JOSUA 8:33 - Bawm Common Language Bible Version

³³ Israel mi tla, an ruitu leh an hotu tla, an lâirêltu leh ramdang minung an sinah an um mi tla hen Levi bâwlpu tla Thudântuk Bâwm zawnhtu lei hawi hen, LALPA Thudântuk Bâwm khatlei sîr ah an dîr. Mi khingkhuai chu Gerazim tlâng dunglei an sît le, a dang mikhing nih Ebal tlâng dunglei an sît. LALPA to-aw Mosi nih malsâwmnâk an tawng kip ah hi hâwi ti ding hen thu a pêk na.

JOSUA 8:33 ပူးပေါင်းရင်းမြစ်များ

EXODUS 12:49

A ram ah mi Israel tla leh ramdang mi nan sinah um mi tla chu bang cho hen dân nan nei ding asi,” a ti.

LEVITICUS 24:22

Hi dân hi nan lakah Israel mi khawm ramdang minung nan sinah um mi khawm nih a mang ding asi, Kei, LALPA nan Pathian kasi ruangah,” a ti.

NUMBER 15:15

Zeiliau zawng ah ramdang minung nan lakah um mi hen dân bang cho hen nan mang ding asi. LALPA mitmuh ah annih leh nannih chu nanna bang cho asi.

NUMBER 15:16

Chu dân chu an sinah leh nan sinah bang cho hen mang asi.

NUMBER 15:29

A ram mi Israel tla mawh, ramdang minung um bâk mi mawh tum mi silo hen sualtu zawng chu dân bang khap hen an mang ding asi.

JOHAN 4:20

Kannih thlâktu tla nih chun hi tlângah hin Pathian an sawnh tâwn; sikhawmsele, nannih nih chun, ‘Minung nih Pathian an sawnhnâk mun ding chu Jerusalem ah a um,’ nan ti tâwn,” a ti.

DEUTERONOMY 11:29

LALPA nih ram nan va luah ding mi lakah an kalpi na tikah chun malsâwmnâk chu Gerizim Tlângah nan sim lai le, siarbarh thu chu Ebal Tlângah nan sim lai.

DEUTERONOMY 31:12

Mipa, nunau, ngâksia zawzawng leh nan khua ah ramdang minung um mi tla kawh ver na ule, LALPA nan Pathian thu theih leh zah ding hen a sîntirnâk tla chu mikip nih zumhkâi tak hen an zûl khonâk ding hen.

DEUTERONOMY 31:25

A ti thluh rawh chun Levi bâwlpu tla, LALPA Thudântuk Bâwm zauhkhenhtu tla sinah,

DEUTERONOMY 31:9

Mosi nih Pathian dân chu a rîn le, Levi bâwlpu tla LALPA Thudântuk Bâwm kilkâwitu leh Israel ruitu tla sinah a pêk na.

JOSUA 23:2

Israel tla zawzawng, an upa tla, an ruitu tla, lâirêltu tla, zapi lakah hotu tla a kawh na le, an sinah, “Tuah chun thungâi ka tar rawh.

JOSUA 24:1

Josua nih Israel mi zawzawng Sekem ah a pumh hep na. Upa tla, ruitu tla, lâirêltu tla, Israel lakah hotu tla a kawh na le, Pathian mâika ah an hawng ver.

JOSUA 3:14

Fângzûn liau asi le, tî khawm a sah thlo rih. Mipi tla nih Jordan Va tan ding hen an riakmun an kaltâk rawh chun bâwlpu tla chu Thudântuk Bâwm put hen mâilei ah an kal rawh. Bâwlpu tla nih an kê hen tî an lamh rawh chun

JOSUA 3:3

“Bâwlpu tla nih LALPA nan Pathian Thudântuk Bâwm an zawnh mi nan muh tikah chun riaknâk mun tla siat ule, zûl na u.

JOSUA 3:6

Churawhchun, bâwlpu tla chu thudântuk Bâwm put hen zapi mâilei ah kal ding hen a simh na le, a simh na mi hâwi hen an kal rawh.

JOSUA 4:10

LALPA nih Josua rangah mipi ti ding hen a simh mi hâwi hen thil zeizawng a lîm lânlo chu bâwlpu tla chu Jordan Va lâi ah an dîr ko. Chu chu Mosi thupêk asi. Mi zapi tla nih mawhsareh hen tiva chu an kanh rawh.

JOSUA 4:18

bâwlpu tla nih vakap an tlung rawh chun tiva chu a luang nawlh le, a tiva kâwr chu a khat nawlh rawh.

JOSUA 6:6

Josua nih bâwlpu tla a kawh na le, an sinah, “Kha Thudântuk Bâwm kha lâk ule, minung pasarih a mâilei ah kal ule, tâwtawrâwt put chiau u,” a ti.