlir leh zumh thlir ding hen thu ka nan pêk asi ti theihkumza! ṭih lah le, dâwk lah, Kei, LALPA na Pathian, na kalnâk kip ah ka um vima lai,” a ti.

JOSUA 6:24

Chun, khuapi chu an duah le, a tual leh a sungah mi thil hen a kâng hep. LALPA thil siahnâk ah an hawng put mi ngûn, tangka, dâr leh thîr cho a him.

JOSUA 8:13

Khuapi marlei kângah riaknâk mun lian chemnâk ah mi khawm tîm chia zet hen an um. A dang vial chu thlanglei kângah an um. Josua chu zân ah tivakuam ah a riak.

JOSUA 8:2

Jeriko khua leh a lalchem tlûnah na ti mi hâwitê hen Ai khua leh a lalchem tlûnah na ti ber lai. Sikhawmsele, tutan mi lam chu thil-le-rî leh a ranrual tla nangmah tâ asi lai. Khuapi do ding hen a tîm le, râl vêngtu tla siam na,” a ti.

JOSUA 8:22

Israel khuapi ah um mi tla khawm nih tuknâk chu an hawng bawmh bâk na rawh. Ai khua mi tla khawm nih Israel mi tla nih an kulh dak na le, an thah mi tla an muh na rawh. Âukhawm an suak lo, an lalchem pakhat

JOSUA 8:28

Josua nih Ai khua chu a duah hep le, râwk dep hen a mâk. Tutiang hen chu hawi hen a um kumza.

JOSUA 8:7

Chu tikah nannih nanna thupnâk ah mi nan hawng suak lai le, khuapi chu nan lâk lai rawh. LALPA nan Pathian nih a nan pêk na lai rawh.

JOSUA 8:9

Josua nih a fial na le, anna thupnâk lei an va kal le, chunah chun an ngâk na ko, chu ram chu Ai thlanglei ah Bethel leh Ai kar asi. Josua chu, chu zân ah chun riaknâk mun ah a riak rih.

LÂIRÊL 4:6

Nikhat chu Barak, Abinoam fapa Naphtali ram ah mi Kades khuapi mi chu a kawh le, a sinah, “LALPA, Israel Pathian nih hi thupêk hi a nan pêk asi: ‘Naphtali leh Zebulun phun ah mi minung singkhat put na le, Tabor Tlâng leiah kalpi na.