JOSUA 8:31 - Bawm Common Language Bible Version

³¹ A siam mi chu LALPA to-aw Mosi dân Israel fa tla sinah a pêk mi hâwi hen, chu sîntirnâk Mosi dân lakah chun, “Mâichâm rang ding lung tla chu thîr riamnâm hen khuai lo mi lung mang ding asi,” a ti. Chu tlûnah chun duahphung bâwlnâk leh kawmhnâk thil ap LALPA sinah an ap.

JOSUA 8:31 ပူးပေါင်းရင်းမြစ်များ

2 Lal 14:6

Sikhawmsele, Mosi dân ah LALPA thupêk zûl hen an fa tla lam chu a thah na lo. “An fa tla sual ruangah an nu leh an pa thah ding asi lo, an nu leh an pa sual ruangah an fa tla khawm thah na ding asi lo. Mi amah sual ruangah amah cho thah ding asi,” ti mi hâwi hen.

2 Lal 22:8

Lalchem thupêk chu Saphan nih Hilkiah rangah a simh le, Hilkiah nih Biakin ah hi Dân bu hi ka tawng mi asi ti hen a simh. Hilkiah nih Saphan sinah lasuibu a pêk le, Saphan nih a rêl rawh.

2 CHRONICLES 25:4

Mosi dân ah mi LALPA thupêk zûl hen an fa tla lam chu a thah piak na lo: “An fa tla nih mi an thah ruangah nu leh pa rangah thah ding asi lo, an nu leh an pa tla nih mi an thah ruangah an fa tla khawm thah ding asi lo; mi thahtupa cho thah ding asi,” ti mi hâwi hen.

2 CHRONICLES 35:12

Churawhchun, zapi tla chu duahphung rangah mang mi ran chu dâwngsungkhur ah a murui hâwi vima hen an ṭhenh na. Mosi Dân ah sîntirnâk hâwitê ap asi khonâk ding hen.

Ezra lasuibu 6:18

Bâwlpu tla leh Levi tla chu Mosi lasuibu ah sîntirnâk hâwi hen Jerusalem ah mi Biakin rianṭuantu ah an siam na.

NEHEMIAH 13:1

Mosia Dân zapi sinah fâk ual hen an hawng rêl rawh chun, Amon mi leh Moab mi tla hen Pathian mi tla chu a tlâinâk um lo rawh ding ti hen thuruatnâk a um.

EXODUS 18:12

Jethro nih duah hep ding mi bâwlnâk leh Pathian sinah bâwlnâk dang ap ding mi chu a hawng put le; Aron leh Israel ruitu tla chu bâwlnâk thenhlimh sa ei ding hen a sinah an va kal bâk.

EXODUS 24:5

Churawhchun, tlangvâl tla a fial na le, LALPA hen kawmhnâk ding ah ran hen bâwlnâk duah mi an ap.

MATHAI 12:26

Chun, Setan nih Setan ber a nar chun mah a do mi asi lai lo ma, a ram chu zeitin me a dîr kho lai!

DEUTERONOMY 27:2

LALPA nan Pathian nih a nan pêk na mi ram ah lût ding hen Jordan Va nan kanh ni ah chun lung lian pipi tla phun hen lung chulhnâk nan chulh lai le,

DEUTERONOMY 27:8

Chu lung chulh mi tla lakah chun Pathian dân thu tla fiang tak hen rîn u,” an ti.

JOSUA 1:8

Pathian nan sawnhnâk kip ah hi dân bu hi rêl kumza ding asi ti theih set rawh. A sûn a zân hen a sîn le, a sungah rîn mi zawzawng tla hi zûl ding ti theih set rawh. Chu tikah na sul-le-lam a tluang hen na dingchang lai.